Friday, July 31, 2009

To Verse

သို့ ..... လင်္ကာ

ပြာယာခတ် ငါ့ကမ္ဘာမှာ
ဘာတွေမှ မရပ်တည်နိုင်တာ
ကြာရှည်မှ သိခဲ့ရပြီ......လင်္ကာ။


ရာစုနှစ်တခုစာ
နင်နဲ့ ငါရဲ့ခြားနားခြင်းဟာ
ရုပ်ကြွင်းသစ်အဘိဓာန်အတွက်
မှော်ဝင်ခြင်း ရှိနေခဲ့တဲ့
လက်ဝဲဝါဒ တစ်ခုကြောင့်ပါ.....လင်္ကာ။

မုသားမဲ့ သစ္စာအတွက်
ကျိန်ဆိုမှုကတော့
သုခ ဒုက္ခ
ဗျာပါဒတွေကြောင့်
ဖက်တွယ်လို့မနေ
ရွတ်ဆိုမှုကင်း
ဝေးလွှင့်လို့ နေခဲ့ရခြင်းပါ.......လင်္ကာ။

ရင်ဘတ်စစ်စစ်တွေနဲ့ သွန်းလုပ်
ကြိမ်ထောင်မက
ရယ်သွမ်းသွေးဖူးပေမယ့်
အလှထက် ဘဝက
စစ်အောင်လို့ သွားပြီလေ....လင်္ကာ။

ဝါသနာတွေ ကျဆုံး
လူလုံးတော့ မလှပေမယ့်
ကဗျာဆရာတွေရဲ့ ရင်တွင်း
ပျို့ဆင်းကာထွက်လာတဲ့
ကာရံသစ်တွေနဲ့ မင်းကို
ချဉ်ချင်းတက် မက်မောဖူးခဲ့ပါရဲ့။

ခရာလင်း

2 comments:

  1. မိုက်တယ် ။ ကိုချမ်း ကဗျာလေးကောင်းတယ်။

    ReplyDelete
  2. ကဗျာကောင်းလေးလည်းဖတ်သွားတယ်
    နာမည်လည်းသိသွားတယ်း)

    ReplyDelete