Saturday, January 29, 2011

ကြယ်နှစ်စင်းကတဲ့ ကြိုးညှိသံစဉ်



လောကမှာ နှလုံသားတစ်စုံ ပေါင်းစပ်လိုက်လျှင် သူ့နောက်တွင် ဝမ်းသာပျော်ရွှင်ဖွယ်ရာများလည်း ရှိ၏။ ကြေကွဲခြင်းအချို့လည်း ပါနိုင်သည်။ အသွင်သဏ္ဍာန်မတူ ဆန့်ကျင်ဘက် လာရာများလည်း ပါနိုင်သည်။ တူညီသော ဝါဒအချို့လည်းရှိသည်။ အငြင်းအခုန် တိုက်ပွဲများလည်း ဖြစ်နိုင်သည်။ အဆင့်အတန်း ဂုဏ်ပကာသန တိုင်းတာခြင်း ပေတံလည်း ရှိနိုင်သည်။ လိုအပ်မှု၊ မလိုအပ်မှု ကဲ့သို့ ဒွိဟတရားများလည်း ရှိနိုင်သည်။ 

အချစ်သည် ကဗျာတွေ၊ စာတွေထဲတွင်သာ ခြယ်မှုန်းသီဖွဲ့၍ကာ ကောင်းသည်။ ရုပ်ရှင်တွေ၊ စာတွေထဲကလို စိတ်ကူးယဉ် အချစ်ဇာတ်လမ်းတွေသည်ကား ဒေါင်းယောင်ဆောင်သောကျီးပင်။ တကယ့် လက်တွေမူကား အရာရာခြားနားလှ၏။ ရိုးသားစွာ ဆိုရလျှင်မူ အချစ်၏ နောက်ဆက်တွဲ ကောင်းခြင်း ဆိုးခြင်းသည် ကံကြမ္မာ တစ်ရပ်ပင်တည်း။ 

လွန်စွာမှပင် ချစ်ကြပါသည်ဆိုသော အတွဲ နောက်ပိုင်း ကွဲချင်လဲ ကွဲနိုင်သည်။ မုန်းချင်လဲ မုန်းသွားနိုင်သည်။ သေတပန် သက်တဆုံး လက်တွဲ၍လည်း သွားနိုင်သည်။ အချစ်သည် အခြေအနေနှင့် အချိန်အခါ ပေါ်တွင်လည်း သက်ရောက်မှု ရှိသည်။ အတော်ပင် ညှိယူရသော မေတ္တာနှောင်ကြိုးများ ဖြစ်သည်။

အချစ်သည် သက်တမ်းရင့် လာသည်နှင့်အမျှ အေးဆေးတည်ငြိမ် လာတတ်ပြီး ရယူလိုခြင်း နေရာတွင် ပေးစပ်လိုခြင်း သဘောများ အစားထိုးဝင် ရောက်လာနိုင်သည်။ ပိုင်ဆိုင်လိုခြင်းနေရာတွင် မျှဝေခံစားလိုခြင်း ရှိလာနိုင်သည်။ သဘာဝ နိရာမအရပင် မတူညီသော လူသားဖိုမနှစ်ဦး တူညီအောင်ကြိုးစားလာခဲ့ခြင်းကို အိမ်ထောင်မှု ပြုသည်ဟု ထင်မြင်မိပါသည်။

♎♌♎♌♎♌♎♌♎♌


သူမသည် "လစ်ဘရာ" ဖြစ်၏။ သူသည် "လီယို" ဖြစ်၏။
သူမသည် ချိန်ခွင် ဖြစ်၏။ သူသည် ခြင်္သေ့ ဖြစ်၏။
သူမသည် စရ(လေ) တူရာသီ ဖြစ်၏။ သူသည် ထိရ(မီး) သိဟ်ရာသီ ဖြစ်၏။
သူမထံတွင် သောကြာကြယ် က၏။ သူထံတွင် တနင်္ဂနွေကြယ် က၏။

ထိုသို့ လစ်ဘရာဖြစ်သူ...... "သူမ"နှင့် လီယိုဖြစ်သူ...... "သူ" တို့တွင် -

သူမကား..... ပိန်၏။ သူကား...... ဝ၏။
သူမက..... စိတ်မြန်၏။ သူက..... စိတ်အေး၏။
သူမသည်..... လေ ဖြစ်၏။ သူသည်..... ဖယောင်းတိုင် ဖြစ်၏။
သူမက..... စိတ်ကူးယဉ်၏။ သူက..... လက်တွေ့ဆန်၏။
သူမ...... စိတ်ရှုပ်ခံ၏။ သူ..... စိတ်အရှုပ်မခံ၏။
သူမသည်...... ပေးဆပ်သူ ဖြစ်၏။ သူသည်..... ရယူလိုသူ ဖြစ်၏။
သူမ..... ငါးကြိုက်၏။ သူ...... အသားကြိုက်၏။
သူမကား...... ရုပ်ရှင် နှစ်သက်၏။ သူကား...... စာပေ နှစ်သက်၏။

ထိုထိုသော ဆန်ကျင်ဘက်များနှင့် အပြိုင် ………


သူမသည်..... ညို၏။ သူလည်း...... ညို၏။
သူမသည်..... ကခုန်ခြင်း ကြိုက်၏။ သူလည်း..... ကခုန်ခြင်း ကြိုက်၏။
သူမသည်..... အပေါင်းအသင်း ခုံမင်၏။ သူသည်လည်း..... အပေါင်းအသင်း ခုံမင်၏။
သူမသည်..... အပြာရောင် နှစ်သက်၏။ သူလည်း..... အပြာရောင် နှစ်သက်၏။
သူမသည်..... ပန်းချီကို စိတ်ဝင်စား၏။ သူလည်း..... ပန်းချီကို စိတ်ဝင်စား၏။
သူမသည်..... ဂီတကို ခုန်မင်၏။ သူလည်း..... ဂီတကို ခုန်မင်၏။

ဤသို့သော အချက်များသည်လည်း သူမနှင့်သူတွင် လားရာတူ၏။

သူမနှင့် သူ၏ ဆန်ကျင်ခြင်း နှင့် တူညီခြင်း မျဉ်းပြိုင်နှစ်ကြောင်းသည် အင်ဖန်နတီဆိုသော အိမ်ထောင်ဘက်အရပ်၌ သွားဆုံသောအခါ…………..။

ရံဖန်ရံခါ အချိန်များတွင်-
သူမနှင့် သူသည် အရမ်း နားလည်မှု ရှိကြလေ၏။
သူမနှင့် သူသည် ကသိကအောင့် ရှိကြလေ၏။
သူမနှင့် သူသည် စွယ်တော်ရွက် ဖြစ်လေ၏။
သူမနှင့် သူသည် Tom နှင့် Jerry ဖြစ်လေ၏။
သူမနှင့် သူသည် Romeo နှင့် Juliet ဖြစ်လေ၏။

သူမက အချစ်ကို ပေးစပ်ခြင်းတုံပြန်ခြင်းနားလည်းခြင်းအားကိုးခြင်း ဟုနားလည်သည်။
သူက အချစ်ကို ရယူခြင်း ငြိမ်းချမ်းခြင်းယုံကြည်ခြင်းစွမ်းအားရှိခြင်းခွင့်လွှတ်ခြင်း ဟုခံစားသည်။

လစ်ဘရာဘဝ ထဲက လီယို၊ လီယိုဘဝထဲက လစ်ဘရာ (လေထဲက ဖယောင်းတိုင်) 



သူနှင့် သူမ ပေါင်းစည်းခြင်းသည် ရာသီစက်ဝန်း တစ်ခုပြီးတစ်ခု လည်ပတ်လာခဲ့ပြီး မိုင်တိုင်များ တရွေ့ရွေ့ ဖြစ်ကျော်လာခဲ့ပေရာ နွေသဏ္ဍာန် ခြောက်ကြိမ်၊ ဆောင်းပမာ ခြောက်လီ၊ မိုးအသွင် ခြောက်ခါ ရောက်နှင့်လေသည်။ သူမသည် သူ့အတွက် နားလည်းပေးနိုင်သူ၊ သည်းခံနိုင်သူ၊ မျှတသူ၊ အလိုလိုက်သူ အဖြစ် ရှင်သန်၏။ သူသည် သူမအတွက် အားပေးသူ၊ ဖေးမသူ၊ စာနာတတ်သူ၊ သဘောထားကြီးသူ အဖြစ် ရပ်တည်၏။ သူမနှင့်သူ ဆုံဆည်းမှုမှ သူတို့ထပ်တူ နောက်ထပ် သိဟ်နှင့်တူ ရာသီ ကြယ်ပွားလေးနှစ်စင်း ဖျာထွက် ယှက်နွယ်လာလေသည်။ ဘဝဇာတ်ခုံပေါ်မှ ကြယ်နှစ်စင်းကတဲ့ သံစဉ်ကတော့ မလျော့မတင်းတဲ့ စောင်းကြိုးညှင်းပါပဲ။

♎♌♎♌♎♌♎♌♎♌

ဆန့်ကျင်မှု ဆိုတာ တကယ်တမ်းတော့ ကျောခိုင်းထားမိခြင်း သက်သက်ပါ။ တဖန်ပြန်လှည့်ပြီး မျက်နှာချင်းဆိုင် ကြည့်ရင်တော့ ထပ်တူညီမည့် ရင်ခုန်သံတိုးတိုးလေးကို ကြိမ်ဖန်များစွာ ကြားနေရပါလိမ့်မည်။



(ခြောက်နှစ်မြောက် မင်္ဂလာရက်မြတ်ဆီသို့....)


ဆက်လက်ကြိုးစားပါဦးမည်။
© ချမ်းလင်းနေ

Wednesday, January 26, 2011

ကျွန်တော်စာအုပ်ကလေးပျောက်နေပါတယ်



ကျွန်တော်ညီရဲ့ ဝတ္ထုတိုပါ။ မူရင်းစာသာများ အတိုင်း တင်ပေးထားပါတယ်။ ဖတ်ပြီးရင်လည်း ထင်ကြေးအချို့ ပေးခဲ့ပါဦး။

ဆက်လက်ကြိုးစားပါဦးမည်။
© ချမ်းလင်းနေ

Sunday, January 23, 2011

တယ်လီဗေးရှင်းကိုက်ခဲမှု


ရေချမ်း တလောက တီဗီချယ်နယ်လိုင်းတစ်လိုင်းမှ Prison Break စီးရီးတစ်ကားကို အပတ်တိုင်းလိုလို စောင့်ကြည့်ဖြစ်ခဲ့မိတယ်။ သုံးလေးပတ်ကြာတော့ စောင့်ကြည့်ရတာ အားမရတာနဲ့ပဲ အခွေဌားပြီး ကြည့်လိုက်တယ်။ နောက်အမြဲတမ်း ကြည့်ဖြစ်တဲ့နေတဲ့လိုင်းတွေထဲက National Geographic၊ Style Channel၊ Travel တို့ ဆိုရင်လည်း အမြဲစောင့်ကြည့်ရတဲ့ အစီအစဉ်ကောင်းလေးတွေ ပါနေတော့ ဒါတွေအတွက်လည်း အချိန်က ပေးနေရသေးတယ်။ အဲဒီအချိန်တွေရောက်ရင် မကြည့်ရမနေနိုင်အောင် ကိုက်ခဲလာတတ်ပါတယ်။ ရေချမ်းမှပဲလားဆိုတော့ တစ်ချို့တွေဆို ကိုးရီးယားကားမှ ကိုရီးယား။ မြန်မာဗီဒီယိုကား၊ အင်္ဂလိပ်ကား စသဖြင့် တီဗီဇာတ်လမ်းတွေကြားမှာ လူတချို့ဟာ နစ်မြောနေခဲ့ကြပါတယ်။

ပြန်စဉ်းစားကြည့်မိရင်လေ ရေချမ်းတို့ ငယ်စဉ်ဘဝ လွန်ခဲ့သော နှစ်ဆယ်စုနှစ်လောက်က အတိအကျဆိုရရင် ၁၉၈၀ပြည့်နှစ်တွေ လောက်တုန်းကပေါ့။ တယ်လီဗေးရှင်းဆိုတာကြီးက အဖြူအမဲ ပြီးတော့ အရောင်ကာလာနဲ့ ပေါ်ခါစ မြန်မာနိုင်ငံမှာ အသံလွှင်ဌာနဆိုတာ မြန်မာ့အသံနှင့် ရုပ်မြင်သံကြားဆိုတဲ့ အသံလွှင့်ဌာနကတစ်ခုထဲ၊ လွှင့်တဲ့အချိန်ဆို စနေ၊ တနင်္ဂနွေကလွဲလို့ ညနေပိုင်း ၇နာရီလောက်မှ။ စနေနေ့ တနင်္ဂနွေဆိုရင် နေ့လည်နေ့ခင်း ရှေးဟောင်းမြန်မာ အဖြူအမဲ ရုပ်ရှင်တွေ ပြတတ်သည်။ အခုခေတ်ပေါ် 3D ရုပ်ရှင်၊ HD၊ Blue-ray ဆိုတာတွေ မရှိသေး။ ဖြစ်လာလိမ့်မည်ဆိုတာ ထင်တောင်မထင်တတ်သေး။

မှတ်မိပါသေးတယ်။ အဲဒီထက် အရင်တုန်း ကာလတွေကဆို ရေချမ်းနေတဲ့ မြို့လည်ခေါင်လို နေရာမျိုးမှာတောင် တယ်လီဗေးရှင်းဆိုတာကြီး ပိုင်တဲ့လူဆိုလို့ လက်ငါးချောင်းပင် မပြည့်။ တလမ်းလုံးက လူတွေက ညနေဆို ပါတီယူနစ်ရုံးခန်းမှာ လာလာကြည့်ကြရတယ်။ တချို့ကြတော့ ရေဒီယိုဆိုပြီး အသံပဲ နားထောင်နေကြရာကနေ အသံကြားပြီး ရုပ်ပါ ကြည့်မြင်ခံစားလို့ရတဲ့ တယ်လီဗေးရှင်း(ရုပ်မြင်သံကြား) ဆိုတာ ဘယ်လိုလဲပေါ့။ ဘာတွေထူးခြားလဲပေါ့။ စပ်စုလိုစိတ်နဲ့ လာကြည့်ကြတယ်။ တချို့ကတော့ ပြဇာတ်၊ ဇာတ်လမ်းကြိုက်သူတွေဆိုတော့ တခုတ်တရ လာအားပေးကြတယ်။ ပရိသတ်အများစုကတော့ ကလေးတွေရယ်၊ ကလေးတွေ ဗန်းပြတဲ့ ကလေးရှင်တွေရယ်က အများသား။

အဲ့ဒီတယ်လီဗေးရှင်းကြီးတောင် ပါတီယူနစ်ဥက္ကဌက အစိုးရက ချပေးထားတဲ့ အများသူဌာ ကြည့်ရှုဖျော်ဖြေရေး တယ်လီဗေးရှင်းကြီးကိုများ သူ့ကိုယ်ပိုင် ဥစ္စာကြနေတာပဲ။ ညနေစောင်း ရုံးပိတ်ချိန် ခဏလေး သူ့အိမ်ပြန်၊ မြန်မာ့အသံက လွှင့်ချိန်နီးကာနီးဆို ရုံးခန်းပြန်လာပြီး တယ်လီဗေးရှင်းကြီး ဖွင့်ပြတယ်။ တလမ်းလုံးက လူတွေကတော့ သူကို မျှော်ပေါ့။ မရောက်သေး စောင့်ပေါ့။ ရုံးခန်းသော့က သူဆီမှာကိုး။ ဝယ်မှမဝယ်နိုင်ပဲကို၊ ဝယ်နိုင်သည်ဆိုပေမယ့်လည်း ဘယ်မှာလဲရောင်းတဲ့နေရာ၊ သဘောင်္သားရှိတဲ့အိမ်မှ ဝယ်ကြည့်နိုင်တာ။ အခုခေတ် တီဗီတွေ ရောင်းနေတဲ့ ဘားလမ်းလိုနေရာ ဘာမှ သိပ်မရှိ။

အသံလွှင့်ချိန်ရောက်လို့ ပြတော့မယ်ဆိုရင်လဲ တယ်လီဗေးရှင်းက အခုခေတ်လို ရီမုတ်နှိပ် တန်းလာတာ မဟုတ်သေးဘူး။ ဖန်သားပြင်ဘေးက တဒေါက်ဒေါက်နဲ့ လှည့်ပေးရတဲ့ ခလုတ်တွေကို ချိန်ရသေးတယ်။ ဖန်သားမျက်နှာပြင်ကလည်း ဘာလိုင်းမှမလာသေးခင်ဆို လောက်ကောင်တွေအလား အဖြူစက်တွေနဲ့။ အသံကလဲ တဂျီးဂျီးနဲ့ ဆူညံ့လို့။ မှတ်မှတ်ရရ ပြောရဦးမယ်။ အဲဒီတယ်လီဗေးရှင်းကြီးက ရှေးတုန်းက ရေဒီယိုတွေလိုပဲ သစ်သားအရောင်နဲ့ လေးထောင့်ပုန်းကြီး။ အင်တီနာတိုင်ဆိုတာကလည်း အဲဒီတုန်းကအခေါ် ယုန်နားရွက်နဲ့။

အဲဒီတုန်းက ရေချမ်းက ကလေးအရွယ်ဆိုတော့ အဲဒီရုံးမှာ သွားကြည့်ရင် ရှေ့ဆုံးက ဖျာနဲ့ ကလေးတန်းမှာ ကြည့်ရတယ်။ ရေချမ်းအိမ်က လူတွေကတော့ ဘယ်သူမှ လာမကြည့်ဘူး။ သူတို့က တယ်လီဗေးရှင်းဆိုတာ ရုပ်ရှင်ရုံမှာ ကြည့်ရသလိုလဲ မဟုတ်ဘူး။ မြင်ကွင်းကလဲ သေးသေးလေး။ ပြတာတွေကလည်း သတင်းတွေရယ်၊ တေးသီချင်းတွေရယ်က ခပ်များများ။ ပြတဲ့အချိန်ကတော့ ခဏလေးရယ်။ ရေချမ်းတို့ ကလေးတွေကတော့ ဘာရယ်ညာရယ် မဟုတ်ဘူး။

အဲဒီရုံးထဲမှာ မြန်မာ့အသံလွှင်ချိန်ဆို တရပ်ကွက်လုံး၊ တလမ်းလုံးက ကလေးတွေ အပြည့်။ ဒီအချိန်လေးမှီပြီး ကလေးတွေက မြန်မာ့အသံက ဘာလွှင့်လွှင့် နားလည်မလည် ငေးကြည့်တော့တာပဲ။ ဒီကြားထဲ ကလေးတွေ တစ်ယောက်နဲ့တစ်ယောက် ခေါင်းကွယ်လို့ မမြင်ရဘူးဆိုပြီး ရန်တွေဖြစ်ကြ။ သူများမုန့်လုစားလို့ဆိုပြီး ထိုးကြကြိတ်ကြ။ ဒီကြားထဲ သူ့အဖွဲ့ ကိုယ်အဖွဲ့ဆိုပြီး လူစုခွဲထိုင်ကြသေးတယ်။

အဲဒီမှာ ကလေးတွေ ဘန်းပြပြီး လာကြည့်တဲ့ လူကြီးတွေကလည်း ရှိသေးတယ်။ လမ်းထဲက တန်းရှိ ဂုဏ်ရှိတွေဆိုရင်တော့ ထိုင်ခုံနဲ့ဘာနဲ့ပေါ့။ ဥက္ကဌကတော့ အဲဒီ့တယ်လီဗေးရှင်းကြီး ရောက်ကတည်းက သူ့အိမ်က ပလက်ကုလားထိုင်ကြီး နေရာရွှေ့လာတာ။ သူကတော့ တယ်လီဗေးရှင်း ရှေ့တည့်တည့် ကလေးတွေနေရာ နောက်မှာ နေရာယူထားလေရဲ့။ မည်သူကမှလဲ သူနေရာ လာမဦးရဲဘူး။ သူနဲ့ ဓာတ်သင့်သူတွေကတော့ သူ့ရဲ့ ဘေးတစ်ဘက်တစ်ချက်မှာ ထိုင်ခုံကိုယ်စီနဲ့ နေရာယူပေါ့။ ကျန်သူတွေကတော့ ရပ်၊ ကြည့်၊ သွားပဲ။

တချို့ကလေးအမေတွေကတော့ မရပ်နိုင်လို့ သူတို့ကလေးတွေနဲ့ရောပြီး ထိုင်ကြတယ်။ ခန္ဓာကိုယ်ကြီးတဲ့ လူကြီးတွေဆိုတော့ တယ်လီဗေးရှင်းရှေ့နားတော့ မရဘူးပေါ့။ မဟုတ်လို့ကတော့ ဥက္ကဌပါးစပ်နဲ့ စက်သေနတ်ပစ်သွားမယ်။

တခါကလည်း လာကြည့်တဲ့သူတွေက ပြသတဲ့ဇာတ်လမ်းပေါ် အကြောင်းတည်ပြီး ပြောကြဆိုကြနဲ့ တစနဲ့တစ အငြင်းပွားလာလိုက်ကြတာ ရန်ပွဲတွေတောင်ဖြစ်လို့ပေါ့။ ဖြစ်လာတဲ့ရန်ပွဲက ဇာတ်လမ်းပေါ် မူတည်နေရာကနေ ဟိုတုန်းက ရန်ကြွေးတွေပါ ဆင့်လာတယ်။ အစကတည်းက ရေချမ်းတို့ ဥက္ကဌကြီးက စိတ်ခပ်ဆတ်ဆတ်နဲ့ဆိုတော့ ဒီရန်ပွဲ ဘာကြာမလဲ။

ဥက္ကဌက ဘာမပြော ညာမပြောနဲ့ ဗြုန်းဆို တယ်လီဗေးရှင်းကြီး ကောက်ပိတ်။ ဖြစ်နေတဲ့ရန်ပွဲအသံထက် နှစ်ဆကျယ်တဲ့ သူအသံမာမာကြီးနဲ့ လွှမ်းလိုက်ရော ရန်ဖြစ်နေတဲ့သူတွေလည်း မီးခဲရေဖျန်းလိုက်သလို ရှဲခနဲပဲ ငြိမ်သွားကြလေရဲ့။ ဘာမှမဟုတ်တဲ့ ဇာတ်လမ်းပေါ်အခြေခံတဲ့ စကားလုံးထိုးနှက်ပွဲတွေရဲ့ ရလာဒ်ကတော့ တပတ်လောက် ဥက္ကဌလဲ ညတိုင်း အစောကြီး အိမ်ပြန်အိပ်၊ အမြဲတန်းလိုလို စုရုံးစီကားနေတဲ့ ပါတီယူနစ်ရုံးကြီးလဲ တိတ်၊ ရေချမ်းတို့ ကလေးတွေလဲ စုရုံးနေကြ ညနေချိန်လေးလဲ ပါမစ်ပိတ် သွားတော့လေတယ်။

နောက်တော့ မနေနိုင်တဲ့ လူကြီးတွေကပဲ ဥက္ကဌကို ဖြောင်းဖျတော့ တယ်လီဗေးရှင်းပြသမှု ပြန်အသက်ဝင်လာတယ်။ ဒါလဲ သိပ်လဲမကြာပါဘူး။ အစိုးရက တယ်လီဗေးရှင်းတွေ ပြန်သိမ်းလို့လား၊ ဘာလားတော့မသိ တယ်လီဗေးရှင်းပြသမှု နိဂုန်း သူ့အလိုလို ချုပ်ငြိမ်းသွားပါတယ်။ ဒါပေမယ့် မနေနိုင်သူ ရေချမ့်းအတွက်တော့ တယ်လီဗေးရှင်း သွားကြည့်ချင်မှုက အကျင့်ပါသွားတယ်။ ဘာရမလဲ အဖွားကို ပူဆာတော့တာပေါ့။ အဖွားက ဦးလေးကိုပြောပြီး နောက်ဆုံးတော့ ရေချမ်းတို့အိမ်မှာ တယ်လီဗေးရှင်း ရောက်လာတယ်ပေါ့။

ရောက်လာတဲ့နေ့ မှတ်မိပါသေးတယ်။ အဖေရယ်၊ အမေရယ်၊ ဦးလေးရယ်လေ ညနေဘက် တယ်လီဗေးရှင်းကို ဘားလမ်းမှာ သွားဝယ်လာတာပေါ့။ ၁၂လက်မ တိုရှီဘာ ခဲရောင်တီဗီလေး။ သူ့အရှေ့မှာလဲ မှန်အပိုတစ်ချပ်နဲ့ ထပ်ကာထားသေးတယ်။ စက်ပစ္စည်းက အသစ်အဆန်းဆိုတော့ အိမ်ကလူတွေ ဘာလိုလုပ်ရမှန်းတော့ မသိသေးဘူး။ ဝယ်လာတဲ့ဆိုင်က လူတစ်ယောက်ပါလာပြီး ဟိုလိုလုပ်၊ ဒီလိုလုပ်ဆိုပြီး ရှင်းပြသွားတယ်။ သူကပဲ တစ်ခုတည်းသော မြန်မာ့အသံလိုင်းကို ချိန်သွားပေးတယ်။ အဲတုန်းက တီဗီက အော်တိုကျုးနင်းတော့ပါပါတယ်။ မြန်မာအသံလိုင်းတွေကပဲ စနစ်မကြသေးတာလား၊ ဘာလားမသိ လိုင်းစဖမ်းခါစ အတော်ကြာတာပဲ။

တီဗီကို အဲဒီတုန်းက ခေါ်ကြတာက အပေါ်စက်တဲ့။ ပထမတော့ သိပ်မသိသေးဘူး။ နောက်မှ တိတ်ခွေဗီဒီယိုကြည့်တဲ့စက်ကိုတွေ့မှ အော်…ဒါကြောင့် တီဗီကို အပေါ်စက်၊ ဗီဒီယိုစက်ကို အောက်စက်လို့ မြန်မာမှုပြုတာ သဘောပေါက်တော့တယ်။ လာတဲ့ဇာတ်လမ်းတွေကလဲ Six Million Dollar Man၊ Bionic Woman၊ Charlie's Angels၊ တို့လို ဇာတ်လမ်းတွဲကားကြီးတွေ မပြီးနိုင် မစီးနိုင် ကြည့်ရတာ။ ဒီကြားထဲ ဆယ်တန်းတွေ စာမေးပွဲနီးရင် သူတို့စာသင်ရတဲ့ Wuthering Heights လည်းကြည့်ရသေးတယ်။

အပေါ်စက်ပြီးပြန်တော့ အောက်စက်ဇာတ်လမ်း ဆက်လာပါသေးတယ်။ အောက်စက်ခေတ်ဦးတုန်းကလည်း ဝယ်မကြည့်နိုင်သေးတော့ ဌားကြည့်ရတယ်။ အဲတုန်းက ဗီဒီယိုခွေဆိုင်တွေ အခုလို မှိုလိုမပေါက်သေးဘူး။ မြို့ထဲမှာဆို အခွေဌားတဲ့သူတွေက ညနေပိုင်းမှ သစ်သားဗန်းတွေချခင်း၊ အခွေရော၊ အောက်စက်ပါတွဲဌားတယ်။ အဲဒီတုန်းကဆို နေတိုင်း မဌားကြည့်နိုင်သေးပါဘူး။ တစ်ပတ်တခါ၊ တလတစ်ခါဖြစ်ဖြစ် မိသားစုတွေ စုံလင်အားလပ်တဲ့နေတွေ၊ ရုံးပိတ်ရက်ရှည်တွေကြမှပဲ အခွေကောင်းလေးတွေ လေးငါးဆယ်ကားရွေး၊ အောက်စက်ပါတွဲဌားပြီး ကြည့်ခဲ့ကြရတယ်။

အဲတုန်းက အောက်စက်က ဘေးကနေ ထည့်သွင်းရတာမဟုတ်သေးဘူး။ ကတ်ဆက်ခွေလို အပေါ်ကနေ အဖုန်းလေးထွက်လာပြီး သွင်းရတာ။ သုံးလေးခွေကြည့်ပြီးသွားရင် စက်ပူလာလို့ အနားပေးရသေးတယ်။ ဒီကြားထဲ အခွေတွေက မှိုတက်လို့ ဟက်တွေ ချီးတက်တယ်ဆိုလား အဝတ်စဖြူဖြူမှာ အရက်ပြန်သုတ်ပြီး ဟက်ချီးဆေးပေးရသေးတယ်။ တုန်ခြင်းမှုန်ခြင်းတော့ သီးခံပါခေတ်ကို။

အဲ့ဒီလိုနေရက်တွေဆိုရင်တော့ ရေချမ်းတို့ ကလေးတွေကပျော်ပေါ့။ အိမ်ခွဲနေကြတဲ့ မောင်နှမဝမ်းကွဲတွေ၊ အဒေါ် ဦးလေးတွေ အဖိုးအဖွားအိမ်မှာလာစု၊ ကလေးတွေက ဆော့ကြ၊ လူကြီးတွေကတော့ ချက်ကြပြုတ်ကြ၊ စားကြသောက်ကြနဲ့ တကယ့်ကို ပျော်စရာကောင်းလှတဲ့ အချိန်လေးတွေပေါ့။ ရေချမ့်းအဘိုးတစ်ယောက်ရှိတယ်၊ အသက်က အဲတုန်းက ၉၀နီးပါးပေါ့။ သူက ခုခေတ်လူတွေလို မျက်စိမှုန်ခြင်း မရှိဘူး။ ဇာတ်တော့အတော်ကြိုက်ဗျ။ ဒီလိုနေ့တွေမျိုးဆို သူက သဘောသိပ်ခွေ့တာပေါ့။ ပုံမှန် ခုနှစ်နာရီဒေါင် အိပ်နေကြ ရေချမ်းတို့အဘိုး အဲဒီနေ့ဆိုရင် ညသန်းခေါင်ကျော်လို့ မနက်အာရုဏ်တောင်ကူးတော့မယ် မနဲကို သွားအိပ်ခိုင်းရတယ်။

ရေချမ်းတို့ ကလေးတွေကလည်း ဘာရမလဲ၊ စဖွင့်ပြတာနဲ့တင် ကာတွန်းကား၊ အက်ရှင်ကား၊ Home Alone တို့လို့ ကလေးဇာတ်လမ်းလေးတွေ စပြမှ၊ မဟုတ်လို့ကတော့ ပြဿနာကို မီးတုတ်နဲ့ရှို့တာပဲ။ လူကြီးတွေကလည်း အဲဒီတုန်းကဆို အင်္ဂလိပ်ခွေ သိပ်ဌားမပြချင်ဘူး။ အဲဒီတုန်းကဆို အနောက်တိုင်းလို နမ်းတာပြရင်တောင် ရစ်ကြည့်တယ်။ ဘာဘာညာညာ ချွတ်တာ၊ ပေါ်တာမျိုးဆိုလို့ကတော့ တီဗီကိုတောင် ပိတ်ပြီး ကျော်ကြည့်ကြတယ်။ သန့်ရှင်းဖြူစင်တဲ့ ကလေးတွေအပေါ် အရောင်မစွန်းစေချင်တဲ့ သဘောတွေဖြစ်မှာပေါ့။

အခုခေတ်မှာတော့ အင်္ဂလိပ်ဇာတ်လမ်းတွဲနေရာမှာ တရုတ်ဇာတ်လမ်းတွဲများ၊ ကိုရီးယားဇာတ်လမ်းတွဲများ အစားထိုးဝင်ရောက်လာပါပြီ။ မြန်မာ့အသံအပြင်ကို မြဝတီတို့၊ MRTV-4တို့၊ Movie-5တို့ စတင်ပြောင်းလဲ နေရာယူလာကြပါပြီ။ တယ်လီဗေးရှင်းလို့အစပြုလာတဲ့ မြန်မာမှုပြုတော့ အပေါ်စက်၊ တီဗီဆိုတာကတော့ ခေတ်ကာလ ရွှေလျှားလာမှုနဲ့အတူ တုန်ခြင်းမှုန်ခြင်း သီးခံပါခေတ်မှနေ Flat TV၊ LCD တို့လို့ ရုပ်သံကြည်လင်ပြတ်သားမှု HD ခေတ်တွေ ဖြစ်လာပါပြီ။ မိုနိုအသံခေတ်ကနေ စတီရီယို၊ Hifi ၊ Surround စသဖြင့် အသံထွက်ကောင်းတဲ့စနစ်တွေဖြစ်လာပါပြီ။ ပေါ်ပေါက်လာသမျှ စနစ်အသစ်သစ်တွေ အပေါ်မှာ အမှီ အမဲလိုက်နေရတဲ့ ရေချမ်းတို့ရဲ့ တယ်လီဗေးရှင်း ကိုက်ခဲမှုကြီးကတော့ ဆုံးခန်းတိုင်မှာ မဟုတ်သေးပါဘူး။

ဆက်လက်ကြိုးစားပါဦးမည်။
© ချမ်းလင်းနေ

Saturday, January 22, 2011

မင်းသိင်္ခ၏ စာအုပ်များ


  1. မင်းသိင်္ခ - ဆားပုလင်း နှင်းမောင်နှင့် တပွဲစား ဦးနှော (ဝတ္တုတိုများ)
  2. မင်းသိင်္ခ - ဆားပုလင်း နှင်းမောင်နှင့် ပျားဆွဲမုတ်ဆိတ်
  3. မင်းသိင်္ခ - ဆားပုလင်း နှင်းမောင်နှင့် ဘမျိုးဘိုးတူဘယ်သန်ဘမှန် ၁
  4. မင်းသိင်္ခ - ဆားပုလင်း နှင်းမောင်နှင့် ဘမျိုးဘိုးတူဘယ်သန်ဘမှန် ၂
  5. မင်းသိင်္ခ - ဆားပုလင်း နှင်းမောင်နှင့် မမင်းဖြူ မှန်မှန်ပြော
  6. မင်းသိင်္ခ - ဆားပုလင်း နှင်းမောင်နှင့် မြိုင်မဟာ မမြလေး
  7. မင်းသိင်္ခ - ဆားပုလင်းနှင်းမောင်နှင့် ပိတုန်းသုံးကောင်
  8. မင်းသိင်္ခ - ဆားပုလင်းနှင်းမောင်က စိန်ခေါ်ခြင်း
  9. မင်းသိင်္ခ - စနေမောင်မောင်ပါဝင်သည့်မဟူရာ
  10. မင်းသိင်္ခ - ပျော်ပါတယ်မောင်ပြည်သိမ်း
  11. မင်းသိင်္ခ - မြင်းကပါအကျဉ်းသား
  12. မင်းသိင်္ခ - ဘဝဝင်္ကပါ
  13. မင်းသိင်္ခ - မြေလျှောက်ဝိဇ္ဇာရွှေမြသာ-၁
  14. မင်းသိင်္ခ - မြေလျှောက်ဝိဇ္ဇာရွှေမြသာ-၂
  15. မင်းသိင်္ခ - မြေလျှောက်ဝိဇ္ဇာရွှေမြသာ-၃
  16. မင်းသိင်္ခ - ပုဏ္ဏားဘကွန်း-၁
  17. မင်းသိင်္ခ - ပုဏ္ဏားဘကွန်း-၂
  18. မင်းသိင်္ခ - မတတ်ပါ့
  19. မင်းသိင်္ခ - မြနန်းနွယ်
  20. မင်းသိင်္ခ - မြရည်ကံသာ
  21. မင်းသိင်္ခ - မြိုင်ဟေဝန်
  22. မင်းသိင်္ခ - မဃဝါဇိတ်
  23. မင်းသိင်္ခ - မိုးနဲ့မြေ
  24. မင်းသိင်္ခ - မိုးနှင့်အတူ
  25. မင်းသိင်္ခ - မနောမယ ကိုပီတာ
  26. မင်းသိင်္ခ - မနောမယ ထမင်းဝိုင်း
  27. မင်းသိင်္ခ - မနောမယ မြသက်လည်
  28. မင်းသိင်္ခ - မအောင်ရင်
  29. မင်းသိင်္ခ - မင်းနန်သူနှင့်ဂမ္ဘီရလောကဝတ္ထုတိုများ
  30. မင်းသိင်္ခ - ဖြစ်ချင်တာဖြစ် မောင်ဘချစ် ၁
  31. မင်းသိင်္ခ - ဖြစ်ချင်တာဖြစ် မောင်ဘချစ် ၂
  32. မင်းသိင်္ခ - ရာဇဝင်ထဲကလို မင်းသား
  33. မင်းသိင်္ခ - သူတော်စင်မလေးပုဏ္ဍရိက
  34. မင်းသိင်္ခ - ပေတလူ
  35. မင်းသိင်္ခ - ရေမျောကမ်းတင် အောင်ဘဒင်
  36. မင်းသိင်္ခ - မင်းဘာသိလို့ လဲ
  37. မင်းသိင်္ခ - ဘဝစာမျက်နှာအပိုင်းအစများ
  38. မင်းသိင်္ခ - ယတြာများ
  39. မင်းသိင်္ခ - တားရော့ဟောနည်း
  40. မင်းသိင်္ခ - တူသောဝတ္ထုတိုများ
  41. မင်းသိင်္ခ - ဝတ္ထုတိုပေါင်းချုပ် ၃
  42. မင်းသိင်္ခ - မင်းမေးတိုင်းငါကဖြေရမှာလား
  43. မင်းသိင်္ခ - မမကြီးနှင့် စာချုပ်တစ်စောင်(ဝတ္ထုတို)

Saturday, January 15, 2011

စုဆောင်းမိခဲ့သမျှ အဘိဓာန်များ (PDF)


ကျွန်တော် ဖော်ပြထားတဲ့ အခု အဘိဓာန်(PDF) စာအုပ်တွေထဲက တစ်ချို့စာအုပ်တွေက စာရေးသူမူလပိုင်ရှင်များက ခေါင်းစဉ်တပ်ယူထားတဲ့ အဘိဓာန် စာအုပ်များဖြစ်ပါတယ်။ တချို့စာအုပ်တွေကလည်း အဘိဓာန်အဆင့် မဟုတ်ပေမယ့်လည်း လေ့လာသင့် လေ့လာကောင်းတဲ့ စာအုပ်ကောင်းတွေအနေနဲ့ ကျွန်တော်ဒီမှာပဲ လင့်မှတ်တမ်းတင်ထားတာပါ။

ဒီစာအုပ်တွေအကုန်လုံးကို Google ထဲကနေ တူးဆွထားတာတွေပါ။ တကယ်ဆိုရင် Google ကြီးဟာလည်း
ကျွန်တော်တို့ လေ့လာစုဆောင်းလိုသူတွေအတွက် အမှန်တကယ်ကောင်းမွန် ပြည့်စုံတဲ့ အဘိဓာန်တစ်ခုလိုပါပဲ။ လေ့လာမှုမဆုံးနိုင်တဲ့ နေရာကောင်းတစ်နေပါပဲ။

တချို့စာအုပ်တွေကိုတော့ စာအုပ်များ ဆိုတဲ့နေရာမှာပဲ လင့်ပေးထားပါသေးတယ်။ လေလာလိုချင်ရင်တော့ သွားပြီးလေ့လာနိုင်ပါသေးတယ်။ စာအုပ်တွေဟာ အများအားဖြင့် ရှေးကြပြီး ရှားပါးစာအုပ်တွေပါ။ ကျွန်တော် စုဆောင်းလေ့လာရင်းနဲ့မှ အနောက်တိုင်းသားတွေရဲ့ အဓိက အကြောင်းအရာကို လေ့လာမိပါသေးတယ်။ သူတို့တွေ ဘာကြောင့်များ ဒီလို တိုင်းတပါးသားတွေရဲ့စာပေတွေကို လေ့လာဆည်းပူး ရေးသားထားခဲ့ကြရလဲ ဆိုတဲ့အကြောင်းပါ။

အနောက်တိုင်းသားတွေဟာ သူတို့ ကိုလိုနီ နယ်မြေချဲ့ထွင်ခြင်း၊ သူတို့ရဲ့ ခရစ်ယာန်ဘာသာ သာသနာပြုလိုခြင်း၊ သူတို့ ရောက်ရှိ ပိုင်ဆိုင်ခဲ့ နယ်မြေချဲ့ထွင်ခဲ့သော နေရာဒေသများရှိ လူမျိုးတွေရဲ့အကြောင်း၊ စကား၊ စာပေများကို အရင်လေ့လာကြပါတယ်။ တကယ့် တကယ်တမ်းကြတော့ ဒေသခံတိုင်းရင်းသားလူမျိုးတွေ အပေါ်မှာ ဒီလိုစာပေလေ့လာပြုစုခြင်းတွေဟာ အကျိုးရှိသယောင်နှင့် သူတို့အနောက်တိုင်းသားတွေ အတွက်တော့ တကယ်ကို နောင်တချိန်မှာ သူတို့အကျိုးအတွက် စွန့်ဦးလေ့လာမှုတွေပါပဲ။

ဒါပေမယ့်လည်း အခြားတဖက်က ကြည့်မယ်ဆိုရင်တော့ ကျွန်တော်တို့ မြန်မာစာပေ၊ မြန်မာသဒ္ဒါ၊ မြန်မာယဉ်ကျေးမှုတွေဟာ ၁၈ရာစုအလယ်ပိုင်း အနောက်တိုင်းသားတွေ လေ့လာမှတ်တမ်းပြုခဲ့ကြလို့လဲ အခုခေတ် ကျွန်တော်တို့ သူတို့ရဲ့ အင်္ဂလိပ်ဘာသာကို လေ့လာသင်ယူတဲ့အခါမှာ အတော်ကိုအကျိုးပြု အထောက်အကူပေးတယ်ဆိုတာတော့ ငြင်းစရာမရှိပါဘူး။


PDF မြန်မာ အဘိဓာန်များ

  • ဦးဟုတ်စိန် မြန်မာ-အင်္ဂလိပ်-ပါဠိ အဘိဓာန်
    ပြုစုရေးသားသူကတော့ ဦးဟုတ်စိန်ဖြစ်ပြီး ၁၉၈၁ မှာ ရိုက်နှိပ်ထုတ်ဝေခဲ့ပါတယ်။ ဦးဟုတ်စိန်ဟာ ဘီအေ (ဂုဏ်ထူး)၊ ဘီအယ်လ် ဘွဲ့ထူးများကို ရရှိထားတဲ့ ခေတ်ပညာတတ် ပုဂ္ဂိုလ်ကြီးတစ်ယောက်ပါပဲ။ ဒီစာအုပ်ကို ပြုစုဖို့ နှစ် ၃၀ ကြာ ရင်းနှီးခဲ့ရတယ်လို့ ဆိုပါတယ်။ ထုတ်ဝေသူကလည်း သူကိုယ်တိုင်ပါပဲ။ မဉ္ဇူသကစာပေက ရိုက်နှိပ်ထုတ်ဝေပါတယ်။ တင်ပြထားသူကတော့ ကိုရန်အောင် ဆီကပါ။

  • သုတေသနသရုပ်ပြ ဘာသာရေး အဘိဓာန်PDF
    ဖျာပုံတိုက်သစ်ဆရာတော် အဂ္ဂမဟာပဏ္ဍိတ အရှင်သြဘာသာဘိဝံသ ရေးသားစီရင်သည်။ ၂၀၀၂ ခုနှစ်တွင် သာသနာရေးဦးစီးဌာနမှ တတိယအကြိမ်ထုတ်ဝေသည်။၂၀၀၇တွင် တစ်ကြိမ်၊ ၂၀၀၉ ခုနှစ်တွင် တစ်ကြိမ် ပြင်ဆင်ဖြည့်စွက်ပြီး PDF စာအုပ်အဖြစ် ဦးဖြူဝင်းမှ ထုတ်ဝေသည်။ ဗုဒ္ဓစာပေများကို အခြေပြုထားပြီး အတော်ပြည့်စုံသည့် မြန်မာလူမျိုးများ ဖတ်ရှုလေ့လာသင့်သည့် အဘိဓာန်စာအုပ်ဖြစ်သည်။



  • ဥပဒေရေးရာ ဝေါဟာရ အဘိဓာန်
    ဥပဒေနှင့်ပတ်သတ်သော စကားလုံးများကို လေ့လာလိုက်စားသူတွေအတွက် အသုံးဝင်နိုင်တဲ့ အင်္ဂလိပ် - မြန်မာ ဥပဒေအဘိဓာန်ပါ။ ဦးကျော်ဇေယျ ရေးသားပြုစုထားပြီး စစ်သည်တော်စာပေမှ ထုတ်ဝေထားတာပါ။ PDF Version တင်ပေးတာကတော့ ချယ်ရီသစ္စာ မှဖြစ်ပါတယ်။

  • ပြစ်မှုဆိုင်ရာဥပဒေ အဘိဓာန်
    ပြစ်မှုဆိုင်ရာ ဥပဒေ (ရာဇသတ်ကြီး) ပုဒ်မများ နှင့်ပတ်သတ်သော အကြောင်းအရာများကို လေ့လာလိုက်စားသူတွေအတွက် အသုံးဝင်နိုင်တဲ့ ပြစ်မှုဆိုင်ရာ ဥပဒေအဘိဓာန် နောက်တစ်အုပ်ပါ။ ဦးကျော်ဇေယျ ရေးသားပြုစု ထုတ်ဝေထားတာပါ။ PDF Version တင်ပေးတာကတော့ ချယ်ရီသစ္စာ မှဖြစ်ပါတယ်။


  • ဦးဆန်းလွင် အင်္ဂလိပ်-မြန်မာ ခရီးဆောင် အဘိဓာန်(or)Google Doc
    ဦးဆန်းလွင်(အရှင်အာဒိစ္စရံသီ) ရေးသားပြုစုထားတဲ့ 2 in 1 Travellers မြန်မာ - အင်္ဂလိပ် - မြန်မာ အဘိဓာန်စာအုပ်ဖြစ်ပါတယ်။ စာရေးသူအဆိုအရ မြန်မာစာ မြန်မာစကားလို လေ့လာလိုတဲ့ နိုင်ငံခြားသားများ အတွက် ရေးသားပြုစုထားတဲ့ စာအုပ်ဖြစ်ပါတယ်။ မြန်မာစာလို့သာ ပြောရတယ်။ တကယ်ရေးသား ထားတာတွေက မြန်မာအသံထွက် အင်္ဂလိပ်စာ Burglish တွေနဲ့ပါ။

  • An English and Burman Vocabulary By George.H.Hough (1825)
    ဂျော့ဟောင်းက ပထမဆုံး အင်္ဂလိပ်မြန်မာ စာလုံးဝေါဟာရ စာအုပ်ကို စတင်ပြုစုခဲ့သူပါ။ သူရဲ့ ဝေါဟာရကျမ်းဟာ အဘိဓာန်ဖြစ်ဖို့ အဆင့်မလုံလောက်သေးပေမယ့်လဲ ဒါဟာလဲ ကျွန်တော်စိတ်ထင် မြန်မာလူမျိုးတွေအတွက် ပထမဆုံးသော အင်္ဂလိပ်မြန်မာ ဆက်သွယ်ပြောဆိုနိုင်ဖို့ အခွင့်အရေး လမ်းစတစ်ခုလို့တော့ ထင်ပါတယ်။ စာမျက်နှာ ၄၂၄ မျက်နှာရှိပြီး အိန္ဒိယနိုင်ငံ စီရမ်ပိုလ်(Serampore)ကနေ ပုံနှိပ်ထုတ်ဝေတာဖြစ်ပါတယ်။

  • A Dictionary, English and Burmese, Charles Lane (1841) Google Books
    ပထမဆုံးသော အင်္ဂလိပ်မြန်မာ အဘိဓာန်ကြီးကို အင်းဝမြို့ နေပြည်တော်တွင် လာရောက်နေထိုင်သော Mr Charles Lane နှင့် မက္ခရာမင်းသားကြီး (၁၁၅၃-၁၂၀၀)တို့ ရေးသားခဲ့ကြပါတယ်။ ၁၈၃၀ ကနေ ပြီးတော့ ၁၈၃၅ ထိအောင် ရေးသားတည်ဖြတ်ခဲ့ကြပြီး ၁၈၄၁ခုကြမှ India နိုင်ငံ Calcutta မြို့ မှာရှိတဲ့ သာသနာပြုစာပုံနှိပ်တိုက်မှာ ပုံနှိပ်ခဲ့တယ်တဲ့ အဲဒီ အဘိဓာန်ကို ဒီမိုင်း စက္ကူ ဆိုက်ကြီး နဲ့ပြုလုပ်ထားပြီး စာမျက်နှာ ၄၆၀ ပါဝင်သည်။ ဒီအဘိဓာန် အကြောင်းကို ကိုညီလင်းဆက် ဆီမှာလဲ ဒီလိုရေးသားထားပါတယ်။

  • Grammatical notices of the Burmese language By Adoniram Judson (1842)
    ယုသဒန်က ၁၈၄၂ ခုနှစ်မှာ မြန်မာသဒ္ဒါ ဆိုပြီး မြန်မာလူမျိုးတို့၏ မြန်မာစာ သဒ္ဒါကို အင်္ဂလိပ်လို ရှင်းဆိုချက်များနဲ့ စာအုပ်ထုတ်ဝေခဲ့ပါတယ်။ ဒီစာအုပ်တွင် စာမျက်နှာ ရ၆ မျက်နှာပါရှိပြီး ၁၈၄၂ ခု ဂျူလိုင်လတွင် မော်လမြိုင်ကနေ ထုတ်ဝေခဲ့တာပါ။ အဘိဓာန် မဟုတ်ပေမယ့်လဲ လေ့လာကောင်းမယ့် စာအုပ်တစ်အုပ်ပါ။

  • Anglo-Burmese dictionary by George.H.Hough (1845) (or) Digital General Collection
    ဂျော့ဟောင်းဟာ ၁၈၄၅ ခုနှစ်ကြမှပဲ သူကိုယ်တိုင် သူ့စာအုပ်ကို အင်္ဂလိုဘာမား အဘိဓာန်ဆိုပြီး နာမည်တပ်ခဲ့သော အဘိဓာန်စာအုပ်ကို ထုတ်ဝေခဲ့ပါသည်။ စာမျက်နှာ ၃၄၆ မျက်နှာရှိတဲ့ ဒီအဘိဓာန်ကို မြန်မာနိုင်ငံ မော်လမြိုင်ကနေ ထုတ်ဝေခဲ့တာပါ။

  • A Dictionary English and Burmese By Adoniram Judson (1849) (First Edition)
    ယုသဒန်ရဲ့ အင်္ဂလိပ်-မြန်မာ အဘိဓာန်ကို ပထမအကြိမ် ဇန်နဝါရီ ၁၈၄၉ ခုနှစ်မှာ စတင်ပုံနှိပ်ထုတ်ဝေခဲ့ပါသည်။ စာမျက်နှာ ၅၈၉ မျက်နှာ ပါရှိပြီး သူခေတ်သူ့ကာလက သူ့အရင်ထုတ်ဝေခဲ့တဲ့ ချာလိန်းအဘိဓာန်နှင့် ဂျော့ဟောင်းအဘိဓာန်တွေထက် အဘိဓာန် ဟုခေါ်ဆိုမှတ်ယူနိုင်တဲ့ ပြည့်စုံကောင်းမွန်လှတဲ့ အဘိဓာန်တစ်အုပ်ဖြစ်ပါသည်။ မော်လမြိုင်မြို့မှနေ ထုတ်ဝေခဲ့တာပါ။

  • Burmah and the Burmese By Kenneth Robert Henderson Mackenzie (1853)
    မြန်မာနှင့် မြန်မာလူမျိုးများ စာအုပ်ကို Kenneth Robert Henderson Mackenzie ကရေးသားသည်။ ၁၈၅၃ ခုနှစ်တွင် လန်ဒန်မှ ပုံနှိပ်ထုတ်ဝေသည်။ စာမျက်နှာ ၂၁၂ ပါရှိသည်။ မြန်မာပြည်အကြောင်းကို အင်းဝလက်ထက်မှ စပြီးဖော်ပြထားသည်။

  • English-Burmese dictionary By Adoniram Judson (1877) (Third Edition)
    ယုသဒန်ရဲ့ အင်္ဂလိပ်မြန်မာ အဘိဓာန်ကို နောက်ထပ်ပြီး ဒုတိယအကြိ်မ် (၁၈၆၆) ခုနှစ်မှာတစ်ကြိမ်၊ တတိယအကြိမ် (၁၈၇၇ ခုနှစ်၊ သြဂုတ်လ) မှာတစ်ကြိမ် မူလပထမ အဘိဓာန်စာအုပ်ကို စာလုံးအသစ်များ ထပ်မံဖြည်ပြီး ဆက်လက်ထုတ်ဝေခဲ့ပါတယ်။ ဆရာကြီးယုသဒန်ဟာ ၁၈၅၀ မှာ ကွယ်လွန်ခဲ့တာကြောင့် ဒုတိယအကြိမ်နဲ့ တတိယအကြိမ် ပုံနှိပ်ထုတ်ဝေခြင်းတို့မှာ သူကိုယ်တိုင် မဟုတ်သော်လည်း သူ၏ မူရင်းအဘိဓာန်များကို အခြေထားတဲ့အတွက် ယုသဒန်(ဂျက်ဆင်) အဘိဓာန်လို့ ခေါင်းစဉ်တပ်ထားရတယ်လို့ ကျွန်တော် ထင်မြင်မိပါတယ်။ တတိယအကြိမ်ထုတ်ဝေခြင်းကို ရန်ကုန်မှာ ထုတ်ဝေခဲ့တာဖြစ်ပါတယ်။ မူလ အဘိဓာန်ကို အခြေခံပြီး စာလုံးအဓိပ္ပါယ်အသစ် ၅၀၀ ထပ်ပေါင်းထည့်ထားသည်။ စာမျက်နှာ ၈၄၆ မျက်နှာရှိပါသည်။

  • Vocabulary and phrase book in English and Burmese, by Cephas Bennett (1886)
    အင်္ဂလိပ် - မြန်မာ စာလုံးဝေါဟာရ နှင့် ဘာသာစကားပြောစာအုပ်ကို Rev.C.Bennett က ပြုစုခဲ့သည်။ တတိယအကြိမ်ထုတ်ဝေခြင်းတွင် M.H.Eveleth က စိစစ်တည်ဖြတ်ပေးထားသည်။ ရန်ကုန်မှ ၁၈၈၆ ခုနှစ်တွင် ပုံနှိပ်ထုတ်ဝေခဲ့သည်။ စာမျက်နှာ ၁၅၇ မျက်နှာပါရှိသည်။

  • Burmese Pocket Dictionary By Adoniram Judson (1887) PDF မူရင်းနေရာ (or) Digital General Collection
    မြန်မာပေါ့ကဒ် အဘိဓာန်စာအုပ်ကို ယုသဒန်ရဲ့ အဘိဓာန်စာအုပ်မှ မှီငြမ်းကိုးကားထားပြီး အင်္ဂလိပ်မှ မြန်မာ ပြန်ဆိုမှုကို F.D. Phinney,M.A ဆိုသူက ပြုစုပြီး မြန်မာမှ အင်္ဂလိပ်ကို F.H. Eveleth ဆိုသူက ပြုစုထားတာဖြစ်သည်။ စာမျက်နှာ ၃၈၆ မျက်နှာပါရှိပြီး ၁၈၈၇ ဇန်နဝါရီမှာ ထုတ်ဝေခဲ့ပါသည်။

  • The Judson Burmese-English dictionary (1921) PDF မူရင်းနေရာ
    ယုသဒန်၏ အဘိဓာန်ကို အခြေပြုပြီး Robert Charles Stevenson (1851- 1905) နှင့် Frederick Howard Eveleth(1843-1932) တို့က စီစစ်တည်းဖြတ်ခဲ့ပါသည်။ ရှေးမြန်မာ၏ အကူအညီများ ပါဝင်ခဲ့ကြပါသည်။စာမျက်နှာ ၁၁၃၅ မျက်နှာရှိသည်။ တကယ်အသုံးဝင် လေ့လာစရာကောင်းမွန်တဲ့ မြန်မာ - အင်္ဂလိပ် အဘိဓာန် စာအုပ်ဖြစ်ပါသည်။

  • Historical Dictionary of Burma by Donald M. Seekins(2006)
    ဗမာ့သမိုင်း အဘိဓာန်ကို Donald M. Seekins က အင်္ဂလိပ်ဘာသာဖြင့် ရေးသားခဲ့ပြီး ၂၀၀၆ ခုနှစ်မှာ ပုံနှိပ်ထုတ်ဝေတာဖြစ်ပါသည်။စာမျက်နှာ ၅၆၅ မျက်နှာရှိသည်။ Scarecrow Press မှထုတ်ဝေသည်။



ဆက်လက်ကြိုးစားပါဦးမည်။
© ချမ်းလင်းနေ

    Wednesday, January 12, 2011

    စုဆောင်းမိခဲ့သမျှ အဘိဓာန်များ (Offline)


    ဒီတခါတော့ Offline အဘိဓာန်လို့ နာမပြုထားတဲ့ မြန်မာ အဘိဓာန် ဆော့ဒ်ဝဲလေးတွေ ဖြစ်ပါတယ်။ အဘိဓာန်ဆော့ဒ်ဝဲလေးတွေကို ဘယ်လိုဘယ်ပုံ သွင်းယူသုံးစွဲရမယ်ဆိုတာကိုတော့ ကျွန်တော်လဲ အသေးစိတ် မရှင်းပြတတ်ပါဘူး။ အသေးစိတ်နားလည်ချင်တော့ ကျွန်တော်ပေးထားတဲ့ မူရင်းဆိုဒ်များကနေတဆင့်ပဲ လေ့လာပေးကြပါ။ ကျွန်တော်ကတော့ အကြမ်းဖြင့် ရှင်းပြထားတာရယ့် မူလနေရာတွေကို ညွှန်းပြထားတာရယ်ပဲ လုပ်ထားတာပါ။ မူရင်းဆောဒ်ဝဲပိုင်ရှင်များကိုလဲ ခွင့်မတောင်းမိပဲ လင့်ချိတ်ထားမိတဲ့အတွက်လည်း ကျွန်တော်ကို နားလည်မယ်လို့လဲ ထင်ပါတယ်။ အွန်လိုင်းပေါ်မှာ ပျံထွက်ရောက်ရှိနေတဲ့ အဘိဓာန်ဆော့ဒ်ဝဲလင့်တွေကို ကျွန်တော်ဆီကမှာ စုဆောင်းထားတာပါ။

    တချို့ဆောဒ်ဝဲတွေ ကျန်ရှိနေသေပေမယ့်လည်း လင့်သေနေတာတို့၊ Out of Date ဖြစ်နေတာတို့၊ ပိုက်ဆံပေးဝယ်ယူသုံးဆွဲရတာတို့၊ သုံးရသူတွေအတွက်လည်း အဆင်မပြေလည်နိုင်တာတို့ကြောင့် လင့်မဖော်ပြပါဘူး။ ကျွန်တော်အထင် ကျွန်တော်မသိသေးတဲ့ အခြားအခြားသော အဘိဓာန်ဆောဒ့်ဝဲကောင်းလေးတွေလဲ ရှိနေကောင်းရှိနေကြမှာပါ။ နောင်တွင်လည်း ထိုကဲ့သို့သော ကျွန်တော်တို့ မြန်မာလူမျိုးတွေအတွက် သင့်တော်အသုံးဝင်မည့် အဘိဓာန်ဆော့ဒ်ဝဲလေးများ များစွာပေါ်ထွန်းလာကောင်း ပေါ်ထွန်းလာနိုင်ကြပါဦးမည်။ တီထွင်ကြံဆ ဝေမျှထုတ်လုပ် သူအပေါင်းတို့ကိုလည်း ကျေးဇူးသက်ကာရအထူးတင်ရှိပြီး အားထုတ်ကြိုးပမ်းမှုများကို လေးစားအားပေးနေပါမည်။



    Offline မြန်မာ အဘိဓာန်ဆော့ဒ်ဝဲများ

    • မြန်မာ-အင်္ဂလိပ်အဘိဓာန်(wxPyDict 0.9.1 Alpha Pre)
      ကိုစိုးမင်း မာခ့်၏ ကိုယ်ပိုင်အတ္တများ နဲ့ ကိုမင်းကျော်တို့ ဖန်တီးထားတဲ့ အင်္ဂလိပ်-မြန်မာ
      အဘိဓာန်ဆောဒ်ဝဲလေးပါ။ အလွန်တရာမှကို ကောင်းမွန်လှပြီး သုံးဖို့အကောင်းမွန်ဆုံးသော ဆောဒ့်ဝဲအဘိဓာန်လေးပါ။ အင်္ဂလိပ်-မြန်မာ (Ornagai, ကိုစေတန်), မြန်မာ-အင်္ဂလိပ် (စိုင်း မြန်မာ-အင်္ဂလိပ်), ကိုညီလင်းဆက် ပြုစုထားသော မြန်မာကျေးရွာနာမည်များအဘိဓာန် ကို အသုံးပြုထားသည်။ မြန်မာ အင်္ဂလိပ် နှစ်ဘာသာဖြင့် ရှာဖွေတဲ့နည်းပါ။ မြန်မာဖောင့်ဆိုရင်လဲ ဇော်ဂျီ၊ Myanmar3၊ Ayar ဖောင့်တွေရပါတယ်။ ကျွန်တော်ကတော့ ဒါကိုပဲသုံးတယ်။


    • iPhone English Myanmar wxPyDict အဘိဓာန်
      wxPyDict Project ကထပ် ဖန်တီးလိုက်ပြန်တဲ့ IPhone Userတွေအတွက် အင်္ဂလိပ် - မြန်မာ အဘိဓာန်လေးပါ။ မြန်မာဖောင့်တော့ အရင်သွင်းထားမှ ရနိုင်မှာပါ။ Iphone Firmware Version 4.0 အောက်က Iphone တွေဆိုရင်တော့ မြန်မာ ကီးဘုတ်ပါရတဲ့အတွက် မြန်မာ-အင်္ဂလိပ်-မြန်မာ ရှာဖွေအသုံးပြုနိုင်ပါတယ်။


    • Oxford English Dictionary Portable
      မြန်မာ အဘိဓာန်တော့မဟုတ်ပါဘူး။ ကိုယ်လိုရာကို ခေါ်ဆောင်သယ်သွားနိုင်တဲ့ Portable အောက်စဖို့ထုတ် အင်္ဂလိပ် အဘိဓာန်လေးပါ။ သုံးကြည့်တာကောင်းလို့ ဒီထဲမှာ ရောတင်ထားတာပါ။ 

    • UbiFind English-Myanmar Dictionary for Mobile Phones Sida Technology
      အဘိဓာန်တွေက Iphone တွေပဲလားဆိုတော့ မဟုတ်ပါဘူး။ ကျန်တဲ့ ဖုန်းတွေအတွက်ပါ ရပါသေးတယ်။ Sida Technology ကထုတ်တဲ့ မိုလ်ဘိုင်းဖုန်း UbiFind အင်္ဂလိပ်-မြန်မာ အဘိဓာန် ရှိပါတယ်။ အလကားကတော့ ၇ ရက်ပဲရတယ်။ပြီးတော့ ပိုက်ဆံတောင်း တော့တာပဲ။ အရမ်းသဘောကျလို့ ဝယ်သုံးလျင်ရင်လဲ ရတယ်။ ၇ရက်တစ်ခါ ပြန်သွင်းပြီးသုံးပေါ့။

    • အင်္ဂလိပ်-မြန်မာအဘိဓာန် (Crystalrays.org)
      Technomation Studios, Myanmar Language Commission က ကိုထိန်လင်းထူးနှင့် ကိုထူးမြင့်နောင်တို့က ဖန်တီးထားတဲ့ မြန်မာ - အင်္ဂလိပ် အဘိဓာန်ဆောဒ့်ဝဲလေးပါ။ Version 1.0.1 ပါ။ Unicode Myanmar 3 ဖောင့်သုံးထားတာပါ။ သူ့ကို သုံးရတာလဲ ကောင်းပါတယ်။

    • အင်္ဂလိပ်-မြန်မာအဘိဓာန် Portable
      Technomation Studios, Myanmar Language Commission က ကိုထိန်လင်းထူးနှင့် ကိုထူးမြင့်နောင်တို့က ဖန်တီးထားတဲ့ မြန်မာ - အင်္ဂလိပ် အဘိဓာန်ဆောဒ့်ဝဲလေးပါ။ Version 1.0.1 ပါ။ Unicode Myanmar 3 ဖောင့်သုံးထားတာပါ။ အပေါ်က အဘိဓာန်နဲ့ အတူတူပါပဲ။အလွယ်တကူ သယ်သွားနိုင်တဲ့ Portable မြန်မာ အင်္ဂလိပ် အဘိဓာန်လေးပါ။

    • အင်္ဂလိပ်-မြန်မာ စာသား၊အသံ၊ဓာတ်ပုံ အဘိဓာန် (Myanmar Dictionary Software)
      Myanmar Dictionary Software မှ တီထွင်လိုက်တဲ့ အင်္ဂလိပ် မြန်မာ အဘိဓာန်ဆော့ဒ်ဝဲလေးပါ။ သူမှာက စာလုံးများကို အဓိပ္ပါယ်ဖွင့်ဆိုချက် စာသား သာမက အသံထွက်ရော၊ ဓာတ်ပုံလေးတွေနဲ့ပါ လေ့လာနိုင်အောင် ဖန်တီးထားပါတယ်။ အသံဖိုင်နှင့် ဓာတ်ပုံဖိုင်ကတော့ သတ်သတ်ဆီ ဒေါင်းယူပြီး ထည့်သွင်းရတာပါ။ ဇော်ဂျီဖောင့် ကိုသုံးထားတာပါ။ အင်္ဂလိပ်လိုရိုက်နှိပ်ပြီး မြန်မာလိုရှာဖွေခြင်း စနစ်ပါ။

    • မြန်မာ-အင်္ဂလိပ် အဘိဓာန်(Myanmar Dictionary Software)
      Myanmar Dictionary Software မှ တီထွင်လိုက်တဲ့ မြန်မာ - အင်္ဂလိပ် အဘိဓာန် ဆော့ဒ်ဝဲလေးပါ။ ဇော်ဂျီဖောင့် ကိုသုံးထားတာပါ။ မြန်မာလိုရိုက်ပြီး အင်္ဂလိပ်အဓိပ္ပါယ်ရှာတဲ့ နည်းပါ။

    • English – Myanmar Dictionary 2nd Edition (CD Rom) Rar 1, Rar 2, Rar 3
      ပညာရေးဝန်ကြီးဌာန၊ မြန်မာစာအဖွဲ့ဦးစီးဌာနနှင့် Wisdom Power Co., Ltd တို့ ပူးပေါင်းထုတ်လုပ်သော ဤ အင်္ဂလိပ် – မြန်မာ အဘိဓာန် CD-ROM ဖြစ်ပါတယ်။ Rar ဖိုင် သုံးဖိုင်ပါ။ ဒေါင်းပြီး ဆက်လိုက်ပြီးရင်တော့ ခွေနဲ့ ဘန်းရင်ဘန်း၊ မဘန်းချင်ရင်တော့ MagicDisc နဲ့ MagicISO ရှာပြီး သုံးပေါ့။ သုံးနည်းတွေ ဘာတွေတော့ မပြောပြတော့ဘူး။ တင်ပေးသူကတော့ Goo's Blog ကဖြစ်ပါတယ်။

    • Lingvo 13 ရုရှား၊ဂျာမာန်၊အင်္ဂလိပ်၊မြန်မာ အဘိဓာန်
      ABBYY ကထုတ်တဲ့ Lingvo X3 (German/Russian/English) Dictionary ကိုအခြေခံထားတာပါ။ သူရဲ့ အဘိဓာန်ဆော့ဒ်ဝဲထဲကို မြန်မာ - ရုရှ အဘိဓာန်ကို သွင်းယူတားတာပါ။ နည်းကိုတော့ ကျွန်တော်တိုက်ရိုက်လင့်ပေးထားတဲ့ ဟင်းလင်းပြင်ဆီမှာပဲ လေ့လာလိုက်ပါ။ အသုံးလိုသူတွေ လိုမယ်ထင်လို့ လင့်ပေးထားတာပါ။

    • အင်္ဂလိပ်-မြန်မာ-ကရင် အဘိဓာန်
      မြန်မာတိုင်းရင်းသာ ညီနောင်ဖွား ကရင်လူမျိုးများအတွက်ပါ အသုံးဝင်တဲ့ အင်္ဂလိပ် - မြန်မာ - ကရင် အဘိဓာန်ဆော့ဒ်ဝဲလေးပါ။ ကရင်ဖောင့် KNUဖောင့်တော့ ရှိရမှာပါ။Microsoft .NET Framework Version 2.0 လေးလဲလိုအပ်ပါတယ်။

    • English-Myanmar Dictionary (Microsoft Word Add-in)
      မသဲသဲအေး လုပ်ထားတဲ့ အင်္ဂလိပ် - မြန်မာ အဘိဓာန် Microsoft Word Plugin ပါ။ Word 2007 နဲ့ .Net 3.5 လိုအပ်ပါတယ်။ Unicode တွေအတွက်ပဲ ကောင်းပါတယ်။ ဇော်ဂျီဆိုရင်တော့ စာသားတွေ ကမောက်ကမ ပါပဲ။ သုံးလို့တော့ အတော်ကောင်းပါတယ်။

    ဆက်လက်ကြိုးစားပါဦးမည်။
    © ချမ်းလင်းနေ

    Monday, January 10, 2011

    မိုးမိုး (အင်းလျား)၏ စာအုပ်များ



    1. မိုးမိုး (အင်းလျား) - ဂျိုး
    2. မိုးမိုး (အင်းလျား) - စိန်တပွင့်
    3. မိုးမိုး (အင်းလျား) - ညီမလေးကအချစ်ကိုကိုးကွယ်သတဲ့လား
    4. မိုးမိုး (အင်းလျား) - ဘယ်သူလာကူပါ့မယ်
    5. မိုးမိုး (အင်းလျား) - မသုဓမ္မစာရီ
    6. မိုးမိုး (အင်းလျား) - မီးရောင်အောက်ကိုဝင်လျှင်
    7. မိုးမိုး (အင်းလျား) - မှတဆင့်
    8. မိုးမိုး (အင်းလျား) - မြူမှောင်ဝေကင်း
    9. မိုးမိုး (အင်းလျား) - ပျောက်သောလမ်းမှာစမ်းတဝါး
    10. မိုးမိုး (အင်းလျား) - မေတ္တာကမ်းနား အချစ်သစ်ပင်
    11. မိုးမိုး (အင်းလျား) - ဝေဒနာကြာနှီပွင့်
    12. မိုးမိုး (အင်းလျား) - မဂ္ဂဇင်းဝတ္တုရှည်များ
    13. မိုးမိုး (အင်းလျား) - မြန်မာပြည်မှာနေကြသည် ဝတ္ထုတိုများ
    14. မိုးမိုး (အင်းလျား) - ဝတ္ထုတိုများ- ၄
    15. မိုးမိုး (အင်းလျား) - သဇင်ပန်းသုံးခက် ဝတ္ထုတို
    16. မိုးမိုး (အင်းလျား) - ပိုစ်စကဒ်လေးတစ်စောင် ဝတ္ထုတို
    17. မိုးမိုး (အင်းလျား) - မီးရထားဖြင့်ခရီးသွားရခြင်း ဝတ္ထုတို
    18. မိုးမိုး (အင်းလျား) - သိက္ခာရှိတဲ့မုန့် ဟင်းခါး ဝတ္ထုတို

    Sunday, January 9, 2011

    စုဆောင်းမိခဲ့သမျှ အဘိဓာန်များ(Online)




    ကျွန်တော် စုဆောင်း လေ့လာထားသမျှ Online, Offline, PDF မြန်မာတွေနှင့်သက်ဆိုင်သော အဘိဓာန်များတွေပါ။ ကျွန်တော်က အဘိဓာန်တွေ လေ့လာဆည်းပူးကျမ်းပြုနေတဲ့ လူတစ်ယောက်တော့မဟုတ်ပါဘူး။ ဝါသနာအရ လေ့လာစုဆောင်းသူတစ်ယောက်ပါ။ ပထမတော့  ဒီအတိုင်းလင့်တွေပဲ ပေးပြီးတော့ တင်ထားမလို့ပါပဲ။ ဒီအတိုင်းလင့်တွေပဲ ပေးထားတာထက်စာရင် ဘယ်အဘိဓာန်တွေက ဘာတွေလဲ၊ ဘယ်သူတွေ ရေးသားထုတ်လုပ်ခဲ့တာလဲဆိုကို အကြမ်းဖြင်း ပြောပြရေးထားမယ်ဆိုရင် စိတ်ဝင်စားသူတွေ အနေနဲ့ရော၊ လေ့လာလိုသူတွေ အနေနဲ့ပါ ပိုကောင်းမယ်ထင်လို့ပါ။  ဒီအဘိဓာန်တွေအကြောင်းကိုတော့ အသေးစိတ်ကတော့ သူတို့ရဲ့မူရင်းလင့်တွေမှာ  ရှိပါတယ်။ ကျွန်တော်ကတော့ ကျွန်တော်ဖတ်မှတ်ရသလောက်ပဲ ရေးသားမှာပါ။

    မြန်မာတွေနှင့်သက်ဆိုင်သောလို့ နာမဝိသေသနပြုရခြင်းကတော့ အားလုံးလိုလိုကတော့ မြန်မာစာကို အခြေပြုထားကြပေမယ့် တချို့ဟာတွေက မြန်မာစာဖြင့်မဟုတ်လို့ပါ။ မြန်မာအဘိဓာန် လို့သာဆိုရတယ်  တချို့တလေကတော့ မြန်မာစာ၊ မြန်မာလူမျိုးတွေနဲ့  ဆက်စပ်မယ်ထင်တဲ့ဟာလေးတွေပါ တင်ပေးထားပါတယ်။ ဥပမာဆိုရရင် - သက္ကတ အင်္ဂလိပ်  အဘိဓာန် လိုမျိုးဆို ကျွန်တော်လည်း ဒီစကားနားမလည်ပါဘူး။ ဒါပေမယ့်  ဗုဒ္ဓဘုရားရှင်ရဲ့ ဘာသာစကားမို့ပါ။ အဘိဓာန်လို့ ခေါင်းစဉ်နာမပြုထားပေမယ့်လည်း တချို့တွေကတော့ အဘိဓာန်အဆင့် မဟုတ်လောက်ပေမယ့် လေ့လာလိုသူတွေ အကျိုးရှိဖို့ ဒီနေရာ  ဒီခေါင်းစဉ်အောက်မှာပဲ တင်ပေးထားပါတယ်။

    မည်သို့ပင်ဆိုစေကာမူ  အသုံးလိုတဲ့သူအတွက်တော့ ကျွန်တော့်ရဲ့ စုဆောင်းမှုကြီးဟာ  အရာရောက်မယ့်လို့ ထင်ပါတယ်။ ကျွန်တော်လည်း စုဆောင်းထားသမျှ  အားလုံးနီးပါးကို မနားလည်ပါဘူး။ လေ့လာရင်း မှတ်သားထားရတာပါ။  နောက်နောင်တွေ့ရှိလာဦးမည့် မြန်မာလူမျိုးတို့နဲ့ ပတ်သတ်ဆက်နွယ်နိုင်တဲ့  အဘိဓာန်တွေဆိုလည်း ထပ်ပြီးမျှဝေသွားမှာပါ။ အမှားပါတာရှိရင်လဲ ကျွန်တော့်  အားနဲချက်မို့ ထောက်ပြပြီး နားလည် ခွင့်လွှတ်ပေးကြပါ ခင်ဗျာ။



    အွန်လိုင်း မြန်မာ အဘိဓာန်များ

    • မြန်မာ - အင်္ဂလိပ် အွန်လိုင်းအဘိဓာန်(All Channel Dictionary)
    • All Channel For All Myanmar ကတင်းထားတဲ့ Online အဘိဓာန်လေးပါ။ သူက NyiMyanmar1 ဖောင့်ကို သုံးထားတာပါ။ သူဆီမှာ အင်္ဂလိပ်လို အသံထွက် ပေးတဲ့ Pronunciation Help စနစ်ပါပါတယ်။ မြန်မာ မှ အင်္ဂလိပ်၊ အင်္ဂလိပ်မှ မြန်မာ ရှာဖွေနည်းစနစ်ပါ။

    • မြန်မာ - အင်္ဂလိပ် အွန်လိုင်းအဘိဓာန်(Burmese Dictionary.org)
      Burmese Dictionary.org ကတင်ထားတဲ့ Online မြန်မာ - အင်္ဂလိပ် - မြန်မာ အဘိဓာန်ပါ။ မူပိုင်ကတော့ Praha, Czech Republic မှ Burma Center Prague က တီထွင်ထားတာပါ။ Wwin_Burmese1 ဖောင့်ကို သုံးထားပါတယ်။ သင့်က Firefox Browsers 3.5 အထက်သုံးခဲ့မယ်ဆိုရင် Auto Font Loading စနစ်ပါပါတယ်။ မြန်မာစာရိုက်ဖို့ ခက်နေသူတွေအတွက်လဲ Virtual Keyboard လေးထည့်တားပေးပါတယ်။ သူ့မှာမရှိသေးတဲ့ မြန်မာစာလုံးများ တွေ့ရှိရင်လဲ ထပ်ထည့်ပေါင်းပေးလို့ရတဲ့ Add a new word လေးလုပ်ပေးထားပါတယ်။သူလညိးပဲ မြန်မာ - အင်္ဂလိပ် - မြန်မာ ရှာဖွေနည်းစနစ်ပါ။


    • အင်္ဂလိပ် - မြန်မာ အွန်လိုင်းအဘိဓာန်(အရိုင်းပန်း)
      အရိုင်းပန်းကနေ တင်ထားတဲ့ အင်္ဂလိပ် - မြန်မာ အွန်လိုင်းအဘိဓာန်လေးပါ။ သူ့ရဲ့ထူးခြားချက်ကလေးကတော့ တစ်ချို့ အင်္ဂလိပ်စလုံးတွေဆိုရင် ပုံလေးတွေနဲ့ဖော်ပြပြီး မြန်မာအသံထွက် စာလုံးလေးတွေနဲ့ ဖေါ်ပြလေ့ရှိပါတယ်။ စာလုံးတွေရဲ့ Idiomတွေကိုပါ မြန်မာလို ရှင်းလင်းထားပေးပါတယ်။

    • MMnet မြန်မာ - အင်္ဂလိပ် အွန်လိုင်းအဘိဓာန်
      မြန်မာအင်တာနက် Myanmar-Myanmar.net မှ မြန်မာ - အင်္ဂလိပ် - မြန်မာ အွန်လိုင်းအဘိဓာန်ပါ။ ဒီအဘိဓာန်မှာ စာလုံးပေါင်း ၃၃၀၀၀ ကျော်ပါဝင်ပြီး Myanmar NLP.org.mm ၏ Windows English-Myanmar Translator ဆိုသည့် ဆော့ဖ်ဝဲကို အခြေခံထားပါတယ်။ မြန်မာစာလုံးကို ရိုက်ထည့်ပြီးဖြစ်စေ၊ အင်္ဂလိပ်အဓိပ္ပာယ်သိလိုလျှင်ဖြစ်စေ၊ အင်္ဂလိပ်စာလုံး၏ မြန်မာဘာသာဖြင့် အဓိပ္ပာယ်ကို သိလိုလျှင်ဖြစ်စေ ၂ ဘာသာလုံးကို တစ်နေ့တည်းတွင် ကြိုက်ရာရိုက်ထည့်ရှာနိုင်သော အွန်လိုင်းမြန်မာအဘိဓာန်လေးတစ်ခုပါ။ မြန်မာ Font နဲ့ရှာမယ်ဆိုရင် Unicoad Standard ကသတ်မှတ်ထားတဲ့ Font ပဲရတယ်။ ဇော်ဂျီနဲဆိုရင် စာလုံးတွေ လွဲနေပါတယ်။


    • G-talk က English - Myanmar Bot Online အဘိဓာန် (or) Project (or) Facebook
      မိမိရဲ့ Gtalk ဖြစ်ဖြစ်၊ Gmail ကဖြစ်ဖြစ် တစ်ခုခုကနေ en2mm8@mmgeeks.org ကို add လိုက်ပါ။ သုံးရတာအဆင်ပြေလို့ ကျွန်တော် ဒါကိုလဲ သုံးတယ်။

      • Light Ehglish Myanmar Dictionary for Zawgyi 2009
        English My Myanmar.org တင်ထားတဲ့ Online အင်္ဂလိပ် - မြန်မာ အဘိဓာန် ပါ။ ရိုးရှင်းပြီး လွယ်ကူပေါ့ပါးစွာ သုံးလိုရအောင် တည်ထွင်တားတာပါ။ ဇော်ဂျီ user တွေအကြိုက် Zawgyi 2009 ဖောင့်ကို သုံးထားပါတယ်။ Version 0.9 ပါ။ အင်္ဂလိပ် - အင်္ဂလိပ် - မြန်မာ ရှာဖွေနည်းကို သုံးထားတာပါ။

      • မြန်မာ - ဂျာမနီ အွန်လိုင်း အဘိဓာန်
      • ဒီတခါတော့ ဂျာမနီစကားလေ့လာတတ်မြောက်သူတွေအတွက် Online မြန်မာ-ဂျာမနီ အဘိဓာန်လေးပါ။ Birmanisch-Deutsh မှ Jan Wahoff ဆိုတဲ့လူ တီထွင်ထားတာပါ။ ဆိုဒ်တစ်ခုလုံးကို ဂျာမန်လို ရေးထားပေမယ့်လဲ အင်္ဂလိပ်လို အသွင်ပြောင်းလို့ရပါတယ်။ မြန်မာ - ဂျာမန် ရှာဖွေနည်းစနစ်ပါ။

      • Norwegian- Burmese - English Online Dictionary
        ဒီတစ်ခုကတော့ နော်ဝေး မြန်မာ အင်္ဂလိပ် အွန်လိုင်းအဘိဓာန်ပါ။ Khen Solomon ဆိုသူက တီထွင်ထားတာပါ။ နော်ဝေးစာလုံးများကို မြန်မာအနက်အဓိပ္ပါယ်ဖြင့် ရှာဖွေတဲ့နည်းပါ။ ဇော်ဂျီအပါအဝင် မြန်မာဖောင့် အတော်များများနဲ့ ရပါတယ်။

      • အွန်လိုင်း မြန်မာစကားသင်ခန်းစာ
        မြန်မာစကားလေ့လာလိုတဲ့ နိုင်ငံခြားသားတွေအတွက် သင့်တော်ပါတယ်။ မြန်မာအသံထွက်ရယ်၊ မြန်မာအသံထွက် အင်္ဂလိပ်စာရယ်၊ မြန်မာစာနဲ့ပါ ဖော်ပြထားပါတယ်။

        • မြန်မာ့ပုဂ္ဂိုလ်ကျော်များ၏ အတ္ထုပ္ပတ္တိအဘိဓာန်   (Portal:Biography)
          မြန်မာ့သတင်းနှင့် ဆက်သွယ်ရေးနည်းပညာအဖွဲ့မှ တင်ဆက်ရေးသားထားတဲ့ အွန်လိုင်း မြန်မာ့ပုဂ္ဂိုလ်ကျော်များ၏ အတ္ထုပ္ပတ္တိအဘိဓာန် ဖြစ်ပါတယ်။ Bit Font ကိုသုံးထားတဲ့အတွက် ဒီအဘိဓာန်ကို လေ့လာလိုသူများအနေနဲ့ သူတို့ရဲ့ဆိုဒ်မှာ ဖောင့်ဒေါင်းယူပါ။ မြန်မာနိုင်ငံသူ နိုင်ငံသားတွေ သိသင့် သိထိုက်တဲ့ နိုင်ငံရေးသမားတွေ၊ တိုင်းရင်းသား ခေါင်းဆောင်တွေ၊ စာရေးဆရာတွေ၊ အနုပညာရှင်တွေ၊ လူမှု ပြုပြင်ရေးသမားတွေ၊ အသိပညာရှင် အတတ်ပညာရှင်တွေ စတဲ့ ပုဂ္ဂိုလ်ကျော်တွေရဲ့ အတ္ထုပ္ပတိတွေကို မြန်မာစာ အက္ခရာဝလိစဉ်ပြီး စုဆောင်း လွှင့်တင် ပေးထားတဲ့ အတ္ထုပ္ပတ္တိ အဘိဓာန် ဖြစ်ပါတယ်။ သတိပြုရန်မှာ စာရေးဆရာတွေကို သူတို့ရဲ့ ကလောင် အမည်အတိုင်း စဉ်ထားပြီး၊ (ဥပမာ - "လူထု ဒေါ်အမာ" ဆိုပါက "လ" မှာ ရှာဖွေပါ။ "သူကြီး ဂေဇက် ဦးခင်မောင်" ဆိုပါက "သ" မှာ ရှာဖွေပါ။ "ဦးရွှေအောင်" ဆိုပါက "အ" မှာ ရှာဖွေပါ)၊ အခြား ပုဂ္ဂိုလ်တွေကိုတော့ သူတို့ အမည် အစ စာလုံးအတိုင်း စဉ်ထားပါတယ်။ (ဥပမာ - "ဗိုလ်ချုပ် အောင်ဆန်း" ဆိုပါက "အ" မှာ ကြည့်ပါ၊ "ဂီတလုလင် မောင်ကိုကို" ဆိုပါက "မ" မှာကြည့်ပါ)။ 

        နောက်ထပ် Offline နှင့် PDF အဘိဓာန်များ ဆက်ရန်ရှိပါသေးသည်။

          ဆက်လက်ကြိုးစားပါဦးမည်။
          © ချမ်းလင်းနေ

          Sunday, January 2, 2011

          ကြေကွဲဖွယ် ဈာပနပွဲ



          ဒီအကြောင်းအရာတွေက ပက်စ်စီတစ်ပုလင်းကို ပိုက်ဆံအစိတ်ရှိရင် သောက်လိုရခဲ့တဲ့ အချိန်တုန်းက ဖြစ်ခဲ့တာတွေ။ အဲဒီအချိန်တုန်းကဆိုရင် လမ်းပေါ်ထွက် ကြည့်လိုက်ရင် မီးစတန်းလန်းနဲ  အုန်းဆံကြိုးတွေကို ကွမ်းယာဆိုင်တွေမှာ တွေ့ရဦးမယ်။ ညနေဖက် TV ဖွင့်ကြည့်ရင်လည်း ရေခဲရေသောက်ချင်ရင် ဒီကိုလာ၊ အိမ်လိုချင်ရင်  ကြည်စိုး(I.C) ဆီသွားဆိုတဲ့ မတူးကြီးရဲ့အသံကို  ကြားရဦးမယ်။ 
          သာမရိုးကျ ဝန်ထမ်းလင်မယားတစ်စုံ။ သူတို့နေကတော့ ဖဆပလထဲမှာ။ သူများတွေအိမ်ခန်းရဲ့ Master Bedroom ကို ပြန်ငှားပြီးတော့ နေနေကြတာ။ ကိုယ့်အိမ်ခန်းထဲကို ဝင်မယ်ဆိုရင် သူများတွေ ဧည့်ခန်းကြီးကို ဖြတ်လာပြီးတော့မှ ရောက်တယ်။ ဒီနေရာမှာပဲ ထမင်းချက်၊ ဒီနေရာမှာပဲစား၊ ဒီမှာပဲအိပ်၊ ဒီမှာပဲရေချိုး၊ ဒီမှာပဲအိမ်သာတက်၊ ဒီမှာပဲဘုရားရှိခိုး။ 
          အဲဒီအိမ်က ရေချိုးခန်းက ရယ်ရတယ်။ တစ်ယောက်ယောက် ရေချိုးနေရင် ဘယ်သူမှ အိမ်သာမတတ်ရဲဘူး။ ရေချိုးခန်းနဲ အိမ်သာနဲက တစ်ဆက်ထဲရယ်။ ဧည့်သည်ဆောင်သည်လာရင် အရမ်းဒုက္ခရောက်တယ်။ ဒါပေမယ့်လည်း သူတို့ဟာနဲ သူတို့တော့ အဆင်ပြေလှတယ်လို့ မဟုတ်တောင် နေလိုတော့ဖြစ်နေသေးတယ်။ 

          ဒီလိုနဲ့  သူတို့တွေထဲကို ကောင်မလေးတစ်ယောက် ထပ်ရောက်လာတယ်။ ကောင်မလေးကိုယ်ဝန်ကို သူတို့လိုချင်လို့ တမင်ပြင်ဆင်ပြီး ယူခဲ့တာမဟုတ်ဘူး။ ကောင်မလေးအမေ ပြောသလိုပြောရရင် စောက်ပလုပ်တုတ်ဖြစ်ပြီး ရသွားတာ။
          အဲဒီနေ့က သူတို့လင်မယားနှစ်ယောက် ဈေးသွားကြတယ်။ လမ်းမှာ မိန်းမလုပ်တဲ့သူက မူးလဲပါလေရော။ ဗမာရပ်ကွက်တွေ ထုံးစံအတိုင်း တစ်ခုခုဖြစ်တယ်ဆိုရင် လူတွေက ဝိုင်းအုံလာကြရော။ အဲဒီအထဲကမှ မိန်းမခပ်ငယ်ငယ်တစ်ယောက်က ကောင်မလေးအမေကိုကြည့်ပြီး အစ်မမျက်နှာတွေ ဖြူနေတာပဲ ဒါသောက်လိုက်ဆိုပြီး အဲဒီတုန်းက ရပ်ကွက်ထဲက လူတွေက အညိုတောင့်ကြီးလို့ ခေါ်နေကြတဲ့ မိန်းမအားဆေးတစ်တောင့် ထုတ်တိုက်တယ်။ ဒါ တော်ရုံတန်ရုံစေတနာနဲ့ မဟုတ်ဘူး ဘာလို့လဲဆိုတော့ ဒီဆေးက သူ့ခေတ်သူ အခါတုန်းက အရမ်းဈေးကြီးတဲ့ဆေး။

           ဒီလိုနဲ့ပဲ ဆိုက်ကားငှားပြီး ဆေးခန်းပြေးတော့ ဆရာဝန်က ကောင်မလေးအဖေကို ပြောတယ်။ ခင်ဗျားမိန်းမမှာ ကိုယ်ဝန်ရှိတာထင်တယ်။ ဆီးသွားစစ်လိုက်ပါဆိုတော့ နောက်တစ်နေ့လည်းကြရော သူတို့ယောက္ခမတွေရှိတဲ့ မဂိုလမ်းက အေးဆေးတိုက်မှာပဲ သွားစစ်ဖြစ်လိုက်တယ်။ တစ်ခုခုဆေးစစ်ရင် positive ဆိုရင် လန့်နေရတဲ့ခေတ်ကြီးမှာ result လည်းတွေ့ရော ကောင်မလေးအဖေက မျက်စိမျက်နှာပျက်သွားလို့  ဆေးခန်းက သူနာပြုဆရာမလေးကတောင် ဟာ…အစ်ကို ဒါ ဝမ်းသာရမယ့်ကိစ္စလေလို့ လှမ်းသတိပေးလိုက်ရသေးတယ်။ 

          တစ်ခါ ကိုယ်ဝန်နည်းနည်းရင့်လာတော့ မိုးတွေအရမ်းရွာနေတဲ့နေ့ကြီး။ သူတို့ လင်မယားနှစ်ယောက် ရုံးကနေ ခြင်းတောင်းကိုယ်စီနဲ့  ပြန်လာကြတယ်။ လက်ထဲမှာလည်း ထီးတစ်ယောက်တစ်လက်နဲ့။ သူတို့ဆောင်းတဲ့ထီးက တရုတ်ကလာတဲ့ ခိုထီးအတုကို ဆောင်းထားတာ။ အတုနဲ အစစ်ဘာကွာလဲဆိုတော့ အစစ်ရဲ့လက်ကိုင်ကလေးထောင့်၊ နောက်ပြီးတော့နီညိုရောင်နဲ့  Dove ဆိုတဲ့စာတန်းနဲ့ ခိုပုံကလေးပါတယ်။ အတုရဲ့လက်ကိုင်ကကြတော့ မီးပုံးပျံပြောင်းပြန်ပုံ လုံးလုံးကြီးနဲ့အလယ်မှာ အနီရောင်လိုင်းတစ်လိုင်းပါတယ်။ 

          အဲဒီလို လမ်းလျှောက်လာနေတုန်း လေပြင်းပြင်းတစ်ချက်တိုက်လိုက်တော့ လေတိုက်တဲ့နောက် ထီးကပါသွားသလို လမ်းကလည်း ရွှံ့တွေနဲ့ချောနေလို့  ဗိုက်ကြီးသည်က ချော်လဲပါလေရော။ ဘာမှသိပ် ကြီးကြီးကျယ်ကျယ် မဖြစ်သွားပေမယ့် ကောင်မလေးအမေရဲ့ တံတောင့်ဆစ်မှာ သေရာပါအမှတ်ကြီး ဖြစ်ကျန်ခဲ့တယ်။ အမာရွတ်ဆိုတာက ဟိုးအရင်တစ်ချိန်တုန်းက ပြင်းပြင်းထန်ထန် နာကျင်ခံစားခဲ့ရတယ်ဆိုတာရဲ့ အမှတ်အသားပဲ။ 

          မိန်းမလုပ်တဲ့သူရဲ့ညီမက သူ့တုန်းကဝတ်ခဲ့တဲ့ ဗိုက်ဖုံးအကျ အဟောင်းတွေကို ပေးတယ်။ အိုဂျီနဲ့လည်း လိုက်အပ်ပေးတယ်။ အိုဂျီက သူ့ခေတ်သူ့အခါတုန်းက နာမည်ကြီးအိုဂျီပဲ။ ဒီလိုနဲ့ပဲ ကောင်မလေးကို မွေးတယ်။ GEC မှာတန်းစီပါ ဆိုတဲ့ခေတ် လင်မယားနှစ်ယောက် တစ်ယောက်ကို လက်တိုဂျင်တစ်ဘူးစီရတယ်။ အိမ်ထောင်သည် ဆန်ဆယ့်လေးပြည်နဲ့ နှစ်ယောက်စာ နှစ်ဆယ့်ရှစ်ပြည်ရတယ်။ ကောင်မလေးကိုမွေးတော့ သူ့အမေလုပ်သူက တော်တော်အသက်ကြီးနေပြီ။ သုံးဆယ့်ရှစ်နှစ်ကျော်နေပြီ။ အဲဒီတော့  နို့ကကောင်းကောင်း မထွက်တော့ဘူး။  နို့မထွက်တော့ ဝအောင်လည်း တိုက်လို့မရသလို ကလေးကလည်း အားစိုက်စို့ရလို့ သိပ်မစို့ချင်ဘူး။

          နောက်ခွင့်ရက်ကလည်း လေးဆယ့်ငါးရက်ပဲရတာ။  ပြီးတာနဲ့  ရုံးဆက်တက်ရရော။ ဒီလိုနဲ့ သူ့အဓိက အဟာရက နို့ဘူးဖြစ်လာတယ်။ ကောင်မလေးက နို့ဘူးအရမ်းကြိုက်တယ်။ နို့ဘူးမှနို့ဘူးပဲ။ အလုပ်ကရတဲ့ လက်တိုဂျင်နှစ်ဘူးက မလောက်တော့ဘူး။ နွားနီကူလာရတယ်။ နောက်ပိုင်းကြတော့  နွားနီတောင်မှ ကောင်းကောင်းမလောက်ချင်တော့ဘူး။

          အဲဒါနဲ့ပဲ ကောင်မလေးအဖွားရဲ့ ရွှေဉာဏ်တော်စူးရောက်ပြီးတော့ အကြံပေးချက်အရ နို့ဘူးဖျော်နည်း နိသဿသရည်းထဲက recipe ထဲမှာ သကြားနည်းနည်းဆိုတာက နေရာဝင်ယူလာတယ်။ ဒါတောင်မှ  လတစ်လရဲ့နှစ်ဆယ့်သုံး နားကပ်လာရင်  နွားနီတောင် နပ်မမှန်ချင်တော့ဘူး။

          ဒီတော့လည်း နို့မှုန့်ဖိုး ပြတ်သောမခက်လော၊ ဤနည်းသိလျှင် မလွယ်လောပေါ့။အိမ်နားက အိမ်ဆိုင်လေးတွေမှာ ကလေးတွေ အပျင်းပြေစားဖို့ဆိုပြီးတော့ ထုတ်ထားတဲ့ တစ်ကျပ်တန်၊ နှစ်ကျပ်တန် နို့မှုန့်အထုတ်ကလေးတွေကို ရေနွေးထဲထည့်ဖျော်၊ ပူနေသေးလားလို့ လက်ဖမိုးပေါ် အစက်ချပြီးစမ်းကြည့် အေးပြီဆိုတာနဲ့ ကလေးပါးစပ်ထဲ ထိုးထည့်လိုက် အငိုတိတ်ကရောပဲ။ 

          တစ်ခါကတော့ ရောင်းတဲ့သူကပဲ မှားပေးလိုက်တာလားမသိဘူး။ နို့မှုန့်ဆိုပြီးဝယ်လာလိုက်တာ ရေနွေးနဲ့ရောပြီး ဖျော်ကြည့်လိုက်ရော ပဲမှုန့်ဆန်မှုန့်တွေလိုမျိုး ပျစ်ခဲခဲကြီးဖြစ်သွားတယ်။ ဒါပေမယ့် ဘာပဲပြောပြော ညညတွေဆိုရင် ကလေးငိုသံရဲ့နောက်မှာ ကတောက်ကတောက်ဆိုတဲ့ အသံပါလိုက်လာနေကြ ဖြစ်နေပြီ။ သူတို့အိမ်ထဲကို ဝင်လိုက်ရင် ဝိုင်အိုလက်အနံ ကလေးက သင်းနေတတ်တယ်။ 

          အခုအချိန်အထိ အဲဒီတုန်းက ဗူးခွံအဟောင်းလေးကို အရောင်တင်မှုန့်ထည့်တဲ့ဘူး လုပ်ထားလို့ ကြောင်အိမ်ထဲမှာ သွားကြည့်ရင်တောင် တွေ့ရဦးမှာ။ ကောင်မလေး နည်းနည်းကြီးလာတော့ ကုလားပဲမှုန့်ရယ်၊ ဆန်မှုန့်ရယ်ကို စက်မှာသွားကြိတ် ပြီးတော့ ရေနွေးနဲ့ ဖျော်ပြီးကျွေးတယ်။ ဘာကလေးအဟာရမှုန့်မှ မလိုဘူး။ အသက်ခြောက်လအထိ မိခင်နို့တစ်မျိုးထဲဆိုတာက ဆောင်ပုဒ်လေ။ ဆောင်ပုဒ်တွေနဲ့ လက်တွေ့ကြ တကယ်တမ်း အလုပ်မဖြစ်ဘူး။

          နောက်သိပ်မကြာဘူး ကောင်မလေးအမေ ရုံးစတတ်တော့ ကောင်မလေးကို အိမ်နားက ကလေးထိန်းတဲ့အိမ်မှာ သွားပို့ထားလိုက်ရတယ်။ ကလေးထိန်းခက တစ်လကိုလစာအပြင်  ရုံးကရတဲ့ ဆီငါးဆယ်သားနဲ  ရွှေဝါဆပ်ပြာနှစ်တောင့် အဆစ်ပေးရသေးတယ်။ 

          ဒီလိုနဲ့ပဲ ခြောက်လခုနှစ်လောက်ရှိလာတော့ ကလေးထိန်းတဲ့အိမ်ကသူတွေက ဝိုင်းပြောကြတယ်။ သူများကလေးတွေ ခေါင်းထောင်တဲ့အရွယ်ရောက်နေပြီ ဒီကလေးမလေးက အခုအထိ ခေါင်းမထောင်သေးပါလား ဆိုပြီးတော့။ ဒါပေမယ့် သိပ်တော့စိတ်မပူမိဘူး ခုလောလောဆယ်မှာက ခေါင်းထောင်တာ မထောင်တာ ဆိုတာထက် အရေးကြီးတာတွေအများကြီးရှိတယ်။

          သူတို့တွေ ထမင်းစားကြတော့ ဆန်က ရုံးကနေပေးတယ်။ ရုံးကရတဲ့ဆန်ကို ကောင်မလေးအဖေက ထုတ်ထားပြီးတော့ ယောက္ခမတွေအိမ်မှာ ခဏသွားထား၊ စနေတနင်္ဂနွေကျမှ အိမ်ပြန်သယ်တယ်။ သူတစ်ယောက်တည်း အဲ့ဒီဆန်နှစ်ဆယ့်ရှစ်ပြည်ကိုထမ်းပြီး ဘတ်စ်ကားနဲ့  အိမ်ကိုသယ်တယ်။ အိမ်ပြန်ရောက်ရင် သူ့မိန်းမက ပလတ်စတစ်ကြီးကိုခင်း စကောနှစ်ချပ်၊ စကာတစ်ချပ်ကိုချ၊ မျက်နှာမှာနင်ဂျာတွေလို အဝတ်နဲ့စီးပြီး ဆန်ပြာတော့တာပဲ။ 

          အဲ့ဒီဧည့်မထဆန်ကို တစ်ခါတစ်လေ အဝါရောင်မြက်သီးလေးတွေနဲ  တူတူရော ပြီးတော့စားတယ်။ ထွက်လာတဲ့ဆန်ကွဲကိုတော့ လမ်းတကာလှည့်ပြီး ဆန်ကွဲဝယ်တဲ့သူတွေကို ပြန်ရောင်းတတ်တယ်။ အဲဒီဆန်ကွဲဝယ်တဲ့သူတွေက အရမ်းသနားဖို ကောင်းတယ်။ အိမ်ကထွက်လာတုန်းက ပေါ့ပေါ့ပါးပါးနဲ့  နောက်တော့တဖြည်းဖြည်း ဇက်ကျိုးမတတ်လေးတဲ့အိတ်ကြီးကို တစ်လမ်းဝင်တစ်လမ်းထွက် ရွက်ပြီးသွားရတယ်။ ဖွဲပြာရောင်းတဲ့သူတွေကတော့ ကောင်းတယ်ဆိုမလား။ ထွက်လာတုန်းကသာ တောင်းကြီးအကြီးကြီးနဲ့အပြည့်  တစ်နေကုန်လည်း ရောင်းလိုက်ရော တဖြည်းဖြည်းလျော့သွားရော။

          တစ်ခါတစ်လေကြတော့လည်း သူတို အကြော်ဝယ်နေကြ အကြော်ဆိုင်မှာ ကိုယ်တိုင်သွားပြီး ဆန်ကွဲကို ပြန်ရောင်းတယ်။ သယ်ရတာတော့ ပင်ပန်းပေမယ့် ပိုက်ဆံနည်းနည်းပိုရတယ်။  သူတို့ဝယ်နေ ကြ အကြော်ဆိုင်လို့သာပြောရတယ် သူတို့ကအကြော်ကို ဝယ်တယ်၊ မဝယ်ဘူး ပြောဖို့ နည်းနည်းခက်တယ်။ 

          သူတို့အကြော်ဝယ်တဲ့ပုံစံက အကြော်ကိုဝယ်တာ မဟုတ်ဘူး။ အကြော်ကြော်ရင်း ပဲ့ပဲ့ထွက်သွားတဲ့ မုန့်နှစ်ကလေးတွေကို ကြော်တဲ့သူက တူးသွားမှာစိုးလို  ဆယ်ပြီးပုံထားတာကို ပြန်ဝယ်တာ။ အဲဒီအကြော်အကြေလေးတွေနဲ့  ထမင်းကို အချဉ်ရည်နဲ လူးပြီးစားတယ်။ အရင် လင်မယားနှစ်ယောက်ထဲရှိတုန်းက ရုံးကဆန်ကို ပြန်ရောင်းပြီး ဆန်ကောင်းဆိုရုံဆန်မျိုး ဝယ်စားလေ့စားထရှိပေမယ့် အခုကြတော့  ရုံးထမင်းဘူးကလွဲလို  အိမ်မှာရုံးဆန်ပဲစားရတယ်။ သူတို့ကအဲဒါကို နန်းတော်ထဲက ပုစွန်တုပ်ကြီးလို့ခေါ်ကြတယ်။

          ကောင်မလေးအမေမှာက ရင်ကျပ်တဲ့ရောဂါရှိတယ်။ တစ်ခါတစ်လေ အေးတဲ့ရာသီတွေဆိုရင် ဂက်စ်ဘူးလေး ထုတ်ထုတ်ပြီး ရှုရတတ်တယ်။ မျိုးရိုးလိုက်တာလား ဘာလားတော့မသိဘူး ကောင်မလေးမှာပါ အဲဒီရောဂါက ပါလာတယ်။ သူကလေးကလည်း ငယ်ငယ်ရွယ်ရွယ်နဲ့  ရင်ကျပ်တတ်တယ်။ အဲဒီလိုမျိုးရင်ကျပ်လာရင် တခြားကလေးတွေဆို ခေါင်းထောင်ပြီး ဟပ်ထုတ်လိုက်ရလို  နည်းနည်းသက်သာ သယောင်ယောင်ရှိပေမယ့် သူ့အတွက်ကတော့ မလွယ်လှဘူး။

           အဲ့ဒီလို ဆရာဝန်တကာနဲ့  စုံအောင်ပြပြီးတော့ မသက်သာတာနဲ့ အဲဒီခေတ်အခါက နာမည်ကြီး ချော်တွင်းကုန်းက ကလေးအထူးကုဆရာဝန် တစ်ယောက်နဲ့ ပြောင်းပြကြည့်တော့ အဲဒီဆရာဝန်ပြောတာက ကောင်မလေးကို မွေးတုန်းက ညှပ်ဆွဲပြီးမွေးလိုက်တာ အာရုံကြောထိသွားပြီး ဒီတစ်သက် မစွမ်းမသန်ဘဝနဲ့ပဲ နေသွားရတော့မယ်ဆိုတာပဲ။ 

          ဒီတော့ ကလေးမလေး အဖေနဲ့အမေက အင်္ဂလိပ်ဆေးနဲ့ကုလို မရရင် ဗမာဆေးနဲ့ကုမယ်ဆိုပြီး ဆေးဆရာပေါင်းများစွာနဲ့ဆေးကု၊ ဗေဒင်ဆရာပေါင်းများစွာနဲ  ယတြာတွေချေ၊ အရှေ့တိုင်းရော၊ အနောက်တိုင်းရော ဗိန္ဓောရိုးရာဆေးမှီးတိုပါမကျန် နည်းမျိုးစုံနဲ့ ကြိုးစားပြီးကုခဲ့ကြတယ်။ဟိုး…ကျောက်ပန်းတောင်းလို နေရာမျိုးတွေအထိတောင် ဘာရောဂါ ညာရောဂါ ကုတာကောင်းတယ်ဆိုလို့ သတင်းကြရင်တောင် ရောက်ခဲ့တယ်။

          သူ့ကို ဆေးကုပေးနိုင်ဖို့ အတွက်လည်း ရှိတဲ့လက်ဝတ်လက်စားတွေကို အကုန်ရောင်းစရာရှိတာရောင်း ပေါင်စရာရှိတာပေါင်နဲ့ လုပ်လိုက်တာ အားလုံးကုန်တော့မယ်။ နောက်ဆုံးကျန်တဲ့ နားကပ်ကလေးတောင် အပေါင်ဆိုင်ပို့ထားလို့ နားပေါက်ဟောင်းလောင်းနဲ့ မနေတတ်တာနဲ့ အတုလေးတစ်ရံဝယ်ပန်ထားရတယ်။ အဲဒီနားကပ်အတုလေးကလည်း ရေချိုးရင်းနဲ့  အရောင်တွေ မှိန်မှိန်သွားတတ်လို့ ခဏခဏအသစ်ဝယ်ပြီး ပြောင်းတတ်နေရတယ်။ 

          ကလေးဆေးရုံကို သုံးကြိမ်မြောက်တတ်တော့ သူ့ကိုချက်ချင်းပဲ အရေးပေါ်အခန်းထဲသွင်းပြီး ချွဲစုတ်စက်နဲ့  ချွဲတွေစုတ်ထုတ်နေရတယ်။ ကလေးသေးသေးလေးရဲ့ ခန္ဓာကိုယ်တစ်ခုလုံးမှာ ပိုက်တွေတန်းလန်းနဲ့  ရှိနေတာ မြင်လို့တောင်မကောင်းဘူး။ အဲဒီနေ့က သူ့ကိုမွေးတဲ့နေ့ ဗုဒ္ဓဟူးနေကြီး။ သူ့အဖေက ဘုရားကို သူ့အတွက် ယတြာချေပေးဖို့  မနက်ထဲက ထွက်သွားတယ်။ ကလေးမလေးကို ဒီတစ်ခေါက် ဆေးရုံတင်တဲ့နေ့က သူ့အဖေက အလုပ်ကအပြန် ဘတ်စ်ကားမှတ်တိုင်မှာ ကားစောင့်နေရင်းနဲ့  အမေလုပ်တဲ့သူကို လှမ်းပြောမိသေးတယ်။ ဒီနေ့ သူ့စိတ်တွေ အရမ်းလေးနေတယ်လို့။ 

          အိမ်ရောက်ပြီး ကလေးထိန်းတဲ့အိမ်ကနေ သွားခေါ်တော့ ကောင်မလေးကိုကြည့်ပေးတဲ့ တူးတူးက ဆီးပြောတော့တာပဲ။ ကလေးမလေး နေမကောင်းဘူးလို့။ ဒီလိုနဲ့ပဲ ညကြတော့ ကောင်မလေးကို ဆေးရုံတင်လိုက်ကြရရော။ သူ့အဖေအပြင်သွားနေတုန်း ကလေးမလေးကို သူ့အမေက စောင့်ကြည့်နေတယ်။ တစ်စုံတစ်ယောက်လို့ ပြောလို့မရတောင် တစ်စုံတစ်ခုကလည်း စောင့်ကြည့်ကောင်းကြည့်နေမယ်။ သူ့အဖေပြန်လာတဲ့အထိ ကောင်မလေးက စောင့်မနေခဲ့ဘူး။  ခပ်လှမ်းလှမ်း တစ်နေရာကို ထွက်ခွာသွားနှင့်ပြီ။

          အဲဒီတော့ သွားတဲ့သူကသွားနှင့်ပြီ။ ကျန်တဲ့သူတွေက ဘာဆက်လုပ်မလဲ။ အနည်းဆုံး ဈာပနပွဲတစ်ခုတော့ လုပ်ရတော့မယ်။ ဘယ်မလဲပိုက်ဆံ။ ရှင်သန်မှုမရှိတဲ့သူတစ်ယောက်အတွက် အလကားသက်သက် ငွေကုန်ကြေးကြခံမလား၊ ကိုယ်ချစ်တဲ့ မိသားစုဝင်တစ်ယောက်ရဲ့ နောက်ဆုံးခရီးကို ဂုဏ်သိက္ခာရှိရှိ နှုတ်ဆက်ကြမလား။ သိက္ခာဟာ တကယ်တမ်းကြတော့ ရိက္ခာကိုမယှဉ်နိုင်ခဲ့ဘူးလေ။

           ဒီတော့ ဘယ်လိုလုပ်မလဲ။ အနှီးလေးနဲ့ ပတ်လိုက်တယ်။ ဆေးရုံခတွေထဲက တစ်ချို့   ကိုရှင်းပေးလိုက်တယ်။ စရိတ်မျှပေးမို့လို့  သက်သာသယောင်ယောင်ရှိပေမယ့် ကုန်တာကတော့ ကုန်တာပဲလေ။ ကလေးမလေး အလောင်းကိုတော့ နောက်မှပဲပြန်လာရွေးမလိုလိုနဲ့  ဆေးရုံမှာ ဒီအတိုင်းပဲ ထားခဲ့လိုက်ရတယ်။ ကြွေးတင်ရင် ရှင်ဘုရင်ဆပ်မှာပေါ့။ဒါကဆိုရိုး လက်တွေ့ကျတော့..........။

           သူတို့လင်မယားနှစ်ယောက် ငိုပြီးမျက်ရည်တွေနဲ့  ပြန်လာခဲ့တယ်။ ဗုဒဿဓဘာသာထုံးစံအတိုင်း သပိတ်တွေ ဘာတွေသွပ်တယ်။ နောက်တော့ သူတို့အခန်းကျဉ်းလေးရဲ့နံရံမှာ စာတန်းတစ်ခုကို ကောင်မလေးအမေက ရေးထားတယ်။ “သမီးသေတာကို သတိရနေပါ”တဲ့။ ဒါပေမယ့် ဒါကလည်းပဲ ဆိုလိုသည့်အဓိပ္ပာယ်ရောက်အောင် စနစ်တကျစီစဉ်ထားသော စာသားပုဒ်အစုအပေါင်းတစ်ခု မျှသာပဲ။ ကျန်ရစ်ခဲ့တဲ့ အမာရွတ်တွေဆိုတာကတော့ ပိုထင်ရှားတယ်။ 

          နောက်ဆုံးမှာတော့ ဩော်..... မစွမ်းမသန်ဘဝနဲ့ ကောင်မလေးတစ်ယောက် အရွယ်ရလာရင် သူတစ်ယောက် ဒုက္ခရောက်နေမှာ၊ သူ့အတွက်နဲ့ ကျန်တဲ့သူတွေပါ ဒုက္ခရောက်ကြရမှာနဲ့  ယှဉ်လိုက်ရင် အခုလိုသူ့စရိတ်သူစားသွားတာကပဲ ခပ်ကောင်းကောင်းရယ်လို ဖြေတွေးလေးတွေးလိုက် ကြတော့တာပါပဲ။

          နာဖျားနေတဲ့ ရန်ကုန်ရဲ့ ချောင်ကျကျတစ်နေရာက သာမရိုးကျ ဝန်ထမ်းမိသားစုလေးရဲ့ ဗလာနတ္ထိဘဝထဲကို ဗုဒ္ဓဟူးကောင်မလေးတစ်ယောက် ဒုက္ခဝေဒနာတွေနဲ့ အမှတ်တမဲ့ ရောက်လာပြီး ခဏတာနားခို ထွက်ခွာသွားခဲ့ပေမယ့်လည်း အမှတ်တရတွေများစွာနဲ့ပဲ ကျန်ရစ်ခဲ့ကြတဲ့ ကြေကွဲဖွယ် ဈာပနပွဲလေးတစ်ခု တိုးတိတ်စွာနဲ့ ပြီးဆုံးခဲ့ရပါတော့တယ်။



          "ဗုဒ္ဓဟူးကောင်မလေး"

          မဖိတ်ခေါ်ပေမယ့်လည်း
          ရှေးရေစက်ရယ်ကြောင့် ရောက်လို့လာ
          ဆယ်ပေပတ်လည် ထောင့်ကျဉ်းထဲက
          ရှုပ်ရှက်ခတ် ဗျာပါဒနဲ့
          ရုန်းရင်းဆန်ခတ်ကြား
          မရှိလို့သာ ဝန်ထမ်းရတယ်
          ကိုယ်တာဆန် နှစ်ဆယ့်ရှစ်ပြည်စား
          လူသားနှစ်ယောက်ရဲ့ကြား
          ဗုဒ္ဓဟူးနံ ကောင်မလေး
          သောက်ပလုပ်တုပ်နဲ့ ရောက်ရှိလို့လာ။
          GEC တန်းဆီတဲ့ခေတ်မှာလ
          ခွဲတမ်းရ လက်တိုဂျင်နှစ်ဘူးရယ်နဲ့
          နို့သက်တဲ့ အမေ့နို့မဝနိုင်လွန်းတာမို့
          တရုပ်ပြည်က နွားနီကိုကူရတယ်
          သူ့မရဲ့အစ။
          ခြောက်လသာ ကျော်လို့ရယ်လာ
          တိုးတက်မှု ရိပ်အခြေက
          သာမရိုးကျ ကလေးတစ်ယောက်လိုပ
          ဇီရိုးသာ ထူးမခြားတော့တယ်
          သူ့မရဲ့ ကြမ္မာ။
          အရှေ့တိုင်း အနောက်တိုင်း
          ဗိန္ဓော ရိုးရာ ဆေးမှီးတိုပါမကျန်
          ယတြာပါမလစ် အကြံပေးသမျှ
          ကျောက်ပတောင်းတောင်
          ချောင်းပေါက်အောင် သွားကုသတယ်
          သူမ ဝေဒနာ။
          သူ့အရွယ် လူမမယ်နဲ့မမျှ
          ဆိုးလိုက်တဲ့ ချွဲသလိပ်ရယ်
          ခန္ဓာကိုယ် သေးသေးရယ်မှ
          များလိုက်တဲ့ အပ်စိုက်ရာတွေ
          နာကျင်တာ ပြန်ကာမပြောနိုင်ပေတော့
          ကလယ်ကလယ် မျက်လုံးငယ်ငယ်နဲ့
          မျက်ရေစို့ ဝဲကာကြည့်လိုက်တယ်
          သူ့မိဘ မျက်နှာ။
          ဘယ်ကြမ္မာ ဘယ်ဝဋ်ကျွေးရယ်ကြောင့်
          လူ့ပြည်ရွာ ခဏတာလူလာဖြစ်ရတယ်
          အချိန်တို တစ်ဘဝလေးတောင်မှ
          ညီမလေးရယ်....... ဆိုးရလေခြင်း။
          (ချမ်းဧအိမ်)

           
          ဆက်လက်ကြိုးစားပါဦးမည်။
          ချမ်းလင်းနေ

          Saturday, January 1, 2011

          ဗိုင်းရပ်စ် လုံခြုံရေးမှုးများ

          နှစ်သစ်မှာ ကိုယ်ကွန်ပျုတာလေးကို စိတ်ချသေချာအောင် ကြည့်ရှုပေးမယ့် ဗိုင်းရပ်ကာကွယ်ရေးတွေ တင်ပေးလိုက်ပါတယ်။ Antivirus Software တွေအများကြီးရှိပေမယ့် ကျွန်တော်ကတော့ လတ်တလော ကျွန်တော်သုံးနေတဲ့ Antivirus & Internet Security Software တွေပဲ တင်ပေးလိုက်ပါတယ်။

          သူတို့ အကုန်လုံး သုံးကြည့်ဖူးတယ်။ အကုန်ကောင်းပါတယ်။ Avast နဲ့ AVG ကတော့ Crack Fileတွေ၊License Key တွေပါ ထည့်ပေးထားပါတယ်။ အကုန်လုံး Full Version ပြည့်ပြည့်ဝဝလေး သုံးနိုင်ပါတယ်။

          Install လုပ်တာနဲ့ Crack ဖြည်တာတော့ မရှင်းပြတော့ဘူး။ မတတ်လို့ :P
          (ကိုယ်ဘာသာ ကြုပ်ကြက်လိ့ ကြပါဗျာ။)

          ၂၀၁၁ နှစ်သစ်မှာအားလုံး လုံလုံခြုံခြုံရှိကြပါစေဗျာ။

          How To Crack Avast! Internet Security & Pro 5.0.677 License File


          ဆက်လက်ကြိုးစားပါဦးမည်။
          ချမ်းလင်းနေ