Wednesday, December 30, 2009

ရင်တွင်းပြတိုက်ထဲက လမ်းပြကြယ်



ဟောင်းနွမ်းသွားတဲ့ ရက်စွဲလေးတွေထဲမှာ နတ်သမီးလေးတစ်ပါး ကြယ်ကြွေတွေနဲ့အတူ လောကမျက်နှာပြင်ပေါ်ကို ကြွေလွင့်သက်ဆင်းလာတယ်။ အနက်ရောင် မိုးသားဇာဝတ်ရုံအောက်မှာ ကြီးစိုးချယ်လှယ် ခံနေရတဲ့ ကမ္ဘာကြီးအတွက်တော့ တဒင်္ဂလေးအတွင်းမှာ ကြယ်ကြွေအလင်းရောင် မှုန်ပြပြလေး ဖြာထွက်သွားတာတောင် ရုတ်တရက် အငိုက်မဲ့ လွတ်လပ်သွားသလိုပါပဲ။ လက်ခနဲဖြာလို့။

✰✰✰✰✰

ကျွန်တော့်ဘဝထဲမှာ စွဲလန်းတမ်းတ အမိဆုံးကတော့ ကျွန်တော်မေမေနဲ့ နေခဲ့ရတဲ့ နေ့ရက်တွေပါပဲ။ အတိတ်တွေ လွင့်ထွက်မသွားခင်အထိတော့ ထိုအချိန်လေးတွေကို နှမြောရမှန်းကို မသိခဲ့ဖူး။ဘဝကို လွယ်လွယ်ဖြတ်သန်းနိုင်အောင် ပေါင်းကူးထိုးပေးခဲ့တဲ့ မေမေ့ကျေးဇူးတွေဟာ ကျွန်တော်အတွက်တော့ ထိုအချိန်က အမှတ်တမဲ့တွေပါပဲ။ အချိန်တိုင်း မေမေရဲ့တွေးပူမှုတွေအောက် ကြီးပြင်းလာရတဲ့ ကျွန်တော့်အတွက်တော့ ငြီးငွေ့မှုတွေ ပြည့်နှက်နေလျှက်ပေါ့။အမေ့ရဲ့ဆန္ဒ တသားထဲကျအောင် နေရမှုကို ခါးသီးနေမိတဲ့ ကျွန်တော်ပေါ့။ ကန့်လန့်တိုက်ခြင်းများစွာနဲ့ အကျွမ်းတဝင် နေခဲ့မိတယ်လေ။ အမေ့ရင်ခွင်ထဲ စိတ်ခပ်တိုတိုနဲ့ ကိုယ်လွတ်မြောက်ရာ ဖွေရှာလိုနေတဲ့ အမေ့ပက်ကြားအက်ကလေး တစ်ခုပေါ့။

အမေကတော့ အပြုံးမပျက်ပါဘူး။အမေရဲ့ အရိပ်စစ်တွေ အေးမြတယ်ဆိုတာ အနေနီးနေတော့လဲ သာမာန်ရောင်းကုန်တစ်ခုလိုပဲ ဈေးနှုန်းမကြီးပါဘူး။ဈေးနှုန်းလဲ မသိပါဘူး။အမေ့ရဲ့ဖြူစင်မှုကြားထဲ ကိုယ့်အတ္တနဲ့ ကိုယ် စွန်းထင်းညစ်ပေရင်းကနေ လူဖြစ်ရက်နဲ့ လူလားမမြောက်ပဲ လုံးလည်ချာလည်ရိုက်လို့ ဗျာများနေတယ်လေ။ ပုခက်လွှဲတဲ့ အမေရဲ့လက်တွေကနေ ထုဆစ်လိုက်တဲ့ အမေ့လက်ရာက ကမ္ဘာကြီးကိုတော့ မကိုင်လှုပ်နိုင်ပေမယ့် နေရာတစ်ထောင့်ကနေ အစွမ်းကုန် ပွင့်အာနေပြီအမေ။

အမေက ချောတယ်။အမေမှာ နှစ်လိုဖွယ် သွားတက်တစ်စုံရှိတယ်။ ကျွန်တော်အမွေမရတဲ့ ပါးချိုင့်လေးလဲရှိတယ်။အဖေနဲ့တူတဲ့ ကျွန်တော်ကို ဘာလိုများအမေရယ်၊ အမေလို အသားဖြူအောင် မမွေးတာလဲလို့လဲ မကြာခဏ အပြစ်တင်မိတယ်။ ကျွန်တော်ဂုဏ်ယူမိတာကတော့ အမေရဲ့ နူးညံ့ပျော့ဆင်းပြီး ပိတုန်းရောင် ဆံနွယ်ရှည်ရှည်တွေလေ။ ဆံပင်လျှော်ပြီးတိုင်း ခြေဖျားအထိ ဖျာဆင်းကြနေလိုက်တာ အမေဖဝါးနုနုတွေပေါ်ကို သက်ဆင်းနေလေရဲ့။အမေက နူးညံသိမ်မွေ့ပေမယ့် အားမာန်ပြည့်တဲ့ အရောင်လက်နေတဲ့ မျက်ဝန်းနက်နက်တစ်စုံကိုလဲ ပိုင်ဆိုင်တယ်။

အမေက ရိုးသားတယ်။သူက ပီကာဆိုကို မသိဘူး။ဒါပေမယ့် အိမ်ကို ဘယ်လိုလှအောင် ဖွဲ့တည်ရမယ်ဆိုတာသိတယ်။ အမေ လေးဖြူရဲ့ ကန္တာရလမင်းကိုလဲ မသိဘူး။သူသိတာ မနက်မနက်ဖွင့်နေကြ တောင်တန်းသာသနာပြု ဆရာတော် ပရိတ်ခွေ။အမေက ဂီတကိုမသိဘူး။ ဒါပေမယ့် ကျွန်တော်အတွက်တော့ ဆိုနီကက်ဆက်လေး ဝယ်ပေးတယ်။ သီချင်းနားထောင်ဖို့တဲ့။အမေက ကဗျာတွေ၊ ကာရံတွေ မသိဘူး။ ကျွန်တော့်ကဗျာတွေ ဖတ်ပြီးတိုင်း ငတ်ချင်နေတဲ့အကောင်တဲ့။ သူသိတာ ကျွန်တော်ပညာရှိကြီး ဖြစ်ရေးကိုး။ အမေက ကမ္ဘာ့ဈေးကွက် ဆိုတာမသိဘူး။ သူသိတာ မနက်ဖြန် ကုန်ဈေးနှုန်းမတက်ဖို့ပဲ။ အမေက ဟမ်ဘာဂါတွေ၊ ပီဇာတွေ မလုပ်တတ်ဘူး။အမေ့လက်ရာ ချည်ရည်ဟင်း တခွက်ကတော့ ကျွန်တော့်အတွက် နတ်သုဒ္ဒါပဲ။

အမေက သဘောကောင်းတယ်။အမေ့ကို ကျောင်းမှာ လောကတ်သန်ကျကွဲတယ်ဆိုပြီး မုန့်ဖိုးလိမ်တောင်ဖူးတယ်။ အမေက ဟက်ဟက်ပက်ပက်ကို ရီပြီး မုန့်ဖိုးတွေ ကုန်သွားပြီလား ဆိုပြီး ပိုက်ဆံထုတ်ပေးတယ်။သားက လောကတ်သန်ကြီးကိုများ ဘယ်လိုချခွဲလိုက်တာများလဲသားရယ်တဲ့။ကျွန်တော် မုန်ဖိုးရဖို့သာ သိတာ အမေက ဘီအီးဒီဆရာမ ဆိုတာ ကျွန်တော်မေ့သွားတယ်။အဘွားက ပြောတယ်။နင့်ကိုယ်ဝန်နဲ့ ကျောင်းအုပ်ဆရာမအဖြစ်နဲ့ ပူတာအိုကို ရွှေ့ရမှာ သူ့ကလေးလေး ဗိုက်ထဲမှာ ရှိနေတာ ဝေးလံခေါင်ဖျားတဲ့နေရာမှာ မွေးရင် ဒုက္ခရောက်မယ်ဆိုပြီး အလုပ်က ထွက်လိုက်တယ်တဲ့။ ကျွန်တော် မှတ်မိတဲ့ အရွယ်ထဲက မေမေက အိမ်မှာနေပြီး ကျွန်တော်တို့ ညီအကို နှစ်ယောက်ကို ကြည့်ရှုစောင့်ရှောက်ခဲ့တာပါ။ ကျွန်တော်ပြန်မပေးနိုင်တဲ့ အရာအားလုံး အမေက ကျွန်တော်အတွက် စွန့်လွှတ်ခဲ့လေရဲ့။

အမေက မိုးငွေ့တွေဝေနေတဲ့ စက်တင်ဘာထဲမှာ ကျွန်တော်ကို ထားခဲ့တယ်။ထိုနေ့က အမြဲမက်တဲ့အိမ်မက်ရှည် တစ်ခုပါပဲ။အခုထိတောင် အေးခဲစွာ အမှတ်ရမိနေတုန်းပဲ။ အဲဒီနေ့က ကျွန်တော်ကျောင်းမှာ ကိုးတန်း အတန်းတင် မြန်မာစာဖြေရတဲ့နေ့။ မိုးလေးတဖွဲဖွဲနဲ့ ကျောင်းသားတွေ အကြိုက် အေးအေးလူလူ စာမေးပွဲဖြေကြရတယ်။ ဖြေပြီးလို့ ကျောင်းကဆင်းတော့ ကျောင်းအုပ်ကြီး ရုံးခန်းက ကျွန်တော်ကို လာခေါ်တယ်။ ရုံးခန်းထဲမှာ အဖေရယ်၊ အမေ့မောင် ဦးလေးရယ် စောင့်နေကြတယ်။သူတို့မျက်နှာတွေက အပြင်မှာ ရွာနေတဲ့မိုးတိမ်တွေလို ပြိုဆင်းညိုမှောင်နေတယ်။အဖေကတော့ ကျွန်တော့်လက်ကို ခပ်တင်းတင်းကိုင်ရင်း သား စာမေးပွဲဖြေနိုင်လား။ ကြိုးစားနော်။ သူအသံတွေက တိမ်ဝင်လာတယ်။အဖေနဲ့ အိမ်ပြန်တော့ ကျွန်တော်တို့နေတဲ့ အိမ်ကိုမဟုတ်ဘူး။အမေ့အမေ အဖွားအိမ်ကို။

ကျွန်တော် အဖွားအိမ်ရှေ့လဲရောက်ရော ဆီမြင်ရတာက အနက်ရောင်ဘုတ်ကြီးပေါ်က အဖြူရောင်စာသားတွေ။အပေါ်ဆုံးက အမေ့နာမည်နဲ့ အသက်လေ။ကျွန်တော်မျက်စိတွေ ဘာမှမမြင်စွမ်းနိုင်တော့ဘူး။ မျက်ရည်တွေက ပိတ်ကားတားဆီးလိုက်ပြီလေ။ဒါဆိုရင် အမေက ကျွန်တော်ဆီက ထွက်သွားပြီပေါ့။ချန်ရစ်သူနဲ့ ကျန်ရစ်လေသူ ကြားမှာ သေခြင်းတရားကြီးက သွင်သွင်ကြီး စီးခြားနေပြီလေ။လွတ်ကျသွားတဲ့ အသံက အခုမှ ပဲတင်ရိုက်နေတယ်။ဆရာဦးသုခတို့လို အမေဆိုပြီး တမ်းတမ်းတတ ရွတ်ဆိုရင်း အမေကဗျာတွေ ဖွဲ့ဆိုရတော့မယ်လေ။ငါသေရင်မငိုရဘူးနော် အမေရဲ့မှာတမ်းထဲကနေ မျက်ရည်တွေ သွင်သွင်စီးထွက်ခွင့်ပြုပါအမေ။ သားငိုချင်နေတယ်။တုန်ရီတဲ့ လက်တွေနဲ့ အမေကိုဖွဲ့ဆိုတဲ့ ကဗျာတွေ စပ်ဆိုခွင့်ပြုပါအမေ။

မဆုံးခင် ခြောက်လလောက်ကတည်းက အမေက ကျွန်တော်တို့နဲ့ မနေတော့ဘူး။ အဖေဆီခွင့်တောင်းပြီး အဖွားဆီပြန်နေတယ်။နောက်ပြီး အရင်ထဲက တရားထိုင်နေတဲ့ အမေ အဲနောက်ပိုင်း ပိုပြီး စိတ်လာတယ်။အကြာကြီး ထိုင်နေတယ်။ တရားဓမ္မသံတွေကြားထဲမှာပဲ အမေပျော်မွေ့တော့တယ်။ အသိတရားနဲ့ သူ့သားတွေကို ဥပက္ခာပြုနိုင်အောင် ကြိုးစားခဲ့တယ်။သူဖြေနေတဲ့ အဘိဓမ္မာ ပထမပိုင်းကိုလဲ ဝေဒနာတိုက်ပွဲတွေကြားကနေ ခဲရာခဲဆစ် အောင်မြင်အောင် တိုက်သွားနိုင်ခဲ့တယ်။ သားယုံကြည်ပါတယ်အမေ အမေ ကောင်းရာဘုံဘဝရောက်နေတယ်ဆိုတာကို။

အမေက ကျွန်တော့်ရင်တွင်းပြတိုက်ထဲက လမ်းပြကြယ်တစင်းပါ။ ကြွေသာကျသွားပေမယ့်လဲ အလင်းရောင်တန်းအဖြစ်နဲ့ ဆက်လက်လင်းနေဆဲပါလေ။


✽✽✽✽✽✽✽✽✽✽✽✽

ဝသုန်တည်တဲ့သစ္စာ

အမေ.....
နားရှိတဲ့နေရာကနေ ဒီအသံတွေ ကြားပါစေ။

ဝေးခဲ့တဲ့ရက်လက်ချိုးရေတွက်ကြည့်ရင်လေ တစ်ဆယ့်လေးနှစ်၊
လနဲ့ကြည့် တစ်ရာခြောက်ဆယ့်ရှစ်လ၊
ရက်နဲ့ဆို ငါးထောင်တစ်ရာ့တစ်ဆယ်ပါအမေ။
သက္ကရာဇ်တွေသာခြစားသွားပေမယ့်
အမေ့သားကတော့ မာကြောတဲ့ကျောက်သားတွေလိုပေါ့
ဒီဝသုန်ပေါ် မားမားရပ်လို့ ငေးနေတယ်အမေ။
အမေပေးခဲ့တဲ့ ဂမ္ဘီရအတတ်တွေနဲ့ပဲ
မှော်ဆန်တဲ့ဘဝတွေကို မျက်လှည့်ပြနေရတာပေါ့။
ဂမူးရှူးထိုးအသားကျနေတာ အခုတော့
လေနှင်ရာလွှင့်လို့မျောခဲ့ ကြိုးမဲ့တဲ့စွန်ဖြစ်နေပြီလေ။
အမေ့ရင်ငွေလှုံရင်း ကိုယ်သင်းနံလေးကိုပြန်ရှိုက်ချင်တဲ့
စိတ်ခမ်းကောင်လေ အခွံမဲ့နောင်တတွေနဲ့
အတိတ်တံဆွေးခွက်ထဲ ပလက်မျောနေလိုက်တာများ ဆုံချည်ဆန်ချည်ပေါ့။
အဖန်တရာမက ရင်နာလှတဲ့ လောကဒဏ်ဟာ
ဇာခြင်ထောင်ချသလို ရင်ခွင်ထဲ သွတ်သွင်းဖို့ ချော့မြူနေတယ်။
မြွေတစ်ကောင်လို အမြဲတမ်းခွေနေတဲ့ငါ
မှောက်လိုမှောက် လှန်လိုလှန် ကျင့်ရဖန်များတော့
သွေးသားတွေတောင် အရောင်ပြောင်းနေပြီလေ။
ဇာတာမှာ အကျိုးပေးကောင်းပေမယ့်
ရာဇဝင်မှာ အလောင်းလှဖို့တောင် အတော်ကြိုးစားရဦးမယ် အမေ။
အချင်းတွေများခဲ့ပေမယ့် အခုတော့
ထပ်တရာပလာတာလို ကျောခြင်းကပ်လို့သွားတာ
အမေ့ရဲ့ ရင်ခွင်မဲ့သားနှစ်ကောင်ပါအမေ။
အမိမဲ့သားရေဝေးငါးလို့ အားမငယ်တော့ပါလို့
ကိုယ့်ဘာသာအားတွေပေးနေတဲ့ ကိုယ့်ငါးချဉ်လိုချဉ်တဲ့အကောင်ပါအမေ။
ဘဝစာမျက်နှာတွေပေါ် သုညတွေကုဋေစီနေဖို့
တစ်ဆိုတဲ့အစအက္ခရာရှာရင်း မောပန်းလို့နေပေမယ့်
ဟန်ဆောင်လို့ ပြုံးရယ်နိုင်အောင် ကြိုးစားနေဆဲပါအမေ။
လောကကြီးဆိုတာ လုံးဝန်းနေတဲ့ သံသရာဆိုပေမယ့်
ဒေါင်ကျကျပြားကျကျ နေနိုင်အောင်တော့ခင်းကျင်းရမှာပဲလေ။
ငါ့စေတနာငါမရှိမှသိဆိုတဲ့ မေ့ဝမ်းတွင်းစကား
နံရံတွေကြားကလွှင်စင်လာတဲ့ ပဲ့တင်သံလိုအခုထိတောင်နာကြားဆဲပါ။
ပြုံး၍လည်းကန်တော့ခံတော်မူပါအမေ။
ရယ်၍လည်းကန်တော့်ခံတော်မူပါအမေ။
ဆိုးမိုက်တဲ့အမေ့ရဲ့သားဆန္ဒကို အခွင့်ရေးလေးပေးတောင့်တခွင့်ပြုပါ။
အုတ်ချင်းတူပေမယ့် ဘုရားတည်သောအုတ်လို့
မြင့်မြတ်တဲ့အမိဂုဏ်အင်ဟာ မိန်းမသားတွေကြားရေပန်းစားဆဲပါအမေ။
စကြာဝဠာကကောင်းချီးပေးတယ့် အမေ့အဘိဓမ္မာဟာ
ရှစ်သောင်းလေးထောင်အကျယ်ဆောင်လို့ ဖတ်မကုန်နိုင်ပါပဲလေ။
မှန်ကန်သောတရားတွေသာ တည်မြဲနေမယ်ဆို
ဖြူစင်တဲ့အမေ့မေတ္တာ ဘယ်လောက်ကောင်းကြောင်း
သားဥဒါန်းချီရွတ်ဆိုပြနေမယ် အမေ။
ငါသည်ဤသို့ အမေ့၏ဂုဏ်၊အမေ့မေတ္တာ၊အမေ့စေတနာ
ပြန်မှန်းမျှော်ရင်း အဖန်ငါးရာငါးကမ္ဘာဝယ်
ပြန်ကာတလဲတွေ့ချင်သေးတယ်
အမေ့အတွက်သားသစ္စာလေ
ကမ္ဘာမြေပံသု သိလာထုလဲ သက်သေအထူးရှိဆဲပါ။

ဒီပိုစ်လေးနဲ့ပဲ ၂၀၀၉ ခုနှစ်ကို နှုတ်ခွန်းဆက်သလိုက်ပါတယ်။လာမည့် ၂၀၁၀ မှာ သူငယ်ချင်းမိတ်ဆွေအပေါင်း ကျက်သရေ မင်္ဂလာအဖြာဖြာနဲ့ ပြည့်စုံ ပျော်ရွှင်ကြပါစေဗျာ။

ဓာတ်ပုံကို အမေဘလောခ့်မှ ကူးယူဖော်ပြပါသည်။
ဆက်လက်ကြိုးစားပါဦးမည်။

Friday, December 25, 2009

2009 ကို ဖြတ်သန်းခြင်း

2009 ဖြတ်သန်းခဲ့တာ ဘယ်လိုသိနိုင်သလဲ............

၁။ သင်ဟာ မိုက်ခရိုဝေ့ဖ်မီးဖိုမှာ ယောင်ပြီး password ရိုက်ထည့်နေမိမယ်။

၂။ ဖဲကို တကယ့်ဖဲချပ်နဲ့ မဆော့တာ နှစ်အတော်ကြာသွားပြီ။

၃။ မိသားစု သုံးယောက်ထဲတင် ဆက်သွယ်ဖို့ ဖုန်းနံပါတ် ၁၅ ခုရှိနေမယ်။

၎။ ခုံချင်းကပ်ရက် အလုပ်လုပ်နေသူကို ပြောစရာရှိနေရင်တောင် အီးမေးလ်ပို့တယ်။

၅။ ကားကို ဂိုဒေါင်ထဲထိုးရပ်ပြီး အိမ်ကလူတွေကို ဝယ်လာတဲ့ ပစ္စည်းလာသယ်ဖို့ မိုဘိုင်းနဲ့ လှမ်းခေါ်မယ်။

၆။ တီဗီက ကြော်ငြာတွေက ဝက်ဆိုဒ်လိပ်စာနဲ့ အွန်လိုင်းကပဲ ဈေးဝယ်နေလိမ့်မယ်။

၇။ သူငယ်ချင်းတွေ၊ အမျိုးတွေနဲ့ Face Book လို Virtual World တွေမှာပဲ လက်ခံတွေမယ်။


၈။ သင့်ရဲ့ လွန်ခဲ့သော ၁၀နှစ်၊ အနှစ် ၂၀ လောက်က သင်နဲ့ အတူမရှိခဲ့ဘူးတဲ့ ဟန်ဖုန်း အိမ်က အထွက်မှာ ပါမလာတာနဲ့ပဲ သင်ဟာ ထိတ်လှန့်သွားပြီး နောက်ပြန်လှည့် အမြန်ယူတော့တာပဲ။

၁၀။ အိပ်ယာကထတာနဲ့ ဘာမှ မစားနိုင်သေးပဲ အွန်လိုင်းတက်မယ်။

၁၁။ တဖက်လှည့်ပြီး စပြုံးတော့မယ်။

၁၂။ ဒါကို ဖတ်ပြီး ခေါင်းငြိမ့်ပြီး ပြုံးနေပြီ။

၁၃။ နောက်ပြီး သင်ဒီမက်ဆေ့ခ်ျကို ဘယ်သူတွေကို Forward လုပ်ရမလဲ စဉ်းစားနေပြီ။

၁၄။ အလုပ်များလွန်းလို့ ဒီစာမှာ နံပါတ် ကိုး မပါတာတောင် မသိလိုက်ဘူး။

၁၅။ အမယ်.....နံပါတ်ကိုး တကယ်မပါဘူးလားဆိုပြီး အပေါ်က စာကြောင်းကို ပြန်ဖတ်နေတယ်။

.........................အဲဒါကြောင့် ပြောပါတယ်။ သင် ၂၀၀၉ ထဲရောက်ခဲ့တယ်လို့။


ဘယ်ကနေ ဘယ်လို လူတစ်ယောက် ပိုလာတာလဲနော်????



ဆက်လက်ကြိုးစားပါဦးမည်။

Wednesday, December 23, 2009

ကျဆုံးခြင်း

ငါ့ခြေလှမ်းတို့ သွက်လက်နေတယ်။ငါချစ်နေတဲ့ သူ့ဆီကို စားစရာအချို့နဲ့အတူ အပြေးလှမ်းလာခဲ့တယ်။တို့နှစ်ဦး ရင်ခုန်မှုတွေ ဖလှယ်ရင်း ညနေစာအတူ စားဖို့လေ။



မထင်မှတ်တဲ့ မြင်ကွင်းတွေကြောင့် ရင်ထဲက သာယာကြည်နူးမှုလေးတွေ လွင့်စင် ပျောက်ကွယ်သွားတယ်။ငါချစ်နေတဲ့သူက အခြားသူရင်ငွေ့မှာ သာယာကြည်နူး နေလေရဲ့။ငါဒီမြင်ကွင်းကို ဘယ်လိုရင်ဆိုင်ရမှာလဲ၊ မြင်ရက်နိုင်မှာလဲ။ ရင်ထဲဆိုနစ်လာတဲ့ ငါ့ဝေဒနာ ဘယ်သူများသိနိုင်မှာပါလဲ။ဒီကမ္ဘာမှာ ငါရှင်သန်လျှက်နဲ့ပင် ကျဆုံးခဲ့ရပြီ။



တစိုက်မတ်မတ် ကြည်နူးမှုတွေနဲ့ ဆိုက်ရောက်လာတဲ့ ငါ့ကို တခြားသူရင်ခွင်ထဲက မင်းပုံရိပ်တွေနဲ့ စီချင်းထိုးလိုက်တာများ သေကောင်ပေါင်းလဲ မတတ်ပဲ။ ငါ့နယ်ရုပ်ကလေး မင်းက ဧကရာဇ်မင်းမှ ချစ်လို့ ဘုရင်မအဖြစ်နဲ့ ငါ့ကို စားသွားပြီကို။ အချစ်ကစားပွဲမှာ ငါ့နှလုံးသားတွေ အတုံးအရုံး ကျရှုံးခဲ့တာ မြေကြီးပေါ်ရပ်တည်နေတဲ့ ခြေလှမ်းတို့ ယိမ်းယိုင်ပြိုလဲ သွားမလားပဲ။



ကိုယ်ချစ်သူ တခြားရင်ခွင်မှာ နစ်ဝင်နေတဲ့ အမြင်အောက်က ငါလှည့်ထွက်လာမိတယ်။ ငါ့ကိုယ်ငါရှင်သန်လိုစိတ်လဲမရှိတော့ဘူးလေ။ဘာများထူးဦးမှာလဲ။ဟိုင်းဝေးလမ်းမကြီးပေါ် ငါ့ခြေလှမ်းတို့ ဦးတည် ပြေးလွှား။အားလုံးထားခဲ့ပစ်လိုက်ခဲ့ပြီ အချစ်လေး။သေချာတာ သိပ်ချစ်လို့၊ မခံနိုင်အောင် ရူးသွတ်လို့၊ လိုချင်တာ ရှုံးနိမ့်လို့ ငါအဝေးဆုံးကိုပြေး ......ပြေးသွားမိပြီ။



မျက်စိတွေမှိတ် မေ့ပျောက်ဖို့ ကြိုးစားလဲ ထင်လာခဲ့ မင်းတို့ပုံရိပ်တွေငါ့မျက်ဝန်းတွေထဲမှာ မိတ္တူပွားသလို ပွားများကုန်ပြီ။ဖျောက်ဖျက်နိုင်စွမ်းမဲ့ စုတ်ချက်ကြမ်းကြမ်းနဲ့ အတိတ်ပုံရိပ်တွေ မှေးမှိန်ပျောက်ကွယ်ဖို့ နည်းလမ်းတစ်ခုကတော့...............

ငါ့ခေါင်းကို ငုံ၊ ခြေအစုံမြှောက် အရှိန်အဟုန်ဖြင့် တလကြမ်း ဖြတ်သန်းမောင်းနှင် နေကြတဲ့ ဟိုင်းဝေးလမ်းပေါ်မှာ ကားတွေကြား အတင်းတိုးဝင် ဖြတ်ကူးခဲ့ပြီပေါ့။
မျက်စိကိုမှိတ် နောင်ဆက်ကူးမည့် ဘဝအသစ်ကိုတွေးရင်း ငါ့ထံသို့ ဦးတည်လာနေသော ကားတန်းဆီးသို ဦးလှည့်လိုက်မိတော့သည်။

✽✽✽✽✽✽






ဒီကားလေးကို ကြည့်ရင်း ခွေးလေးတစ်ကောင်ရဲ့ အဖြစ်ကလေးက သနားဖွယ်၊ ပြုံးရယ်ဖွယ် ရိုက်ကူးထားတဲ့ Bridgestone ကားဘီးကြော်ငြာလေးတစ်ခုပါ။ဒီအတိုင်း ဗီဒီယိုဖိုင်ကြီးပဲ တင်လိုက်တာထက် ခွေးကလေးရဲ့ နေရာဝင်ပြီး ခံစားကြည့်ရင်း စာဖွဲ့လိုက်တာပါ။မူရင်းဗီဒီယိုက www.kewego.com ကရတာပါ။

နောက်ထပ် Bridgestone ကြော်ငြာလေးတွေပါ။စိတ်ဝင်စားစရာ ကောင်းအောင် ရိုက်ကူးတတ်တဲ့ ဒါရိုက်တာတွေရဲ့ idea ကို ချီးကျူးမိပါတယ်ဗျာ။ဒီကားလေးတွေ ကြည့်ရင်း အားလုံးပဲ ပြုံးပျော်ရွှင်နိုင်ကြပါစေဗျာ။






ဆက်လက်ကြိုးစားပါဦးမည်။

Saturday, December 19, 2009

အတိုတကာ့ အတိုဆုံးမေတ္တာစာ


လွန်ခဲ့သောနှစ်ပေါင်းနှစ်ဆယ်ကျော်က ...
ကျွန်တော်မိန်းမရစ .. ၊ အဘိုးအဘွားများရွာသို့ ရောက်ခဲ့၏။

“လူလေး၊ အခု မင်းဘာလုပ်သလဲ”

“ကျွန်တော် ပန်းချီဆွဲတယ် အမေကြီး”

“လူလေး .. မင်း အိမ်ထောင်လည်းကျနေပြီ၊ ကိုယ်ဝါသနာပါရာချည်းပဲ လုပ်မနေနဲ့၊ အလုပ်လေးဘာလေး လုပ်ပါဦး”

အမေကြီး (အဘွား)သည် ဘုန်းကြီးကျောင်းမှာ စာနည်းနည်းသာ သင်ဖူး၏။ ခေတ်ပညာ မတတ်ပေ။
ကျွန်တော်ယဲ့ယဲ့ ပြုံးမိသည်။

✽✽✽✽✽✽✽✽✽✽✽✽✽✽✽✽✽✽✽✽✽✽✽✽✽✽✽✽✽✽✽✽✽✽

တစ်နေ့က ရွာမှလူကြုံနှင့် ဆန်တစ်တင်း အမေကြီးပို့လိုက်သည်။ ပဲတီပင်ပေါက် လက်ရေးနှင့် အမေကြီး၏ စာတစ်စောင်ကိုလည်း ကျွန်တော်ဖတ်ရ၏။

လူဂလေး
အမေဂျီးစဂါးကို နားမထောင်ဘဲ ဗဂျီဘဲ ရေးနေသီ၊
ခလေးလည်း ၄ရောက်ရပီ၊
အလုပ်လေးဘာလေးလဲ လုပ်အုံး။
အမေဂျီး

ကျွန်တော်နည်းနည်းမှ မပြုံးနိုင်။

ပန်းချီဝသုန်ရဲ့ ၀တ္တုတို
(၁၉၉၀ ခုနှစ်၊ မေလ၊ မဟေသီမဂ္ဂဇင်း)


"အစားထိုးမရသော မြန်မာ ပန်းချီကျော် ဝသုန် ကောင်းရာသုဂတိ လားပါစေ ………"

A Sketch of WaThone 1



A Sketch of WaThone 2



သူ့ အကြောင်းကို ရိုက်ကူးထားသော မှတ်တမ်းတင် ဗီဒီယိုအားအမေရိကန်ပြည်ထောင်စု၊ ဝါရှင်တန်ဒီစီ အခြေစိုက် National Geographic အဖွဲ့မှ အောက်တိုဘာလ (၃) နေ့တွင် ဆုချီးမြှင့်ခဲ့သော (၅) ကြိမ်မြောက် ရုပ်ရှင်ပွဲတော်၌ မျိုးဆက်သစ် လူငယ်ဒါရိုက်တာ ကြည်ဖြူသျှင် ဒုတိယအကြိမ် မှတ်တမ်းတင် ရုပ်ရှင်ရိုက်ကူးခဲ့သော A Sketch of Wathone သည် ပန်းချီ ဝသုန်၏ အနုပညာ၊ သူ့ဘဝ နှင့် မိသားစု အကြောင်းကို ရိုက်ကူးခဲ့သော ဆရာဝသုန့် အကြောင်း မှတ်တမ်းရုပ်ရှင်ဖြစ်သည်။


"A Sketch of Wathone" profiles Wathone, one of Myanmar's best known painters, as he shares his thoughts on life, art and family. The film is Kyi Phyu Shin's second documentary completed through the Yangon Film School. "A Sketch of Wathone" made its U.S. debut at All Roads in Los Angeles and Washington and will also be screened in Santa Fe.

ကျွန်တော်က ဆရာဝသုန်ရဲ့ဝတ္ထုတိုလေးကို သဘောကျလို့ ဝေမျှတာပါ။သူ့အကြောင်း အသေးစိတ်ကို အနုပညာသက်သေဘလောခ်မှာ လေ့လာနိုင်ပါသည်။

Tuesday, December 8, 2009

နေဝင်ချိန် ဇရာအို၏စိတ်ကူး


အချစ်
စတင်ပေါက်ဖွားရာမှသည် ခိုင်မာသော သစ္စာဖြင့် ယှက်နွယ်ရင်း တွဲလက်တွေခိုင်မြဲဖို့ဆိုတာ အလွန်တရာမှ ခက်ခဲပါသည်။အကြောင်းအရင်း မယ်မယ်ရရမရှိဘဲ စိတ်သဘောထား ကွဲလွဲသွားကြတဲ့ အတွဲတွေ ကမ္ဘာမြေမှာ ထုနဲ့ထေး။ ကွယ်ဝှက်နေတဲ့ သံယောဇဉ်အမျှင်ကြောင့် ရတုအဆက်ဆက် ဖြတ်သန်းလာခဲ့ကြတဲ့ နေဝင်ခါနီး ဇရာအိုမောင်နှံတွေကလည်း သိန်းနဲ့သန်း။အိုမင်းမှုရဲ့ နောက်ဆက်တွဲရလာဒ်က ဇရာအိုရဲ့ သူငယ်ပြန်စိတ်ကူးလေးတွေပါ။

✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦

ဒီဇင်ဘာ ဆောင်းတွင်းရက်စွဲ အချို့မှာပေါ့။ နှင်းမှုန်တွေ ပြေးကပ်လာတဲ့ ပြတင်းပေါက်မှ အပြင်သို့ ငေးရင်း သိုးဆောင်းဘိုးဘိုးတစ်ယောက် မနက်ဖြန် မင်္ဂလာသက် နှစ်ငါးဆယ် ရွှေရတုကို တွေးရင်း ပျော်နေမိသည်။ထိုလာမည့်နေ့သည် သူအတွက် ပျော်စရာလဲ ကောင်းနိုင်သည်။ရင်ခုန်စရာလဲ ဖြစ်နိုင်သည်။ကြည်နူးစရာလဲ ဖြစ်တန်ချေရှိသည်။ စိတ်ပျက်ညီးငွေ့ဖွယ် မရှိမှာတော့ အမှန်ပေ။

နှစ်တို့၏ သဘောသည် တရွေ့ရွေ့ကုန်ဆုံး လွင့်ပါးလာသလို သိုးဆောင်းဘိုးဘိုး၏
အသက်လဲ တစ်ဖြေးဖြေး ယိုင်နဲ့လာသည်။အသက် ခုနှစ်ဆယ်တန်း သိုးဆောင်းဘိုးဘိုးအတွက် အရာရာသည် အားအင်ချည့်နဲ့လာသည်။သို့ပေမယ်
မနက်ဖြန်ကား ဘိုးဘိုးအတွက် ငယ်မူပြန် အောက်မေ့ဖွယ်ရာ ငယ်ဘဝအရိပ်တွေ
ထင်ဟပ်စေလာနိုင်သည်။

သားသမီးတွေ အတောင်စုံ၍ သီးခြားခွဲထွက်ကာ နေရစ်ခဲ့သူ သူ့အတွက် ထိုအချင်းအရာသည် နှမြောစရာ နတ္ထိ။ လွမ်းဆွတ်မှု ဗလာအတိပေမယ့် ရွှေရတုကို
သိုးဆောင်းဘွားဘွားနှင့် ပျော်ရွှင်စွာ မဖြတ်သန်းရမှာကိုတော့ စိုးရိမ်မိသည်။
ကျန်ရစ်ခဲ့ကြသော သက်ငယ်အနမ်းများနုနုရွရွ မေတ္တာစကားများမဟောင်းနွမ်းသော အကြင်နာများပျိုမြစ်တဲ့ ဂရုဏာများကို စမြုံပြန်နေသည်။

သိုးဆောင်းဘိုးဘိုးက အရင်နှစ်ဟောင်းက ကျင်းပခဲ့သော မင်္ဂလာရက်တွေနဲ့မတူသော အသွင်ဆန်းမည့် ရွှေရတုကို နေဝင်တော့မည့် ဇရာအို သူတို့မောင်နှံအတွက် အလွမ်းတွေကျန်ရစ်အောင် ဖြတ်သန်းချင်မိသည်။ သူတို့နှစ်ဦးရဲ့ ရည်းစားဦးကာလ ရင်ခုန်ခဲ့ရာ ပန်းခြံထဲမှ ခုံတန်းလေးမှာ ဖြတ်သန်းချင်မိသည်။

ဒီနှစ်ဆောင်းသည် ခါတိုင်းဆောင်းများနှင့် ကွဲလွဲစွာ နှင်းထူထပ်မှုမရှိခြင်းက သူ့အတွက် ဘုရားသခင်ပေးသော ရွှေရတုလက်ဆောင် ဖြစ်လေသည်။ ဒီရွှေရတုကိုလဲ ပုံမှန်သားသမီးတွေကို လှမ်းဖိတ်နေကြ။သူတို့တွေကပဲ သိုးဆောင်းဘိုးဘွား မောင်နှံအတွက် နှစ်စဉ် မင်္ဂလာနှစ်ပတ်လည်ပွဲများ ဖန်တီးကာလက်ဆောင်ပေးနေကြ ဖြစ်သော်လည်း ထိုအစဉ်အလာကို သိုးဆောင်းဘိုးဘိုး ညီးငွေ့လာသည်။

✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦

" အချစ်ရေ၊ မနက်ဖြန် မင်းနဲ့တို့ ငယ်ငယ်က တွေ့နေကြ ခုံတန်းလေးမှာ တွေ့ရင်း တို့ရွှေရတုကို အမှတ်တရ ဖြတ်သန်းရအောင်ကွာ။အဲဒီမှာ နေခင်းတွေ့ပြီး ညမှ ညစာစားပွဲ လုပ်ကြတာပေါ့။ငါလဲ ငယ်ငယ်ကလို အဝတ်သစ်တွေဝတ်ပြီး စောင့်နေမယ်။ မင်းလဲ ငယ်ငယ်ကလို ပြင်ဆင်ပြီး လာခဲ့လေ။"

"ဒါဆို ကျမက ရှင်နဲ့စတွေခါစ ၁၆နှစ်သမီးတုန်းကလို ပြင်လာရမှာပေါ့။ဟုတ်လား။"

✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦

ရွေရတုနေ့ရောက်တော့ သိုးဆောင်းဘိုးဘိုးက သူစီစဉ်ထားတဲ့ အတိုင်း ၁၆နှစ်သားတုန်းကလို ရှိုးစမိုးနှင့် ပြင်ဆင်ပြီး သက္ကလတ်အနွေးထည်ကြီးခြုံကာ
ပန်းခြံထဲသို့ နေ့လည်လောက်မှာ ထွက်လာခဲ့တယ်။ဘွားဘွားကတော့ မိန်းမသဘာဝ
ငယ်ငယ်ကလို ပြင်ဆင်နေရဦးမှာဆိုတော့ နောက်မှ လိုက်လာလိမ့်မည်။ပန်းခြံထဲက ခုံတန်းလေးမှာ ထိုင်ရင်း ရည်းစားဦးဘဝ စတွေ့ခဲ့ကြစဉ်က ပေးနေကြ ပန်းစည်းလေးကို လက်ထဲကိုင်ကာ စိတ်ရှည်စွာ ဘွားဘွားကို မျှော်နေမိသည်။

ဤနေရာလေးမှာပဲ သူတို့ အကြင်နာတွေ ဝေမျှခဲ့သည်။ဘဝမှာ လက်တွဲပြီး အရာရာကို ရင်ဆိုင်ဖို့ သန္ဓိဌာန်တွေချခဲ့ကြသည်။သူတို့ဘဝရဲ့ တစိတ်တဒေသ ဒီနေရာလေးကို ပြန်လည်ရောက်လာပြန်တော့ ကုန်လွန်သွားတဲ့ အိမ်မက်တွေ ရှင်သန်လာသလိုပင် ခံစားရသည်။နေ့အလင်းရောင်တို့ ကုန်ဆုံးစပြုလာသော်လဲ သိုးဆောင်းဘွားဘွား မရောက်လာခဲ့ပေ။ရွှေရတုကာလလည်း တဖြေးဖြေး ကုန်ဆုံးလာခါနီး၍ သိုးဆောင်းဘိုးဘိုးလဲ သို့လောသို့လော အတွေးများဖြင့် အိမ်သို့ပြန်လာခဲ့သည်။

✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦

သိုးဆောင်းဘိုးဘိုး အိမ်ရှေ့အရောက်တွင် အိမ်အဝမှာ ငယ်စဉ် ၁၆နှစ်သမီးတုန်းကလို ပြင်ဆင်ထိုင်စောင့်နေသည့် ဘွားဘွားကိုတွေ့တော့

"မင်း ဘာလို့ ချိန်းထားတဲ့နေရာကို ရောက်မလာတာလဲ။"

ဘွားဘွားက နှုတ်ခမ်းနီရဲရဲများ ဆိုးထားသော နှုတ်ခမ်းစူစူဖြင့် ငယ်တုန်းကလို
ချွဲနွဲ့ပြောလိုက်သည်။

"မေမေဆူမှာ စိုးလို့ပါ ကိုကို။"

✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦

✍ ဖတ်ခဲ့ဘူးတဲ့ အင်္ဂလိပ်ဟာသလေးကို အခြေပြုရင်း ကွယ်လွန်သွားခဲ့ကြတဲ့ ကျွန်တော့် ဘိုးဘိုးနဲ့ ဘွားဘွားတို့ရဲ့ မဖြတ်သန်းနိုင်ခဲ့ရတဲ့ သူတို့ရဲ့ ရွှေရတုလေးကို အမှတ်ရစွာဖြင့် ရေးချယ်သီကုံးလိုက်ပါတယ်။လွမ်းဆွေးမှုတို့ကို ပြုံးပျော်ရယ်မောခြင်းဖြင့် အဆုံးသတ်နိုင်ကြပါစေ။

ဆက်လက်ကြိုးစားပါဦးမည်။

Monday, December 7, 2009

အိမ်


အိမ် - ဓီရာမိုရ်

အိမ်( ဓီရာမိုရ် )

ကမ္ဘာမြေမှာ ခိုလှုံရာ ခေါ်ဆိုတဲ့ အိမ်
ရံရွေတော် ထပ်ဝါစွာ ဆင်စွယ်နန်းအိမ်
ကျူထရံတွေ ကာရံကာ ဓနိမိုးအိမ်
နှလုံးသားတွေ နွေးထွေးရင် ဒါဟာလည်းအိမ်

အိမ်တစ်အိမ်မှာ မှီတည်ရာ ဘာသာတရားတွေ
ကမ္ဘာမြေမှာ ဖြူစင်စွာ အကြင်နာများဝေ....
ပိုင်ဆိုင်ရာ တွယ်တာရာ ဒီရင်သွေးတွေ
ဆည်းလည်းသံ လှိုက်ခတ်စေ ဒီချစ်ခြင်းတွေ...

♪♫♪ ကလေးလေးတွေ နွေးထွေးဖို့ လေ
ကမ္ဘာမြေမှာ အိမ်တစ်အိမ်တည်ဆောက်ကြမယ်လေ...
♪♫♪ မြင့်မြတ်ခြင်းတွေ ငြိမ်းအေးခြင်းတွေ
ကမ္ဘာမြေမှာ ညင်သာစွာ စီးဆင်းဖို့ လေ...

အိမ်အပြင်မှာ ဝါပင်တွေ ကိုယ်တိုင်စိုက်မယ်
ကိုယ်တိုင်ငင် ဝါချည်မျှင် ဖျင်တဘက်ရယ်..
အိမ်အပြင်မှာ ကိုယ်တိုင်ထွန် ကိုယ်တိုင်စိုက်တဲ့
စပါးရိတ်ချိန် ၀ိုင်းဖွဲ့ မယ် ဆန်အရက်ရယ်...

ဒီအချိန်ဆို အိမ်အပြင်မှာ ကဗျာတွေ ရွတ်မယ်
လာပါကွယ် အိမ်အပြင်မှာ ဂစ်တာတီးမယ်
ရင်ခွင်မှာ ကြင်နာသူချိုအနမ်းရယ်
ချစ်မိတ်ဆွေ စည်းချက်ညီ အတူတူကမယ်

♪♫♪ ကလေးလေးတွေ နွေးထွေးဖို့ လေ
ကမ္ဘာမြေမှာ အိမ်တစ်အိမ် ဆောက်ကြမယ်လေ...
♪♫♪ မြင့်မြတ်ခြင်းတွေ ငြိမ်းအေးခြင်းတွေ
ကမ္ဘာမြေမှာ ညင်သာစွာ စီးဆင်းဖို့ လေ....

ရင်ခွင်မှာ ရှင်သန်ရာ မှီခိုရာ အိမ်တစ်အိမ်ကို
ကမ္ဘာမြေမှာ တည်ဆောက်ကြမယ်...
အဆောင်အယောင်တွေ မဆင်ရင်စေ ရင်ခွင်အိမ်ပျော်ရွှင်ပါစေ
ဒဏ္ဏာရီရာဇ၀င်လို ၀ိညာဉ်အိမ် စိန်စီရာ ရတနာခြယ် သိင်္ဂါရီအိမ်.....

တစ္တေတစ်ကောင် ဟန်ဆောင်သလို မာယာကင်းမဲ့
မနာလိုတဲ့ မစ္ဆရိယ ချည်နှောင်မှုမဲ့
ကံစီရင် ယုံကြည်စွာ ကမ္ဘာမြေမှာ
တို့ အိမ် ငါတို့ အိမ်
ရဲရင့်လိုက် ချစ်တဲ့ အိမ် တို့ ဆောက်ကြမယ်...

♪♫♪ ကလေးလေးတွေ နွေးထွေးဖို့ လေ
ကမ္ဘာမြေမှာ အိမ်တစ်အိမ်ကိုဆောက်ကြမယ်လေ...
♪♫♪ မြင့်မြတ်ခြင်းတွေ နွေးထွေးခြင်းတွေ
ကမ္ဘာမြေမှာ ညင်သာစွာ စီးဆင်းဖို့ လေ...

................... ♪♬♩♫ ...................

ငါတို့အိမ် - ဓီရာမိုရ်
တေးရေး - အရိုး

ငါတို့အိမ်(ဓီရာမိုရ်)

အိမ်ခေါင်မိုးက မိုးမလုံလည်း … ငါတို့လုံးဝ စိတ်မကုန်ပါ …
ရေခံခွက်အောက် မိုးစက်တပေါက်ပေါက် ကျသံဟာ … တွံတေးကြီး တေးသံလား …
အမေဆင်မြန်းတဲ့ နန်းဆောင်အို ကိုရွှေသကြားမင်း ဗိမ္မာန်မို့ …
စင်တင်ဇာတ်ထုတ်ထဲက အကောင်းစားတိုက်အိမ် … တစ်လုံးနဲ့ မလဲပါဗျို့ …
ရွှေမြေအိုးမည်း နှုတ်ခမ်းရယ်တို … ဆာနေကြတဲ့ ၀မ်းတွေစို …
အခုရထားတဲ့ လောကစည်းစိမ် … နတ်ပြည်နဲ့ မလဲဘူး …

♫ အမေ ကောက်ညှင်းဆန် လက်တစ်ဆုပ်ပေါင်း နှမ်းထောင်းရင် …
နတ်ပေးတဲ့ သြသဓဆေး
အတိတ် အနာဂတ်နဲ့ ပစ္စုပ္ပန်မှာ …တို့ အိမ်က မခွဲကြေး …
ပညာမတတ် ဉာဏ်နည်းတဲ့ ဆင်းရဲသားတွေလို့
ကောင်းချီးသြဘာပေးစိတ်မဆင်းရဲဘူးဟေ့ တို့အိမ်
တစ်ခေါက်လောက် မင်းလာကြည့်တော့ … သူငယ်ချင်း …

မဟာဂေါဏ ဘို့လည်ထောင် … စူဠဂေါဏ နောက်အငယ်ကောင် …
အတူတစ်ကျင်းထဲစားတဲ့ တို့ရဲ့နွားနှစ်ကောင် … အမေ့ရဲ့ သားတော်မောင် …
မဟာအန္ဓအစ်ကို့နာမည် … စူဠအန္ဓ ကျွန်တော့်နာမည် …
အနှိမ်ခံ တောသားကျောမွဲ ဦးနှောက်နည်းလည်း … အမေ့ရဲ့ အားတွေပဲ …
ညီမလေးက နှီးထိုင်ဖြာ … အဘက ဆေးတစ်ဆုံဖွာ …
မှောင်ရီလရိပ်အောက်က တိတ်တဆိတ်ညတွေမှာ …
အမေ့ရဲ့ တရားသံနာ …
လူဟာဘယ်လောက်ထိ အသက်ရှင်လဲ
ဘယ်လောက်အများဆုံး ရနိုင်လဲ အခုရထားတဲ့ လောကစည်းစိမ်တွေ
ဘယ်လောက် ကြာကြာ မြဲမလဲ

လူဟာ လောဘတရားနဲ့ ငရဲလမ်းသွားတဲ့ … ဒုက္ခယက်ကောင်များ …
အတိတ် အနာဂတ်နဲ့ ပစ္စုပ္ပန်မှာ … တင်းတိမ်ရောင့်ရဲကြ …
ပညာမတတ် ဉာဏ်နည်းတဲ့ ဆင်းရဲသားတွေလို့ …
နှာခေါင်းရှုံ့ လက်ခံမလား … စိတ်မဆင်းရဲဘူးဟေ့ တို့အိမ် …
တစ်ခေါက်လောက် မင်းလာကြည့်တော့ သူငယ်ချင်း …

................... ♪♬♩♫ ...................

ကျွန်တော် ဒီသီချင်းလေးတွေ နားထောင်ပြီး အရမ်းကို အိမ်ကိုလွမ်းသွားတယ်ဗျာ။ သီချင်းစာသားလေးတွေပါ နားဆင်ရင်း ဖတ်လို့ရအောင်ထည့်ပေးထားပါတယ်။ အိမ်သီချင်းတွေ နားဆင်ကြသူအပေါင်း သာယာကြည်နူးဖွယ် အိမ်လေးတွေနဲ့ တွေ့နိုင်ပါစေဗျာ။

ဆက်လက်ကြိုးစားပါဦးမည်။


Friday, December 4, 2009

Sunday, November 29, 2009

☣ နှစ်ချို့ဘလက်ကော်ဖီ ☣

 Image Hosting

နှစ်ချို့ဘလက်ကော်ဖီ

နွေနှင်းပန်းတို့ ပွင့်လန်းချိန်တွင် လသည် သာယာသော သဘောရှိသည်။ ငြိမ်သက်တိတ်ဆိတ်မှုထဲမှ ရထားဥသြသံအချို့ သဲ့သဲ့ညှင်းညှင်းကြားရသည်။ အဆူညံဆုံးအသံကား နာရီလက်တန်၏ လှုပ်ခါချက်ဖြစ်သည်။အိမ်မြောင်စုပ်ထိုးသံကိုလည်း ရံဖန်ရံခါ ကြားရသည်။ ခွေးအူသံအချို့ နှင့် ကားဘီးပွတ်သံအချို့လဲ ထိုညတွင် မှော်ဝင်စားလေသည်။ခပ်ဝေးဝေးမှ ညှင်းသဲ့တိုက်ခတ်လာသောလေ၏ အေးစက်မှုသည် ညကိုအသက်ဝင်စေသည်။ ပိုးစိမ်းကောင်လေးများ လမ်းမီးရောင် မှိန်မှိန်အောက်တွင် အတုံးအရုံးတိုက်ပွဲကျနေကြသည်။ အသက်ရှုသံအချို့ လဲပြိုချိန်မှာ ဟောက်သံအချို့က ကြားကားဆွဲသည်။အိပ်စက်မည်ဟု မှိန်းရုံကြံနေသော မျက်စိအစုံက နောင်လာမည့်အာရုဏ်ကိုပဲ မျှော်နေသည်။အချိန်သည် ရွှေလျားနေသော်လည်း ကြာသည်ဟု ထင်ရသည်။ဆောင်းကူးနေသောကြောင့် သန်းခေါင်ညနက်မှု ရှည်သည်။အိပ်မပျော်သော ညတစ်ည သံသယာလည်ဆိုသောသီချင်းလဲ မဆိုချင်တော့ပြီ။

အိုက်
စပ်ပူလောင်မှုကို ရေခဲရေဖြင့် မြောချလို့လဲမရ။ဗိုက်ထဲမှာလဲ တဂွီဂွိဖြင့် စစ်ပွဲတွေဖြစ်နေသည်။ ငြိမ်းချမ်းရေးယူဖို့ ညစာကျန်နေတဲ့ ထမင်းကြမ်းခဲကို ကြက်ဥကြော်ဖြင့် ပေါင်းရမည်။ကြက်ဥကို ညနေဈေးမှမဝယ်မိခဲ့။ဆီကြည့်ပြန်တော့လည်း တစက်နှစ်စက်သာသာ။ ဂစ်မီးဖိုကိုဖွင့်လိုက်တော့လည်း မီးတရှဲရှဲဖြင့် ဘာတည်ရမှန်းမသိ။ကယောင်ကတမ်းဖြင့် ရေနွေးကောက်တည်လိုက်သည်။လက်နှစ်လုံးလောက်ရေက အဆူတော့မြန်သည်။ကော်ဖီပဲ မော့တော့မည်ဟုကြံပြီး ကော်ဖီမှုန့်ထည့်တော့ ပုလင်းဝကခုန်ဆင်းလာတာ တမှုန်နှစ်မှုန်။ပုလင်းကိုထောင်ပြီး နှုတ်ခမ်းဝကငေးလိုက်တော့ ဗလာနတ္ထိ။ဆူနေတဲ့ရေနွေးကို အားနာလို့ ကော်ဖီပုလင်းထဲ ရေနွေးသွန်ပြီး ကျင်းလိုက်သည်။ရေနွေးကို ကော်ဖီရောင်လေးဆိုးပြီး သကြားပုလင်းလှမ်းကြည့်ပြန်တော့။ပုရွက်ဆိတ်တွေက သကြားတစ်မှုန်ဆီ သူတို့တွင်းထဲ သယ်သွားကြသည်။သကြားမပါတော့လည်း ဆီးချိုကင်းစင်တယ်ပေါ့။ဒီအတိုင်းပဲ ဘလက်စစ်စစ် မော့ချလိုက်သည်။ "ဂလု"။ဝင်ပြီးသား ကော်ဖီရောင်ရေနွေးတွေ ပြန်ခုန်ထွက်လာသည်။အရသာမဲ့ နှစ်ချို့ကော်ဖီစစ်စစ်တခွက်ပါလား။


ဆက်လက်ကြိုးစားပါဦးမည်။





Thursday, November 26, 2009

Believe

ယုံကြည်ချက်

ပိန်းပိတ်နေတဲ့ အမှောင်ထုထဲ
ငိုချင်းချသံတွေ တွေ့တယ်

ကခုန်ယိမ်းထိုးလိုက်ရတာများ
(တကိုယ်လုံး)
ရစရာမရှိအောင် မည်းညစ်လို့

ပုံသေနည်းတွေ ငြီးငွေ့ပြီး
ဘူတာအိုထဲက ပြေးထွက်ချင်သူပါ

ကိုယ့်လိပ်ပြာလုံဖို့
ရှေ့ရှုရင်း
မရွေ့တဲ့အကြည့်တချက်နဲ့
ပျံသန်းဖို့
တွေ....ဝေ.......
မျော.......လွင့်.......လွင့်

လင်းသင်


မှတ်ချက်။ ။၂၀၀၄ အာရုံ.......




Tuesday, November 24, 2009

Happy Birthday Ma Ngone

ပျော်ရွှင်ဖွယ်ကောင်းသော နေ့ရက်ကလေးတစ်ရက်ပေါ့။ဒဒွေးဘော်ဒါ မငုံ (ကန္တာရမိုးစက်များ)ရဲ့ မွေးနေ့လေ။


လာရောက်ကြသူတွေကတော့ မနှင်း(နှင်းနဲ့မယာ)၊ ညီမလေး ကောင်းကင်(ကောင်းကင်ရဲ့သမီးပျို)၊ ညီမဇော်(ကျွန်တော်တို့အိမ်)၊ အဝေးရောက် ညီမလေး DIM (ဖြူစင်ကြယ် Angle Shaper)၊ အဘူဒါဘီက အမရာ(အမရာ)၊ ကိုကြီးပီတာ(ကိုပီတာရဲ့အတွေးပုံရိပ်)၊ ကိုဟန်(Dream of My Father)၊ ကိုဖြိုး (လင်းကြယ်ဖြူ)၊ ညီလေးဝေယံ(ဟင်းချက်ခြင်းအနုပညာ)၊ ညီလေးဗျတ်ဇ (ပန်းပွင့်နဲ့ယက်တဲ့ အိပ်မက်)၊ ဘလောခ့်မရေးပေမယ့် ဘလောခ့်အလည်ဆုံး ကျွန်တော်တို့ချစ်စနိုးခေါ်ကြသော ဘကြီမိုး (ကိုမိုးဇော်လွင်)၊ ဘကြီးသာယာ(ကိုကျော်သာယာမြင့်)၊ နှင့် ကျွန်တော် ချမ်းလင်းနေ တို့ ဒဒွေးမောင်နှမတွေ ဆုံညီစွာ အချိန်တိတိကျကျကြီးကို တက်ရောက် အားပေးကြပါတယ်ဗျာ။အလည်လာဖို့ဖိတ်ထားတဲ့ ကမ္ဘာအရပ်ရပ်မှ မြန်မာဘလောခ့်ဂါ မောင်နှမညီအကို မိတ်ဆွေများ စုံစုံလင်လင်ဖြင် ခင်မင်စရာကောင်းသော မငုံရဲ့ မွေးနေ့လေးကို တက်ရောက်ကြပါတယ်။ အတီးအမှုတ်တူရိယာ စုံလင်စွာ နဲ့ ဒဒွေးအဆိုကျော် Shania Dim (Shania Twain ရဲ့ အဖေမတူ အမေကွဲ ညီမလေး Angle Shaper) က သီဆိုဖျော်ဖြေပါတယ်။



မွေးနေ့ကိတ်မုန့်ကလည်း ကခုန်မြူးတူးစွာ လာရောက်ကြသူများကို ကြိုဆိုနေပါတယ်။



မငုံအတွက် မွေးနေ့လက်ဆောင်ပါ။ ပြန်သွားမှ ဖွင့်ကြည့်နော် မငုံရေ။



ကြွက်ဖြူလေးကလည်း သူတပိုင်တနိုင် ရောက်လာပါတယ်။



ဘဝလမ်းခရီးမှာ ရွှေထီးမဆောင်းရသေးဘူးဆိုလို့ မငုံဆောင်းရအောင် ရွှေထီးလက်ဆောင်ပါ။



ရွှေရောင်ထီးလှလှလေးနဲ့ မငုံ ပါ။



ကြွရောက်လာကြတဲ့ မိတ်ဆွေသင်္ဂဟအပေါင်းများလွန်းလို့ မွေးနေ့ကိတ်မလောက်ရင် အပိုဆောင်ထားတာ အားမနာတမ်းစားကြနော်။ခင်မင်စရာရှမ်းတိုင်းရင်းသူလေး မငုံရဲ့နိုဝင်ဘာ ၂၄နေ့ မွေးရက်မှသည် နောင်နှစ်ပေါင်းရာချီသည့်တိုင် ရွှေထီးဆောင်းနိုင်သူလေး ဖြစ်ပါစေဗျာ။







ချမ်းလင်းနေ

Thursday, November 19, 2009

နံနက်ခင်းကို လှစေခြင်း




နံနက်မိုးသောက်
အလင်းရောက်တဲ့အခါ
ဂုဏ်တော်တရားနဲ့
မေတ္တာပွားပြီး
တောင်းဆုချွေပြု
ပတ္တိဒါန ဝေစုချလိုက်မယ်
ဆိုရင်.......
နံနက်ခင်းကို လှစေခြင်းပါပဲ။

ကောင်းသော နံနက်ခင်းပါခင်ဗျာ။ မင်္ဂလာနံနက်ခင်းပါ။ Good Morning ဆိုတဲ့ စကားလုံးလှလှ စကားလေးတစ်ခွန်းဟာ ကြီးငယ်အလတ် လူသားတို့နှုတ်ဖျားဝယ် ရေပန်းစားအသုံးများ၍ ခေတ်စားနေသော စကားတစ်ခွန်းဖြစ်နေပါသည်။

ကောင်းသောနံနက်ခင်းဆိုသည်မှာ "အဘယ်နည်း" ဟုမေးခွန်းတစ်ခု မှတ်တမ်းပြုစရာရှိပေသည်။ ထိုမေးခွန်းကို စာဖတ်သူတို့ ကိုယ်တိုင်ဆုံးဖြတ် သုံးသပ်ကြရန် စာရေးသူက တင်ပြလိုပါသည်။

စာရေးသူတို့ သာသနာ့အလုပ် အားထုတ်ကြရာ ဆဋ္ဌသင်္ဂီတိပုစ္ဆာက၊ အဂ္ဂမဟာပဏ္ဍိတ နိုင်ငံတော် သြဝါဒစရိယ ကမ္ဘာ့ သာသနာပြု ကျေးဇူးတော်ရှင် မဟာစည်ဆရာတော်ကြီး သီတင်းသုံးစံပျော် သာသနာပြုတော်မူခဲ့သည့် "မဟာစည်သာသနာ့ ရိပ်သာဋ္ဌာနချုပ်"၌ ရဟန်းအမျိုးသား၊ အမျိုးသမီး သီလရှင် ယောဂီအားလုံး တို့သည် နံနက်သုံးနာရီတိတိ အိပ်ရာမှ ထကြရသည်။လေးနာရီအရောက် မိမိတို့ဆိုင်ရာ ဓမ္မာရုံကို သွားကြရသည်။

ရဟန်းယောဂီနှင့် အမျိုးသားယောဂီများသည် စံကျောင်းတော်အောက်ထပ်၊သီလရှင်နှင့် အမျိုးသမီးယောဂီများက ဖလ်ယဉ်ဓမ္မာရုံသို့ အရောက်သွား၍ လေးနာရီမှ ငါးနာရီအထိ တရားရှုမှတ်ကြရပေသည်။အရုဏ်ဦးမို့ တိတ်ဆိတ်ငြိမ်သက်ပြီး သာယာကြည်နူးဖွယ် အချိန်ကလေးဝယ် နှစ်ရာကျော်မျှသော ယောဂီသူတော်စဉ်တို့၏ တရားထိုင်အပြီးမှာ ကြားရသူတို့ စိတ်နှလုံးကို ကြည်နူးရွှင်ပြုံးစေနိုင်သည့် အသံသာသာတစ်ခု ညီညီညာညာ ပေါ်ထွက်ခဲ့လေပြီ။ ထိုအသံသည် ကိလေသာကင်း ကောင်းသောရနံသင်းသည့် ဓမ္မသံ ဖြစ်ပါသည်။

နံနက်ခင်းကာလမို့ အေးမြလှတဲ့ လေပြေလေညှင်းလေတွေကို ရှုရှိုက်ရတာဟာလည်း စိတ်ရောကိုယ်ပါ လန်းဆန်းမှုကိုရရှိနေပါသည်။တိတ်ဆိတ်ငြိမ်သက်မှုကို နှစ်ရာကျော်သော ယောဂီတို့ရဲ့ ဓမ္မသံစဉ်တို့က မဟာစည်သာသနာ့ရိပ်သာကြီးမှသည် သတ္တလောကကြီးဆီသို့ အရုဏ်ဦးမှသည် နံနက်ခင်းဆီသို့ အလှတရားများဖြင့် ကျက်သရေ မင်္ဂလာအပေါင်း ခညောင်းလို့
လှပစေပါသည်။ရှေးဦးစွာထွက်ပေါ်လာသော ဓမ္မသံစဉ်သည်ကား မြတ်ဗုဒ္ဓ၏ ဂုဏ်တော်တွေကို အာရုံမှာပုံဖော်၍ ရှိခိုးခြင်းဟူသော မဟာစည်ဆရာတော်ဘုရားစီစဉ်သည့် ရည်ရွယ်ချက်ပြည့်စုံသော

"သြကာသ၊ သြကာသ၊ သြကာသ၊ ကာယကံ ဝစီကံ မနောကံတည်းဟူသော အပြစ်ခပ်သိမ်း ပပျောက်ငြိမ်း၍ အသက်ရှည်စွာ အနာမဲ့ရေး ရန်ဘေးကင်းကြောင်းကောင်းမှုမင်္ဂလာ ဖြစ်ပါစေခြင်း အကျိုးငှာ ဘုရားရတနာ၊ တရားရတနာ၊ သံဃာရတနာ တည်းဟူသော ရတနာမြတ်သုံးပါး၊ ဆရာသမားတို့ကို အရိုအသေ လက်အုပ်မိုး၍ ရှိခိုးပူဇော် ဖူးမြော်မာန်လျော့ ကန်တော့ပါ၏ အရှင်ဘုရား"

ဆိုသည့်ဘုရားရှိခိုး ပူဇော်သံဖြစ်ပေသည်။ညီညီညာညာ နှင့် ဖြေးဖြေးမှန်မှန် ဘုရားရှိခိုးသဖြင့် နံနက်ခင်းကို အလှဆင်လိုက်ကြပါသည်။မဟာစည်ဆရာတော်ဘုရား စီစဉ်သည့် ဘုရားရှိခိုးသည် ရွတ်ဖတ်ပူဇော်သူ၊ နာယူသူတို့အတွက် ရွတ်ဆိုလို့ ကောင်းသည့်အပြင် အဓိပ္ပါယ်ကလဲ စုံလင်ပြည့်ဝလှပါသည်။

ဖောင်းပိန်အစရှိတဲ့ ထင်ရှားပေါ်ရာ ပေါ်လာသမျှတွေကို အမြဲမပြတ်သတိကပ်လျှက် တစ်နာရီကြာ ထိုင်ပြီး ရှုမှတ်ရသည့် သတိပဋ္ဌာန် ဝိပဿနာတရားတို့ဖြင့် ရတနာသုံးစုံ အမြတ်ဂုဏ်ကို ယုံကြည်မြတ်နိုး လက်ဆုံမိုး၍ ပူဇော်ကြပါသည်။

"ဣမာယ ဓမ္မာနု ဓမ္မပဋိပတ္တိယာ ဗုဒ္ဓံ ပူဇေမိ။
ဣမာယ ဓမ္မာနု ဓမ္မပဋိပတ္တိယာ ဓမ္မံ ပူဇေမိ။
ဣမာယ ဓမ္မာနု ဓမ္မပဋိပတ္တိယာ သံဃံ ပူဇေမိ။

ဣမာယ ဓမ္မာနု ဓမ္မပဋိပတ္တိယာ - မဂ်လေးတန်၊ ဖိုလ်လေးတန်နိဗ္ဗာန်ဟု ဆိုအပ်သော ဤလောကုတ္တရာ တရားကိုးပါးအား လျော်သောကျင့်ဝတ် ပဋိပတ်ဖြင့် ဗုဒ္ဓံ - မြတ်စွာဘုရားကို။ ဓမ္မံ - မဂ်လေးတန်၊ ဖိုလ်လေးတန် နိဗ္ဗာန် ဟုဆိုအပ်သော တရားတော်မြတ်ကို။ သံဃံ - မဂ္ဂဠာန်လေးယောက်၊ ဖလဠာန်လေးယောက် ဟုဆိုအပ်သော ရှစ်ယောက်သော အရိယာ သံဃာတော်မြတ်နှင့်တကွ ယခုရှိတော်မူကြသော သမ္မုတိ သံဃာတော်မြတ်ကို ပူဇေမိ ပူဇော်ပါ၏ အရှင်ဘုရား" ဟု ညီညီညာညာ ရိုသေစွာ ပူဇော်ကြလျှက်

"ဣဒံမေ ပုညံမဂ္ဂမလဥာဏဿပစ္စယောဟောတု။

ဘန္တေ၊ အရှင်ဘုရား။မေ၊ တပည့်တော်တို့၏။ ဣဒံပုညံ၊ ဤသို့ ယနေ့ပြုအပ်သော ဒါနကုသိုလ်၊ ဆောက်တည်အပ်သော သီလကုသိုလ်၊ ပွားများအပ်သော ဘာဝနာကုသိုလ်၊ တရားနာရသော ဓမ္မဿဝနကုသိုလ်သည်။ မဂ္ဂဖလဥာဏဿ၊ တပည့်တော် တောင့်တအပ်သော မဂ်ဥာဏ် ဖိုလ်ဥာဏ်၏။ ပစ္စယော၊ ရကြောင်းရောက်ကြောင်း ကျေးဇူးပြုသော အကူအညီ အထောက်အပံသည်။ ဟောတု၊ဖြစ်ပါစေသတည်း။" ဟုသော ကောင်းမှုဖြင့် တောင်းဆု ချွေကြပြန်သည်။

တဆက်တည်းမှာပင်-
"ဣမံနော ပုညဘာဂံ သဗ္ဗသတ္တာနံ ဒေမ။

ဣမံပုညဘာဂံ၊ ဤသို့ ယနေ့ယခု တပည့်တော်တို့ တစ်စု၏ ပြုစုပွားများ နာကြားရသော ကုသိုလ်ကောင်းမှု အဖို့ဘာဂကို။ သဗ္ဗသတ္တာနံ၊တရားနာဖော်နာဖက်၊ တရားအားထုတ်ဖော်၊ တရားအားထုတ်ဖက် ဖြစ်ကြကုန်သော ယောဂီအပေါင်း သူတော်ကောင်းများနှင့်တကွ မိခင်ဖခင် ကျေးဇူးရှင်တို့ကို အစထား၍ သုံးဆယ်တစ်ဘုံ လုံးစုံများစွာ သတ္တဝါမှန်သမျှ အနန္တတို့အား။ ဒေမ၊ ရစေယူစေ အမျှပေးဝေပါကုန်၏။" ဟူ၍ နတ်ဗြဟ္မာ လူတစ်ဖော် မြတ်သာဓု ခေါ်ကြစေရန် အမျှပေးဝေ ကြပြန်ပါသည်။

တစ်နာရီကြာထိုင်ပြီး ရှုမှတ်လို့ရတဲ့ သမာဓိအရှိန်တို့ဖြင့် မနောကံနှင့်ရင်း၍ ဝစီကံမြောက် မေတ္တာဓာတ်တွေ ပို့လွှတ်လို့ နေကြပြန်သည်။

"အမျှရကြ၍ချမ်းသာကြပါစေသော်။ ဘေးရန်ခပ်သိမ်း ကင်းငြိမ်းကြပါစေသော်။ကြောင့်ကြခပ်သိမ်း ကင်းငြိမ်းကြပါစေသော်။ စိုးရိမ်ခပ်သိမ်း ကင်းငြိမ်းကြပါစေသော်။စိတ်ချမ်းသာ ကိုယ်ကျန်းမာနှင့် နိဗ္ဗာန်ရောက်ကြောင်း အကျင့်ကောင်း
ပဋိပတ်တို့ကို ကျင့်ကြံကြိုးစာ ပွားများအားထုတ်နိုင်ကြပါစေသော်"
ဟူ၍ မေတ္တာဓာတ်တွေ ဖြန့်ဝေလိုက်ကြပါသည်။

နောက်ဆုံးမှာတော့
"ဤသို့ပြုရ မြတ်ပုညကြောင့် ချမ်းမြအေးကြည် ဘေးမဲ့မည်သည် ရွှေပြည်ထုတ်ခြောက် လမ်းမကောက်ပဲ ရောက်ရပါလို ထိုထိုဘဝ ကျင်လည်ရလည်း ဒုက္ခဘေးဒဏ် ရန်မာန်အပေါင်း မကောင်းဟူသမျှ မတွေ့ရပဲ သဗ္ဗဣစ္ဆာ မင်္ဂလာကို ရွယ်ကာတတိုင်း ရစေသော်။
ယနေ့ယခု ပြုပြုသမျှ မြတ်ဘာဂကို မိဘဆရာ မျိုးသဟာနှင့် ကိုယ်မှာစောင့်ကြပ် ကိုယ်စောင့်နတ်က အရင်စ၍ ရှိသမျှလုံးစုံ ဘုံသုံးဆယ့်တစ် ဖြစ်ဖြစ်သမျှ ဝေနေယျတို့ ရကြပါစေ ပေးငှဝေသည် များတွေ သာဓုခေါ်စေသော်....... အမျှ.....အမျှ.....အမျှ.......ယူတော်မူကြပါကုန်လော့။
သာဓု...သာဓု....သာဓု"
ဆိုတဲ့ စကားသုံးလုံးက နေရာယူလိုက်ပါသည်။

ဤသို့ဖြင့် Good Morning ဖြစ်ကြစေရန် မဟာစည်သာသနာ့ရိပ်သာမှ နှစ်ရာကျော်သော ယောဂီ သူတော်စင်တို့က နံနက်ခင်းကို အလှဆင်လိုက်ကြပါသည်။ရတနာသုံးတန် ကံနှင့်အကျိုး အားကိုးယုံကြည် သူတော်စင်တို့၏ နံနက်ခင်းကို လှစေသော ဓမ္မသံစဉ်သည် သာယာချမ်းမြေ့
လှတာမို့ တစ်သက်မမေ့နိုင်စရာ ကြည်နူးဖွယ် တစ်ခုပါပဲ။ အသံအားလုံးတွင် နှိုင်းယှဉ်စရာ ထပ်တူပြုစရာ ဓမ္မသံစဉ်လောက် ကောင်းတာ ဘယ်အခါ ဘယ်နေရာမှ မရှိပါဘူး။ နံနက်ခင်းကို ဓမ္မသံစဉ်ဖြင့် လှပစေ၍ ငြိမ်းချမ်းရေးတရားရိပ်ဝယ် ပျော်ပိုက်နိုင်ကြပါစေကြောင်း စာစီပေါင်းလို့
တင်ပြလိုက်ရပါသည်။

တက္ကသိုလ်မောင်ချစ်

(ခွင့်တလအပြန် အချိန်လေးရလို့ မဟာစည်သာသနာ့ရိပ်သာခွဲ သဓ္ဓမ္မရံသီရိပ်သာ၌ ရဟန်းခံ တရားအားထုတ်ရင်းမှ တရားဓမ္မသင်ပြပေးသော ဆရာတော် အရှင်ဝိစိတ္တာနန္ဒ (ဓမ္မာစရိယ၊ B.A, B.Sc, Dip in English) အားရှိခိုးပူဇော်ဂုဏ်ပြုရင်း တရားအလှုတော်မြတ်ကိုကုသိုလ်ပြုအပ်ပါသည်။
ချမ်းလင်းနေ)

ဆက်လက်ကြိုးစားပါဦးမည်။

Friday, November 13, 2009

စိတ်ဖြေဆေး

လူတိုင်းလူတိုင်းစိတ်ရှုပ်လာရင်၊ စိတ်ညစ်လာရင် ဘာတွေလုပ်ကြလဲ။ တချို့တချို့က သီချင်းတွေ အော်ဆိုပစ်တယ်။တချို့ကျ အိပ်ဆေးသောက်အိပ်ပစ်တယ်။ တချို.ကအရက်သောက်တယ်။တချို့က အပင်စိုက်တယ်။တချို့ကအော်ငိုတယ်။ လူတွေအားလုံးဟာ စိတ်ပြေစေဖို့တခုအတွက်နဲ့ ကိုယ့်စိတ်ထင်ရာ၊ ကိုယ်စိတ်ပြေရာလုပ်တတ်ကြတယ်။

ခင်ဗျားရော စိတ်ညစ်ရင်ဘာတွေလုပ်လဲ။ကျွန်တော်လား။အင်းငယ်ငယ်ကတော့ အိမ်မှာရေထဲတဲ့ ရာဝင်အိုးထဲခေါင်းစိုက်ပြီး စိတ်ရှိလက်ရှိ အော်ပြစ်တယ်။အခုတော့ အဲဒီအိုးတွေလဲ ကွဲသွားပါပြီ။အသံပြာကြီးရဲ့အော်သံတွေ မခံနိုင်လို့။ အတော်ကြီးတော့ အရက်သောက်ကြည့်တယ်။အတော်အတန်လဲ သောက်ခဲ့ပါတယ်။ကိုယ့်စိတ်ကြောင့် လဲပါတယ်။ ကောင်းတယ်လို့ စိတ်မှာထင်မိလို့ပါ။စိတ်ပြေမယ်ထင်တဲ့ အယူကြောင့်လဲပါပါတယ်။အခုတော့ အလိုနေရင်းပြတ်သွားတယ်။ သောက်ချင်စိတ်သိပ်လဲ မရှိတော့လို့ပါ။မယုံဘူးဆိုလဲ စာဆက်ဖတ်ရအောင် လောလောဆယ် ယုံပေးထားပါ။


ကျွန်တော်ရဲ့ညီအစ်ကိုလို အရမ်းရင်းရတဲ့ သူငယ်ချင်းကတော့ သူစိတ်ညစ်လာရင် ဘုရားစင်ရှေထိုင်ပြီး တရားထိုင်တယ်။သူက စိတ်ညစ်ရင်မှ မဟုတ်ပါဘူး။နေ့စဉ်တရား ထိုင်တာပါ။ကျွန်တော်အနေနဲ့ သူရဲ့အခြေအနေကို အမြဲလေ့လာကြည်တယ်။ကျွန်တော် သူနဲ့စသိထဲက သူဆီမှာ ဒေါသထွက်တယ်ဆိုတာ မမြင်သလောက်ပဲ။ သူမိသားစုတွေလဲ ဒီလိုပဲ။သူတို့စိတ်ငြိမ်းချမ်းပြီး စိတ်ညစ်ဖူးတာမတွေ့သလောက်ပါပဲ။ သူက ကျွန်တော်ကိုတွေ့တိုင်း တရားထိုင်ဖို့ပဲ အမြဲတိုက်တွန်းပါတယ်။အခုအချိန်ထိပါ။ ကျွန်တော်ငယ်ငယ်က တရားထိုင်ဖိုဆိုတာဝေလာဝေး။ ဘာသာရေးဆိုတာ ဘုရားရှိခိုးတာကလွဲရင် ဘာမှမသိ။

ငယ်ငယ်က အိမ်မှာတော့ ကျွန်တော်မေမေက တရားအမြဲထိုင်တယ်။ ကျွန်တော်တို့ညီအစ်ကိုကိုလည်း တရားထိုင်ခိုင်းပါတယ်။အဲဒီတုန်းက မေမေက တရားထိုင်ခြင်းအကျိုး၊ ဘာကြောင့်တရားထိုင်ရတယ် ဆိုတာတွေကိုပြောပြဘူးတယ်။မေမေက အဘိဓမ္မာအောင် ထားတယ်လေ။ ကျွန်တော်က အဲဒီတုန်းက ကလေးအရွယ် စထိုင်ကာစဆိုတော့ တရားထိုင်တယ်ဆိုပေမယ့် မှတ်တဲ့အသိကြာကြာ မထိန်းနိုင်ပါဘူး။ စိတ်တွေက ဟိုရောက်ဒီရောက် လျှောက်ပြန့်လွှင့်နေတာပဲ။တရားထိုင်ဖို့မပြောနဲ့ ထိုင်ချင်တဲ့စိတ်ကလေးဖြစ်အောင်ကို အတော်အားယူရပါတယ်။ဆော့မယ်၊ကစားမယ် ဆိုတဲ့စိတ်ကပဲသန်နေတာ။

ဒါပေမယ့်ဗျ အဲဒီတုန်းက ငယ်တဲ့အရွယ်လဲဖြစ်၊ အကုသိုလ်တွေကလဲ နည်းဆိုတော့ကာ ဝေဒနာဆိုတာ သိပ်မဖြစ်ပေါ်ဘူး။တခါတလေ စိတ်ဝင်တစား မှတ်အားကောင်းတယ်ဆိုရင် အကြာကြီးကိုထိုင်နိုင်တယ်ဗျ။ အခုတော့ လူလောကရဲ့အမှောင်နောက် ကောက်ကောက်ပါနေတာကြောင့်ရယ်၊ လောဘတွေ၊ ဒေါသတွေ၊ စိတ်ညစ်တာတွေ ကြောင့် တရားမှတ်ရင် ဝေဒနာတွေပိုပေါ်ပါတယ်။

ကျွန်တော်ရဲ့တရားပြဆရာတစ်ဦးကို ဒီအကြောင်းလျှောက်တော့ ဆရာက လူလောကကြီးရဲ့ အတွင်းဘက်ရောက်ရောက်လာလေ၊ လောဘမီး၊ ဒေါသမီး၊ မောဟမီးတွေများလာလေလေပဲ။ ဒါကြောင့် တရားထိုင်တဲ့အခါ ဝေဒနာတွေကတိုးတိုးလာတာတဲ့။ဒါတွေကိုပဲ ဆက်ရှုတဲ့။ဒါကတရားထိုင်တုန်း ခဏဗျ။ ဒါပေမယ့် ကျွန်တော့်အတွက်တော့ တရားထိုင်ခြင်းဖြင့် အရင်ကဒေါသ အရမ်းကြီးခဲ့တဲ့ ကျွန်တော်ဟာ အတော်အတန်ကို ထိန်းနိုင်လာပါတယ်။အလုပ်ဆိုရင်လည်း အတော်အတန်ကိုချောမွေ့ပါတယ်။အတိုက်အခံလဲ နည်းလာပါတယ်။ စိတ်ညစ်တယ်ဆိုတာ မရှိသလောက်ပါ။ စိတ်ညစ်တာမရှိတော့ဘူးလို့ ဆိုတာမဟုတ်ပါဘူး။ စိတ်ညစ်စရာတွေ့လည်း သိပ်တုန်လှုပ်မှုမရှိတာပါ။

စိတ်ညစ်လာတယ်၊ စိတ်ရှုပ်စရာ ကြုံလာပြီဆိုရင် ဘုရားကိုစိတ်ဝယ်မှန်းပြီး ရသမျှ ဘုရားစာထိုင်ရွတ်ပါတယ်။ တရားထိုင်ချင်တဲ့စိတ် လက်တလောမရှိသေးဘူး ဆိုရင်တောင် ဒီလို ဘုရားစာရွတ်ဖတ်တာဟာ လောလောဆယ်ဖြစ်ပေါ်နေတဲ့ စိတ်ဝေဒနာတွေ သက်သာဖို့ ကုစားလိုက်သလိုပါပဲ။ စိတ်ငြိမ်လောက်ပြီလို့ထင်တော့မှ တရားထိုင်ပါတယ်။ဘာဖြစ်လို့ စိတ်ညစ်နေတုန်း စစခြင်းတရားမထိုင်တာလဲဆိုရင် တရားထိုင်နေစဉ် ရှုမှတ်တဲ့စိတ်အပေါ်အာရုဏ်မရောက်ပဲ စိတ်တွေက မူလညစ်နေတဲ့အကြောင်းအရာတွေဆီကိုပဲ ထပ်တဝဲဝဲရောက်သွားလို့ပါ။ကျွန်တော့်ရဲ စိတ်တည်မှုအာရုဏ်နုသေးလို့လဲဖြစ်ပါတယ်။ကြာရှည်စွာ တရားထိုင်ဖူးတဲ့သူတွေ ဆိုရင်တော့ ဒီလိုဖြစ်မယ်လို့ မထင်ပါဘူး။

အဲဒီလို တရားထိုင်ရှုမှတ်လိုက်တော့ ညစ်နေတဲ့စိတ်တွေပြေပြောက်ပြီး ပင်ကိုမူလစိတ်အဆင်လေးဟာ အမြဲတစေကြည်လင်လာပါတယ်။ တရားထိုင်လိုက်ခြင်းဖြင့် ကျွန်တော်ဆိုရင် ယခင်က ဗုဒ္ဓဘာသာဝင်ဆိုပေမယ့် မိရိုးဖလာကိုးကွယ်သလိုပဲရှိခဲ့တာ (နက်နဲမှုမရှိခဲ့သလိုပါ။ အခုကျွန်တော်ဆိုရင် ဗုဒ္ဓဘုရားဟာ အတုမရှိသောဘုရားရှင်ဖြစ်ပြီး မိမိကိုယ်တိုင် ဗုဒ္ဓဘာသာအပေါ် ပိုမိုသက်ဝင်ယုံကြည်လာပါတယ်။ အရာရာစဉ်းစားချင့်ချိန်လာနိုင်တယ်လုိ့ ကိုယ်ကိုယ်ယုံကြည်လာတယ်။

ကျွန်တော်လေ့လာဖူးသလောက်ဆို တရားထိုင်တယ်ဆိုတာ ဗုဒ္ဓဘာသာတစ်ခုထဲရှိတာမဟုတ်ပါဘူး။ ခရစ်ယာန်သာသနာမှာရော(အထူးကဖြင့် ရိုမန်ကတ်သလစ်မှာပါ)၊ မူစလင်ဘာသာရော(ဒူဘိုင်းနိုင်ငံသား မူစလင်ဘာသာရေးဆရာတစ်ယောက်ဆီက သိတာပါ။သူက ဗုဒ္ဓဘာသာတရားထိုင်နည်းနဲ. ယောဂအကြောင်းလာဆွေးနွေးလိုပါ။) သူ့နည်းသူဟန်နဲ့ရှိကြပါတယ်။

တကယ်တမ်း တရားထိုင်တယ်ဆိုတာ စိတ်ကို လေ့ကျင့်ပေးတာပါ။ဘုရားစတင်ကျင့်ကြံခဲ့တာ အာနာပါနပေါ့။ တကယ်ဆိုအာနာပါနဆိုတာ ဟိန္ဒူယောဂကျင့်စဉ်တစ်မျိုးပါ။ ကျွန်တော်ဆိုလိုချင်တာက တရားထိုင်တယ်ဆိုတာ အရမ်းကောင်းတဲ့အလေ့အကျင့်တစ်ခုပါ။ စပြီးထိုင်မယ်ဆိုရင်တော့ (အကြံပေးတာပါ။မိမိသင့်တော်သလို ထိုင်လို့ရပါတယ်။) ဝင်လေထွက်လေဆိုတဲ့ အာနာပါနက စရင်ကောင်းမယ်လို့ထင်ပါတယ်။ ထင်တယ်လို့ဆိုရခြင်းကတရားထိုင်သက်နုတဲ့ကျွန်တော့်အနေနဲ့ကောင်းမယ်လို့ထင်တယ့် နည်းတွေအများကြီးထဲက ကျွန်တော်စထိုင်တဲ့နည်းလေးမို့ အကြံပေးတာပါ။ မိမိသန်ရာသန်ရာကိုရှုပါ။ နောက်မှတ်အားကောင်းလာပြီဆိုမှ ဝိပဿနာနည်းလမ်းကိုရှုပါ။ တဆင့်ခြင်း တက်လှမ်းတဲ့သဘောပါ။

တရားထိုင်ခြင်းရဲ့နောက်ဆုံးပန်းတိုင် ကတော့ မဂ်ဖိုလ်နိဗ္ဗာန်ပါ။ကျွန်တော်ကတော့ အခုလောလောဆည် စိတ်ညစ်တာတွေပြေအောင် ဆွေးနွေးအကြံပေးတာမို့လို့ တရားထိုင်ဖို့ သက်သက်သာရည်ရွယ်ပြီး ရေးရတာပါ။ကျွန်တော်တို့က ဗုဒ္ဓသာသနာမြေနဲ့ ဝေးရာတွေမှာ အလုပ်လုပ်နေရသူတွေဆိုတော့ ဘာသာရေးနှိုးဆော်မှုလေးတွေရှိမှ ဘုရားရှိခိုး၊ တရားထိုင်တာလေးတွေလုပ်ဖြစ်ကြမှာမို့ပါ။

ကိုယ့်အရပ်ကိုယ့်ဒေသမှာဆိုရင် ဘုရားသွားကျောင်းတက်ရင်း ဆရာတော်တွေ ဟောကြားတဲ့တရားတော်တွေကို နာကြားရင်း ဘာသာရေးနဲ့ အဆက်မပြတ်သိပ် မရှိလှပါဘူး။ ဒီလိုနိုင်ငံရပ်ခြားမှာဆိုရင် တခါတလေ တရားခွေလေး ဘာလေးနာချင်ရင်တောင်မှ ကိုယ်အနီးနားက အခြားဘာသာခြားတွေကို အားနာနေရသေးတယ်။ နားကြပ်တပ်ပြီးနာရ၊ MP3စက်ကလေးတွေထဲ ထည့်နာရနဲ့အဆင်ပြေသလို ဘာသာရေးတွေ လုပ်နေကြရတာပါ။ဘုရားစာရွတ်ရင်၊ ဘုရားရှိခိုးရင်လဲ ပတ်ဝန်းကျင်အခြေအနေကောင်းမှ ရွတ်ရ၊ရှိခိုးရတာ။ ဒီလိုရေးတာ အဆင်မပြေသူတဲ့တွေ သိကြမှာပါ။ဗုဒ္ဓဘာသာဝင် အချင်းချင်းနေတယ်ဆိုရင်တော့ တမျိုးပေါ့။ဒါတောင် ဘာသာရေးလုပ်သူတွေပါဦးမှ။

ဘယ်လိုပင် အဆင်မပြေမှုတွေရှိပါစေလေ ကိုယ်ရဲ့စိတ်က ဘာသာရေးကိုဖြစ်အောင်လုပ်မယ်လို့ ရည်သန်ထားရင် ဘယ်အခြေအနေမျိုးမဆိုဖြစ်ပါတယ်။ ဘုရားတောင် အနောင့်အယှက်တွေကြားက ဘုရားဖြစ်ရန်ရည်သန်လို့ ဘုရားပွင့်ခဲ့ပြီးပြီပဲ။ကျွန်တော်တို့လဲ ဘာသာရေးလုပ်မယ်၊ လုပ်ချင်တယ်ဆိုတဲ့ဆန္ဒက တကယ်လုပ်ရင်အဟုတ်ဖြစ်ပါတယ်။အခုဆိုရင် မြန်မာပြည်မှာ တရားစခန်းရိပ်သာတွေ အတော်များများဖွင့်လှစ်နေပြီဆိုတာ လူအတော်များများသိနေကြပါပြီ။

ကျွန်တော်ပြောချင်တာက တရားထိုင်တာကို သိပြီး တရားထိုင်ဖို့မေ့နေတဲ့ မိတ်ဆွေတွေအတွက်ရော၊ မသိသေးတဲ့သူတွေအတွက်ရော “အသိ၊ သတိ” ရစေချင်ပါတယ်။ စိတ်ညစ်ရုံနဲ့ တရားထိုင်ဖို့သာမက ရတဲ့အချိန်တိုင်း၊ ရသမျှအခွင့်အရေးတိုင်း တရားထိုင်ပေးကြပါ။အခုဆို ဆရာတော်အတော်များများကလည်း တရားထိုင်ဖို့ စာတွေရေး၊ တရားတွေဟောပြီး လှုံဆော်ထားကြပါတယ်။ကျွန်တော်ကလည်း ကုသိုလ်တရပ်အနေနဲ့ ဆွေးနွေးတာပါ။မိတ်ဆွေအပေါင်း တရားထိုင်ဖို့ သတိရသွားသူတွေရော၊ အသိရသွားသူတွေ ဖြစ်လာအောင် ကုသိုလ်ပြု တိုက်တွန်းနှိုးဆော်အပ်ပါသည်ခင်ဗျား။

ဆက်လက်ကြိုးစားပါဦးမည်။

Friday, November 6, 2009

ရှန်ဘဲလားအိပ်မက်

The Earthly Paradise (Garden of Eden)
မိုးပြာရောင်ကောင်းကင်ကြီးကို မော့ကြီးပြီး တဖြည်းဖြည်းရွေ့လျားနေတဲ့ တိမ်တိုက်တွေကိုငေးမောရင်း ပိတ်လှောင်မွန်းကျပ်နေတဲ့စိတ်တွေကို ခိုင်မာစွာရပ်တည်နေတဲ့ ခန္ဓာကိုယ်ထဲကနေ တဆင့်ပြီးတဆင့် လွှင့်ယူထုတ်ပစ်လိုက်တယ်။ခဏတာလောက် မင်းတို့တွေ လွတ်ငြိမ်းချမ်းသာခွင့်ယူလိုက်ကြပါဦး။စက္ကန့်နှင့်အမျှ မရပ်မနား တာဝန်ထမ်းဆောင်ခဲ့ရသော သူတို့တွေကို ကမ္ဘာမြေကြီး၏ဆွဲငင်အားထဲကနေ ရုံးထွက်ပြီး ခြေဦးတည့်ရာကို သွားသွားလာလာပြုကြပေဦးတော့။မမျော်လင့်ထားသော ဖြစ်အင်တွေကို သွားရောက်တွေဆုံပြီး အတွေအကြုံသစ်တွေ ဖန်ဆင်းကြပေဦးလော့။သင်တို့ရဲ့ မိတ်ဆွေဟောင်းခန္ဓာကိုယ်ကြီးကို ခေတ္တမျှ ကြောခိုင်းပြီးသွားကြလေ။

++++++++++++++++++++++++++++++++++++++++++++++++++++++++

ဧဒင်ဥယျာဉ်”တဲ့ အဝင်ဝဆိုင်းဘုတ်က ရေးထားတာကိုဖတ်ပြီး သူရဲ့ခြေလှမ်းတွေက အဲဒီဘက်ကို ဦးတည်ပြီးသွားချင်နေတယ်။အထဲမှာ ဘာတွေရှိနေလိမ့်မလဲဆိုတာကို သူဘာကြောင့်များ သိချင်နေမိပါလိမ့်။ကမ္ဘာဦးလူသား အာဒံနဲ့ ဧဝကိုပဲတွေ့မလား။ဒါမှမဟုတ် ပန်းသီးပင်လိုခေါ်ဝေါ်သမုတ်ထားတဲ့ ကမ္ဘာဦးအဆိပ်ပင်တွေကိုပဲတွေ့မလား။ဒိုင်နိုဆော၊ ထရိုင်နိုဆောဆိုတဲ့ ရှေးဦးအကောင်ကြီးတွေပဲရှိနေလိမ့်မလား။ ကျောက်ခေတ်လို့ လက်ရှိ အီးခေတ်လူသားတွေ အမည်နာမပြုထားတဲ့ ပရိုင်းမိတ်တွေချည်းပဲ ရှိနေကြမလား။ဒီလို သို့လောသို့လောအသိနဲ့ လက်မှတ်မဝယ်လိုက်ရပဲ သူအလိုလို ဝင်ပေါက်တံခါးမှ ဖြတ်သန်းသွားပါသည်။အထဲရောက်တော့လဲ ဘယ်အချင်းအရာကိုမှ သဲသဲကွဲကွဲ မမြင်တွေ့ရပဲ ပိန်းပိတ်အောင်ဖြစ်နေတဲ့ မြူခိုးငွေ့တွေကိုသာ တွေ့ရတယ်။(မျက်မှန်တတ်ထားတော့ ရေငွေ့ရိုက်ပြီး မမြင်ရတာကို။:P)



အတော်ခပ်လှမ်းလှမ်းလေး လျောက်လာတဲ့အထိ မြင်မြင်သမျှအရာအားလုံးဟာ ပကတိ ဒီအတိုင်းတွေကြီးပဲဖြစ်နေလို့ ဝင်လာမိတာတောင် မှားသွားပြီလို့ အပြစ်တင်ဝေဖန် ညီးတွားလိုက်တယ်။ဒါပေမယ့် တစ်ခုသတိထားမိတာက အဝင်ထဲကနေ လက်တလောရောက်နေတဲ့ ဒီနေရာအထိကို ခြေထောက်တွေ မလှုပ်ရှားရပဲ သူ့အလိုလို အလိုက်သင့်လေး စီးမြောလိုက်ပါလာတာကိုတော့ သူသတိထားမိကောင်းထားမိလေရဲ့။(ရွှေ့လျားစက်လှေကားပေါ် ခြေထောက်ရောက်သွားလို့လဲ ဖြစ်နိုင်တာပဲ။:P)

ဟိတ်၊ ရပ်စမ်း။ မင်းက ဘယ်သူခွင့်ပြုချက်နဲ့ ဒီအထဲ ရောက်လာတာလဲ။”

ကြီးမားထည်ဝါသော အသံတစ်သံက သူ့အနောက်ကနေ ဝင်ရောက်လာပြီး နားစည်ထဲသို့ ကျယ်လောင်စူးရှစွာဖြင့် လာရောက်ရိုက်ခတ်သွားတယ်။အသံရှင်ရှိရာဘက်သို့ လှည့်ပြီးကြည့်လိုက်တော့

“အိုး....လာ......လား”(ကုလားသံလေးဖြင့်) အလင်းရောင်တွေဖြာဆင်းနေတဲ့ အနီရောင်အလင်းတန်းကြီးက သူဆီကိုထိုးဆင်းလာတာကိုတွေ့ရတယ်။သူတောင် ဒီအနီအလင်းရောင်ဟပ်ပြီး ကိုယ်ရောင်တောက်ပလာတာတယ်လို့ သူဘာသာ ကောက်ချက်ချလိုက်တယ်။ အနီရောင်ကြီးက သူအနားရောက်လာတော့ ပုံပန်းသဏ္ဍာန်က သူငယ်ငယ်က ကြည့်ဖူးတဲ့ဇာတ်ပွဲတွေထဲက ဇော်ဂျီလိုလိုပါပဲ။

“ဒါနဲ့ ခင်ဗျားကကော ဘယ်သူလဲ။ကျုပ်က အပြင်ဘက်က ဆိုင်းဘုတ်နာမည်ကြောင့် ဝင်လာတာ။(အိမ်နားက လက်ဖက်ရည်ဆိုင်နာမည်လိုလိုနဲ့ :P)စိတ်ဝင်စားစရာကောင်းလို့၊နောက်ပြီး ဒီအထဲမှာ ဘာတွေ ရှိနေလိမ့်မလဲဆိုတာလဲ သိချင်လို့ ဝင်လာတာပါ။”

“ငါ မင်းကိုမေးနေတာ မင်းကို ဘယ်သူက ခွင့်ပြုလို့ ဒီအထဲထဲရောက်လာတာလဲ မေးနေတာ။ဟိုဟိုဒီဒီလျောက်ပြောမနေနဲ့။”

(စိတ်ထဲတွေးမိလိုက်တာက ရုံးက အပေါက်စောင့် လေသံမျိုးနဲ့။:P)
“ကျုပ် ဒီအဝမှာတော့ ဘယ်သူမှလဲမတွေ့ခဲ့ဘူး။နောက်ပြီး အခုချိန်ထိ ကျုပ်ခြေလှမ်းတွေ တစ်ချက်မှ မလှမ်းရသေးဘူး။သူ့အလိုလိုကို ရွှေ့လာတာ။”

“ဘာ….ဘာပြောတယ်။သူအလိုလိုရောက်လာတာ။မင်းက ဘာမို့လို့ ဒီကိုရောက်လာတာလဲ။”

(အမေးအမြန်းအတော်ထူတယ်။ဧကန်န ဂျာနယ်လစ်ဖြစ်ခဲ့ဖူးပုံပဲ။)
“ကျုပ်လား။ကျုပ်က သက္ကရာဇ် ၂၀၀၉ ခု လူသားပါ။ကျုပ်နေတဲ့ခေတ်က အီလက်ထရောနစ်လို့ခေါ်တဲ့ အီးခေတ်ကပါ။အခု ကျုပ်က အဝင်ဝမှာရေးထားတဲ့ ကမ္ဘာဦးခေတ်က ဧဒင်ဥယျာဉ်ရဲ့နာမည်လို ရေးထားတာတွေ့လို့ဝင်လာတာပါ။”

“မင်းပြောတဲ့ ဧဒင်လားဘာလားတော့မသိဘူး။မင်းအခုရောက်နေတာက ဂမ္ဘီရမှော်ဝင်နေတဲ့ မဟာမြိုင်တောကြီးပဲ။ရှမ်းဘဲလားလို့လဲခေါ်တယ်။”

“ဒါဆိုရင် ဧဒင်ဥယျာဉ်မဟုတ်တော့ ပြန်ဘူးပေါ့။"

"အဲဒါလဲ ဟုတ်တယ်။အဲဒါအရင်တုန်းက နာမည်။အခုတော့ ရှမ်းဘဲလားလို့ မြန်မာဆန်ဆန်ပြောင်းလိုက်တာ။"

"'ဒါဆို ကျုပ်အခုရောက်နေတာ ရှမ်ဂရီလာလို့ခေါ်တဲ့ ရှမ်းဘဲလားပေါ့။ဒါနဲ့ ခင်ဗျားက ဘာလဲ ဇော်ဂျီလား။ဆေးကြိတ်တဲ့တောင်မွေးလဲ မတွေ့ဘူး။ဘယ်ရောက်သွားလဲ။”

“ငါက ဇော်ဂျီမဟုတ်ဘူးကွ။ငါက လောကပါလနတ်မင်းကြီးပဲ။ဒီနေရာက သူတော်ကောင်းတွေ တရားအားထုတ်မွေလျော်တဲ့ နေရာကွ။မင်းလို အီးခေတ်က ကောင်တွေ လာရတဲ့နေရာမဟုတ်ဘူး။”

“ဒီမှာ နတ်မင်းကြီး၊ ခင်ဗျားပြောသလို အီးခေတ်က ကျုပ်တို့ကရော ဒီနေရာကို မလာရတော့ဘူးလား။ဘာလဲအဆင့်ခွဲတဲ့ သဘောလား။”

“ငါပြောတာ အဲဒီလိုမဟုတ်ဘူးကွ။ဒီနေရာကိုရောက်လာတဲ့ သူတော်ကောင်းအသစ်တွေ မရောက်လာတာ ငါတို့ နတ်သက်နဲ့တောင် အတော်ကြာနေပြီ။အခုလို မင်းရောက်လာတော့ အတော်ကို အထူးအဆန်းဖြစ်နေတာ။”

“ကျုပ်ကလဲ ဒီနေရာကို လာချင်လွန်းလို့ ရောက်လာတာမဟုတ်ဘူး။ဥယျာဉ်ဆိုလို့ရောက်လာတာ။အထဲမှာ ဘာမှလဲ မရှိဘူး။ဒါနဲ့ စကားမစပ် ခင်ဗျားတို့ဆီမှာ အင်တာနက်လေးဘာလေးမရှိဘူးလား။အခုဆို လူလောကမှာ နက်ကဖီးတွေမှ ခဲပစ်ရင်တောင် မလွဲနိုင်တော့ဘူး။ဘာဂိမ်းတွေ ခင်ဗျားတို့ဆော့လဲ။ကျုပ်ဆီမှာက ဂိမ်းဆိုင်တွေကလဲ မှိုလိုပေါက်နေတာ။ပရီးမီးယားလိဒ်ကြည့်ရအောင် ဆလောင်းလိုင်းတွေရော ဘာလိုင်းတွေရသလဲ။တိုက်တွေပေါ် ဆလောင်းချိတ်ထားလိုက်ကျတာများ မိုးပြဲဒယ်တွေ ပက်လက်လှန်ထားသလိုပဲ။”

“ငါတို့ဆီမှာ မင်းပြောတဲ့ အရာတွေတော့ ဘာမှမရှိဘူး။လိုလဲမလိုအပ်ဘူး။”

“ခင်ဗျားတို့ဆီမှာ ကပွဲတွေရော၊ မော်ဒယ်ရှိုးတွေရော၊ ဖျော်ဖြေမှုတွေရော မရှိဘူးလားဗျ။”

“မင်းပြောတဲ့ အပျော်အပါးတွေက တို့နေရာမှာတော့ မရှိဘူး။လိုလည်းမလိုလားအပ်တဲ့ အရာတွေပဲလေ။ဒါတွေကလဲ တဒင်္ဂ ပျော်ရွှင်မှုကိုပဲ ပေးစွမ်းနိုင်တာ။သူနောက်ကနေ တက်မက်မှုတို့၊ မလိုလောဘတို့၊ တဏှာတို့၊ ရာဂတို့ ဒါတွေက လိုက်ပါလာမှာပဲကွ။ငါတို့နေရာက ဒီဟာတွေနဲ့ ကင်းကွာသထက်ကင်းအောင် နေနေကြသူတွေဆိုတော့ ဒီလိုအကြောင်းအရာတွေ ကပ်ပါလာမှာကို မလိုလားကြဘူးလေ။ဒီနေရာမှာက စစ်မှန်တဲ့ငြိမ်းချမ်းမှုပဲ ရှိတယ်။မေတ္တာတရားရှိတယ်။ တရားမျှတမှုရှိတယ်။အေးချမ်းစိတ်ငြိမ်တဲ့နေရာလေးပါ။”

“ခင်ဗျားပြောတဲ့ ဒါတွေက ကျုပ်တို့ဆီမှာလဲရှိတာပဲ။အခုလောလောဆယ် ကျုပ်မြင်နေရတော့ ဒီနေရာမှာ ဘာမှလဲမတွေ့ရဘူး။ မြင်မြင်သမျှအရာတွေကလည်း မြူခိုးတွေဝေနေတာပဲ။ စီးပွားရေးလဲမရှိဘူး။နောက်ဘာတွေ လုပ်ကိုင်စားသောက်နေကြလဲ။ကျုပ်တို့လောကကြီးနဲ့ယှဉ်ရင် အတော့်ကိုပျင်းစရာကောင်းတဲ့ ခြောက်သွေ့နေတဲ့ နေရာတစ်ခုလို့ပဲ ကျုပ်မြင်တယ်။”

“ဒါက မင်းအမြင်ကိုကွ။မင်းမှာက အခုလောလောဆယ်မှာ မင်းနဲ့အတူ လောဘ၊ မောဟ၊ ဒေါသ၊ တဏှာစတဲ့ အရာတွေက ကပ်ပါလာသေးတော့ မင်းက ဒီနေရာမှာ ငါတို့မြင်သလို၊ ငါတို့ခံစားရသလို ဘယ်လိုလုပ်မြင်မှာလဲ။ဘယ်လိုလုပ်ပြီး တွေ့မြင်ရဦးမှာလဲ။မင်းအနေနဲ့ အရာရာဟာ မြူတွေအုပ်မိုးထားသလိုပဲ မြင်တွေ့ခံစားရဦးမှာပေါ့။မင်းတို့ လောကဓာတ် သိပ္ပံပညာတွေလိုတော့ ဒီနေရာမှာ ဘာမှအရှိကိုအရှိအတိုင်း မြင်တွေ့ခံစားရမှာ မဟုတ်ဘူး။မင်းတို့လောကမှာလို အသည်းအသန်ကို လုပ်ကိုင်ရှာဖွေစားသောက်စရာလဲ မလိုဘူး။ကောင်းပေ့ညွန့်ပေ့ဆိုတဲ့ အဝတ်အစားတွေလဲ ဝတ်စရာမလိုဘူး။ဟိရိသြတ္တပကင်းအောင် လုံခြုံတဲ့အဝတ်တွေပဲ ဝတ်တယ်။အရာရာကို သင့်တင့်မျှတစွာရှိဖို့ပဲ လိုအပ်တာ။”

“ကျွန်တော်အနေနဲ့ကတော့ ဒီလိုမျိုးနေရာကြီးမှာ နေရရင်တော့ပျင်းစရာကြီှးဗျာ။အရာရာ အေးစက်စက်နဲ့ ရိုမာန်တစ်မဆန်လိုက်တာဗျာ။ဒီလိုနေရာမျိုးနဲ့ ရီနေဆန့်လောကမျိုးရွေးဆို ဘယ်လိုနည်းမှ ဒီနေရာမျိုးရွေးစရာအကြောင်းမရှိဘူး။”

“ဟကောင်လေးရ မင်းကအခုလောလောဆယ်တော့ မင်းအခုရပ်တည်နေနေခဲ့တဲ့ လူသားလောကကြီးမှာတော့ မင်းအတွက် အံဝင်ဂွင်ကျနေတဲ့ အကြောင်းအရာတွေကြောင့် မင်းကဒီလိုပြောတာပေါ့ကွ။မင်းအသက်အရွယ်ရလာလို့ ဘာမှမလုပ်ကိုင် မသန်စွမ်းနိုင်တော့တဲ့အခါကျရင်လဲ မိမိကိုယ်မိမိအလိုမကျမှုတွေနဲ့ပဲ ပြီးဆုံးသွားမှာ။အဲဒီအခါကျမှ မင်းတို့လိုလူသားတွေဟာ စစ်မှန်တဲ့ငြိမ်းချမ်းမှုတွေ တွေ့လိမ့်နိုးနဲ့ တောင့်တလာကြလိမ့်မယ်။ရှာဖွေလာကြမယ်။အဲဒီအချိန်ရောက်ရင် မင်းအတွက် စစ်မှန်တဲ့တရားတွေနိုင်ပါစေကွာ။”

လောကပါနတ်မင်းဆိုသူက သူ့ကို ကျောခိုင်းလှည့်ထွက်သွားပြီး အနီရောင်အလင်းရောင်တွေလဲ တဖြေးဖြေးမှေးမှိန်သွားပါသည်။

+++++++++++++++++++++++++++++++++++++++++++++++++++++++++

ပူနွေးသောခံစားမှုကြောင့် မျက်စိကိုဖွင့်လိုက်တော့ စူးရှတောက်ပတဲ့နေရောင်က ဦးခေါင်းတဲ့တဲ့မှာ တည်နေတာပြီ။ဟိုမြူခိုးတွေဝေနေတာ ဘယ်ရောက်သွားပါလိမ့်။ခုနက မျက်ခင်းပေါ်လှဲအိပ်ပြီး ကောင်းကင်ကိုမော့ကြည့်နေရင်း အိပ်ပျော်သွားတာပြီး အိပ်မက်မက်နေတာကို။အခုတော့ ရှန်ဘဲလားအိပ်မက်တွေကနေ နိုးထွက်လာပြီး လူလောကထဲပြန်ရောက်လာတာပဲ။ လောလောဆည်တော့ တကျော့ပြန်လည် အသက်ဝင်လာတဲ့ ဒီရီနေဆန့်လောကမှာပဲ ပျော်လိုက်ပါဦးမယ်။

(ဖော့ဖော့လေးတွေးပြီး ပေါ့ပေါ့လေး ပြုံးနိုင်ကြပါစေ.............................။:P)

ဆက်လက်ကြိုးစားပါဦးမည်။


Friday, October 30, 2009

Bench Life


"ခုံတန်းလေးရဲ့ ဘဝ"

နေ့ရယ် ညရယ်
ခေတ်ပြိုင်ပြောင်းလဲ
လူသားအကျိုး
နေ့စဉ်ထမ်းပိုး
ဆောင်ညားသော်လည်း
တစ်စုံတစ်ဦး တစ်ယောက်ကမှ
ကျေးဇူးတင်ကြောင်း
ပြောမသွားကြဘူး။

ချစ်တယ် ကြိုက်တယ်
အဖန်ဖန် ပြောကြား
စုံတွဲများစွာ
ခုံတန်းပေါ်မှာ
ထိုင်ကြ ပြောကြ
သွားကြသော်လည်း
သူတို့လေးတွေ
နီးသွားသောခါ
ဘယ်အတွဲတလေမှ
အဖက်လုပ်ကာ ငုံကြည့်မသွားဘူး။

ပျိုရွယ် အိုငယ်
လူပေါင်းစုံတို့
စက္ကန့် မိနစ်
နာရီမလပ်
လာရောက်ခိုနား
အပန်းဖြေသွားလည်း
စားထားပြီးသား
အမှိုက်ခွံအချို့တောင်
ခုံတန်းလေးပေါ်ကျဲဖြန့်သွားတယ်။

ဆောင်းနဲ့ မိုးရယ်
နွေဥတုရယ်
အလီလီညွတ်ပြောင်း
အကြိမ်ပေါင်းများစွာ
ဖြတ်သန်းသော်လည်း
နေ့နေ့ ညည
ဥတုရဲ့ဒဏ်
ခါးစီးပြီးတောင် ခံခဲရသေးတယ်။

ဖြူလိုက် နီလိုက်
သုတ်လိုက်တဲ့ဆေး
ကျုပ်ရဲ့ကိုယ်ရောင်
လှပစေဖို့
အရေခွံများစွာ
အလဲအဖယ် ဝတ်ရသော်လည်း
လမ်းဖြတ်လျှောက်သူ
လူတစ်စုက
ကွမ်းသွေးနီတောင် ထွေးသွားသေးတယ်။

ထိုင်လိုက် ထလိုက်
ပြန်သွားလိုက်ကြ
ရောက်လာကြနှင့်
မရပ်မနား ကျုပ်ကျောသားပေါ်
ထိုင်ရုံလေးတင် အားမရသေးပဲ
တချို့တချို့ဆို
ရေးလိုက်ချစ်လိုက်
နင်းခြေလိုက်နှင့်
ချိုးဖဲ့လို့တောင် သွားကြသေးတယ်။

ညှင်းသဲ့တိုက်ခတ်
ဖြတ်သန်းလာတဲ့
အင်းယားရေပြင်
လေပြေညင်းကို
ပွေ့ယူနမ်းရှိုက်
အမောပြေဖို့ရာ
လူသားသဘာဝ
လာရောက်အပန်းဖြေ
ခိုနားသော်လည်း
စည်းမရှိသူ
အတွဲအချို့ကြောင့်
ခုံတန်းလေးခမြာ
မျက်လွှာချကာ ရှက်ရသေးတယ်။

အလွှာပေါင်းစုံ
မျိုးပေါင်းများစွာ
အဆင့်ဟူ၍
မခွဲခြားပဲ
အပန်းလဲဖြေ
အနားယူဖို့ရေး
တာဝန်ကိုတော့
အိုမင်းရင့်ရော်
ဟောင်းသွားတဲ့ထိ
ထမ်းသွားရမှာ။

(ခရာလင်း)
အင်းယာကန်သို့ အမှတ်ရလွမ်းမောမှု

Tuesday, October 27, 2009

ဇက်ပေါ်ကဇီးသီး (နီကိုရဲ)


ဒီဝတ္ထုတိုကလေးက ဆရာနီကိုရဲ လက်ရာပါ။မူရင်းစာက ဇော်ဂျီဖောင့်နဲ့ မဟုတ်တော့ Adobe Readerမှာ ဖတ်မရတာနဲ့ မူရင်းအတိုင်း စာရိုက်ပြီးတင်ပေးလိုက်တာပါ။ကျွန်တော့်လို ဖတ်မရခဲ့တဲ့သူတွေ အတွက်ရော၊ မဖတ်ရသေးတဲ့သူတွေ အတွက်ပါ ဆရာနီကိုရဲ ရေးထားတဲ့ စာကောင်းလေးတပုဒ် ဖတ်နိုင်စေရန် ရည်ရွယ်ပြီး တင်ထားရခြင်းပါ။ဟာသတွေ အရေးများတဲ့ ဆရာရဲ့ သာမရိုးကျ အတွေ့အကြုံလေးကို စာရေးဆရာတယောက် အမြင်နဲ့ ခံစားမှုရသလေး ပြောင်မြောက်သွားအောင် ဖန်တီးထားတဲ့ ဆရာ့ရဲ့လက်ရာလေးပါ။ကျွန်တော်ဖတ်ရင်းနဲ့ ဇီးသီးသည်ကလေးရဲ့ဘဝလေးကို တွေးရင်း အရင်က ချောင်းသာသွားခဲ့စဉ်က ဇက်ဆိပ်မှာ ဒီလိုဇီးသီးသည်လေးတွေ ရောင်းချနေတာတွေခဲ့ဖူးပေမယ့် ဆရာရေးထားသလို မတွေးမိခဲ့ဖူးပါဘူး။အခု ဆရာနီကိုရဲအတွေးလေးနဲ့ ရေးထားတာဖတ်ကြည့်ကြပါဦး...........။

ဇက်ပေါ်ကဇီးသီး

ကျွန်တော်တို့ရှုတင်အဖွဲ့ ချောင်းသာက နေ့ကားရိုက်ပြန်လာကြတုန်းက ကြုံခဲ့ရတဲ့အဖြစ်အပျက်လေးတစ်ခုပါ။ ကျွန်တော်တို့အဖွဲ့ဟာ ချောင်းသာမှာ အားလုံးဆယ့်တစ်ရက် နေခဲ့ကြရပါတယ်။ချောင်းသာဆိုတာက အပန်းဖြေတဲ့နေရာပါ။ဒါပေမဲ့ ကျွန်တော်တို့အတွက်ကျတော့ အလုပ်သွားလုပ်ရတဲ့နေရာ ဖြစ်နေတယ်။

ဒီတော့ ချောင်းသာသွားရတဲ့ခရီးမှာ ကျွန်တော်တို့နဲ့အတူသွား ခရီးသည်တွေဟာ ခံစားချက်ပြောင်းပြန်ဖြစ် နေလေ့ရှိပါတယ်။ သူတို့က ချောင်းသာကိုအသွားမှာ ပေါ့ပါးလွတ်လပ်နေပြီး စိတ်ချမ်းသာ၊ ကိုယ်ချမ်းသာကြီးကို ခရီးသွားတဲ့အရသာ ခံစားနေကြတာကို သူတို့မျက်နှာမှာ အတိုင်းသားကို မြင်နေရပါတယ်။ ကျွန်တော်တို့ကတော့ သူတို့လောက် မပေါ့ပါးနိုင်ဘူး။ မပျော်ရွှင်နိုင်ကြပါဘူး။ ဟိုကိုရောက်ရင် အလုပ်လုပ်ရမှာကိုး။ ချောင်းသာမှာ ကျွန်တော် ဇာတ်ညွှန်းရေးခဲ့တဲ့ ဇာတ်ကား(၁၀) ကားမှာ ကိုးကားကလမ်းမှာ ဇာတ်အိမ်တည်တာများပါတယ်။ မင်းသား နဲ့မင်းသမီးတို့ လမ်းမှာ ခရီးစကတည်းက အဆင်ပြေမှု၊ မပြေမှုကလေးနဲ့ စတွေ့ကြတယ်ပေါ့လေ။ထားပါတော့လေ။

ကျွန်တော်ပြောချင်တာက ရုပ်ရှင်ရိုက်တဲ့ အကြောင်းမဟုတ်ပါဘူး။ ချောင်းသာက အပြန်လမ်း မှာ ကြုံခဲ့ရတဲ့ အဖြစ်ကလေးအကြောင်းပါ။

ချောင်းသာကမ်းခြေကနေဆင်းလာပြီး (အဲဒီအချိန်က) ရှောပြာဇက်ဆိပ်မှာ ဟိုတစ်ဖက်(ပုသိမ်ဘက်)ကို ကူးဖို့ ဇက်စောင့်နေရတာပါ။ဇက်ကတစ်စင်းတည်းမို့ ဒီဘက်က လူနဲ့ ကားကိုတင်၊ ဟိုဘက်က လူနဲ့ကား တွေကို တင်ပြီးပြန်လာ၊ အဲဒီလို လွန်းထိုးဆွဲရတာပါ။ ဒီဘက်ဇက်ဆိပ်မှာရော ဟိုဘက်ဇက်ဆိပ်မှာပါ တစ်နာရီ စောင့်လေ့ရှိပါတယ်။ အဲဒီနေ့က ကျွန်တော်တို့ရှုတင်ကား ရှောပြာဆိပ်ကိုရောက်တော့ ဇက်က ငဝန်မြစ်အလယ်မှာ လှမ်းမြင်နေရပါတယ်။ ၁၀-မိနစ်လောက် နောက်ကျသွားတယ်ဆိုပါတော့..။

ဟိုဘက်ပြန်လာမယ့် ဇက်ကိုစောင့်ရင်း ဇက်ဆိပ်က ဆိုင်လေးတွေမှာ ထိုင်သူကထိုင်ပါတယ်။ ကျွန်တော်ကတော့ ငဝန်မြစ်ကိုကြည့်ဖို့ လေကလေးတဖြူးဖြူးတိုက်နေတဲ့ ကမ်းစပ်က သစ်ပင်ရိပ်မှာ သွားရပ်ရင်း ငဝန်မြစ်ထဲမှာ ပိုက်ချတဲ့လှေကလေးတစ်စင်းကို ငေးနေမိတယ်။

အဲဒီအချိန်မှာပဲ ကျွန်တော်ရပ်နေတဲ့ သစ်ပင်ရိပ်ကို သံလင်ပန်းလေးခေါင်းမှာရွက် သစ်သားခုံကလေးကို လက်မှာကိုင်ထားတဲ့ ကလေးမလေးတစ်ယောက်ဝင်လာပါတယ်။
ပြီးတော့ ကျွန်တော်နဲ့မလှမ်းမကမ်းမှာ လက်ထဲကခုံကိုချပြီး ခုံပေါ်ကိုခေါင်းပေါ်က ဗန်းကလေး တင်ပါတယ်။ ဗန်းထဲမှာပါလာတာ ဂေါ်လီလုံးအရွယ် တောဆီးသီးကလေးတွေရယ်၊ မည်းတူးနေတဲ့ဝိုင်အိုလက်ပေါင်ဒါဘူး လေးတစ်ဘူးရယ်၊ ကြွပ်ကြွပ်အိတ်နဲ့ထုပ်ထားတဲ့အထုပ်ရယ်၊ ဆားနဲ့ငရုတ်သီးအစိမ်းမှုန့် စပ်ထားတဲ့ကော်ခွက် ကလေးရယ်ပါ။

ကလေးမလေးက ပိန်ပိန်ပါးပါးလေးပါ။ သူဝတ်ထားတဲ့ ဂါဝန်ကလေးက အရောင်လွင့်လို့၊ အင်္ကျီကတော့ ဘာအရောင်ရယ်လို့တောင် အတိအကျပြောလို့မရတော့လောက် အောင်ပါပဲ။ ကျွန်တော်တို့ခရီးသွားရင် လမ်းဘေးတို့၊ ကားဂိတ်တို့မှာ တွေ့နေကျ ဈေးသည်မကလေး ဆိုပါတော့။ ထုံးစံအတိုင်း ဖိနပ်ကလည်းမပါဘူး ။

ကလေးမလေးက အမောဖြေရင်းနဲ့ ဗန်းထဲက ဆီးသီးတွေကို တောင်ပူစာကလေးတစ်ခုဖြစ်အောင် စုပုံနေတယ်။ သူ့ဗန်းထဲက အမြင်ကောင်းတယ်လို့ ထင်ရတဲ့ဆီးသီးတွေကို အပေါ်မှာတင်နေတာပါ။ ငဝန်မြစ်ကို ငေးဖို့လာတဲ့ကျွန်တော်ဟာ ကလေးမလေးကိုငေးရင်း ရင်ထဲမှာ သနားသွားတယ်။
ကျွန်တော့်သနားစိတ်က ထူးထူးဆန်းဆန်းရယ်တော့ မဟုတ်ပါဘူး။ ကျွန်တော့်လိုပဲ ပုံမှန်ကရုဏာစိတ်ရှိတဲ့သူတိုင်း ရင်ထဲမှာဖြစ်လေ့ရှိတဲ့ သနားစိတ်ပါ။ ကျောင်းမနေရရှာဘူး ထင်ပါရဲ့၊ သူ့ဘဝရှေ့ရေးအတွက် ဘာလုပ်မှာလဲ၊ အမိအဖရောစုံရှာရဲ့လား စသည်ဖြင့်အတွေးတွေပါ။

ကျွန်တော်ဘာလုပ်ပေးနိုင်မလဲလို့ စဉ်းစားတယ်။ ဘာမှလုပ်မပေးနိုင်ဘူးဆိုတာ သိရတော့ ရင်မောသွားတယ်။ ကျွန်တော့်ရင်ထဲမှာ ကရုဏာတရားရှိပါတယ်။ ဒါပေမဲ့ အဲဒီကရုဏာက မာသာထရီဆာရဲ့ကရုဏာမျိုးတော့ မဟုတ်ဘူး။ ကျွန်တော့်ရင်ထဲက ကရုဏာက ဆရာကြီးဦးရွှေအောင်စကားနဲ့ပြောရရင် ပါရမီထိုက်တဲ့ကရုဏာ မဟုတ်ပါဘူး။ သာမန်ကရုဏာမျိုးပါ။

ကျွန်တော် သူ့ကို ဘာကူညီနိုင်သလဲဆိုတော့ သူ့ဆီက ဆီးသီးလေးတွေ ဝယ်စားရင်းနဲ့ကူညီနိုင်ပါတယ်။ ကျွန်တော်တတ်နိုင်တာ ဒါပဲမဟုတ်လား။
“ဆီးသီးဘယ်လိုရောင်းတုံးဟ လုပ်စမ်းပါဦး”
“တစ်ဘူးတစ်ဆယ်”
“အင်း..ဒါဆို..ငါးဆယ်ဖိုး ငါးဘူးထားလိုက်”

ကျွန်တော်နောက်တာက ရိုးလွန်းလို့ ဘယ်သူမှ မနောက်တော့တဲ့ပြက်လုံးပါ။ ကျွန်တော်ကလည်း ဘာရယ် မဟုတ်ဘူး၊ ပါးစပ်က ထွက်သွားတာ။ ဒါပေမဲ့ကောင်မလေးက တစ်ချက်တွေသွားတယ်။ ပြီးတော့ ကျွန်တော့်ကို မျက်လုံးမွဲကလေးနဲ့ မော့ကြည့်ရင်း..
“မရပါဘူးဦးရယ်၊ မေမေက သူပြောတဲ့ဈေးအတိုင်းမရောင်းရင် ရိုက်လိမ့်မယ်”

သူ့အကြည့် သူ့စကားသံကြောင့် ကျွန်တော်ဘာမှမပြောနိုင်ဘဲ ရင်ထဲဆို့သွားတယ်။ ဒုက္ခပဲ စာလည်း မတတ်ဘူးထင်ပါရဲ့လို့ စိတ်ထဲတွေးရင်း မှတ်ထားဟဲ့လို့ ကိုယ့်ကိုယ်ကို အပြစ်ပေးလိုက်ပါတယ်။
“ဦးက စတာပါ သမီးရယ်။ တစ်ဘူးတစ်ဆယ်ဆို ငါးဘူးငါးဆယ်ပေါ့ မဟုတ်ဘူးလား”
ကလေးမလေးက တစ်ချက် စဉ်းစားပြီးတော့ ခေါင်းညိတ်ရှာပါ တယ်။
“ဦးက အလကားနောက်တာ ပါ။ ကဲ တစ်ရာဖိုးပေး”
ကလေးမလေးက ဝမ်းသာအားရ ကျွန်တော့်ကိုမော့ကြည့်တယ်။ ပြီးတော့ ထိုင်နေရာကထရပ်ရင်း
“ဦး ခဏစောင့်နော်”ဆိုပြီး ကုက္ကိုပင်နောက်ကို ပြေးထွက်သွားတယ်။ ဘာကြောင့်မှန်းမသိတော့ ကျွန်တော်လည်း ကြောင်ပြီး ကြည့်နေရုံပါပဲ။

ကျွန်တော် ဆီးသီးများများဝယ်တာက အကြောင်းရှိပါတယ်။ ပထမ တစ်ခုကတော့ သူ့ကိုအားပေးချင်တာပါ။ ဒုတိယတစ်ချက်က ဟိုဘက်ကမ်းရောက်လို့ ပုသိမ်ကနေ ရန်ကုန်ကို မောင်းတဲ့လမ်းတစ်လျှောက်မှာ လူတွေငိုက်ကြမှာပါ။ အဲဒီတော့မှ တောဆီးသီးကလေးတွေကို ဆားနဲ့ တို့စားပြရင် အေးသီတာတို့၊ ဖြူဖြူလွင်တို့ စတဲ့ဇာတ်ပို့အုပ်စု သွားရည်ကျကြမှာအမှန်ပဲ။ သူတို့တောင်းစားရင် ကျွန်တော်က သွားရည်ကျတံတွေးမျိုစတဲ့ ဣနြေ္ဒတော်တော်ပျက်မှ ကျွေးမယ်လို့ စိတ်ကူးပြီး ဝယ်တာပါ။ အခုတော့ ကလေးမလေးက ဘယ်ကိုပြေးပြီး ဘာလုပ်မှန်း မသိတော့ ကျွန်တော်အူကြောင်ကြောင်နဲ့ စောင့်နေရတာပေါ့ဗျာ။

ခဏကြာတော့ပြန်ရောက်လာတယ်။ မျက်နှာမှာလည်းပျော်လို့ လက်ထဲမှာ နို့ဆီခွက်တစ်လုံးနဲ့ ..။
“အမေက ပြောတယ်၊ တစ်ရာဖိုးဆိုရင် ဒါနဲ့ငါးခွက်တဲ့”
နို့ဆီခွက်ကို မြှောက်ပြရင်းပြောတော့ ကျွန်တော်ဘာမှပြန်ပြော မနေတော့ပါဘူး။ သူက ဆီးသီးလေးတွေကို သေသေချာချာထည့်ပေးပါတယ်။
“မင်း ကျောင်းမနေတော့ဘူးလား။”
သူက ခေါင်းကို ခါပါတယ်။ သူ့မျက်နှာပေါ်မှာ ဘာအရိပ်မှမရှိဘူး။
“ဘယ်နှတန်းအထိနေဖူးလဲ”လို့ ဆက်မေးတော့ ဘာမှပြန်မဖြေဘူး။ ကျွန်တော်ဟာ သူ့ဘဝနဲ့ဘာမှ မဆိုင်တာတွေကို လျှောက်မေးသလို ဖြစ်နေတယ်ထင်ပါရဲ့။
“ဆားကို သပ်သပ်ထုပ်ပေးနော်။”
“ဟုတ်ကဲ့”
“နင့်အမေက ဈေးမရောင်းဘူးလား။”
“ဖျားနေတယ်။”
“ဘာဖြစ်လို့ ဖျားတာလဲ။”
“ဟို ခြေထောက်ကို သစ်စစူးတာ။”
“ဆေးခန်းမပြ...”
ကျွန်တော်စကားကို ရပ်ပစ်လိုက်တယ်။ မလိုအပ်တဲ့စကားကို ဘာဖြစ်လို့မေးနေမှာလဲ။ သူ့ကို ဆီးသီးဖိုး ပိုက်ဆံပေးရင်း ပိုက်ဆံထပ်ပေးဖို့ စိတ်ကူးလိုက်မိပေမယ့် ပြီးခဲ့တဲ့အခေါက်တွေတုန်းက ဇက်မောင်းတဲ့ဘကြီး ပြောတဲ့စကားကို ပြန်သတိရတယ်။
“မောင်ရင်တို့ကတော့ စေတနာနဲ့သနားလို့ ပေးပေးသွားတာပဲ။ ဒါပေမဲ့ ကြာတော့ ကလေးတွေက အကျင့်ပါပြီး ရောင်းမစားတော့ဘူး တောင်းစားကုန်ရော။”တဲ့။

ဒါနဲ့ ကျွန်တော်ဆီးသီးထုပ်ကို ကျောပိုးအိတ်ထဲထည့်ရင်း ရှုတင်ကားဆီပြန်လာရတယ်။ အိတ်တွေအောက် တော်တော်ရောက်နေတဲ့ ကျွန်တော့်အိတ်ကိုရအောင်ထုတ်ပြီး ကျွန်တော်ဆောင်လာတဲ့ ကိုယ်ပူကျဆေးရယ်၊ အကိုက်အခဲပျောက်ဆေးရယ်၊ ဘာမီတွန်ရယ် ယူလာပြီး သူ့ဆီသွားပေးရတယ်။
“အစာစားပြီးရင် ဒါတစ်လုံး ဒီဟာ တစ်လုံးသောက်ရမယ်။ အစာမစားဘဲ၊ အစာမရှိဘဲနဲ့ မသောက် ရဘူး ကြားလား။ လေးနာရီခြား တစ်ခါသောက်ရမယ်။ ဟောဒီပန်းရောင် အလုံးလေးကိုတော့ အိပ်ခါနီးမှ သောက်ရမယ်။ ကဲ ပြန်ပြောစမ်း”

သူက သွက်သွက်လက်လက်ပဲ ပြန်ပြောပြပါတယ်။ မှားနေတာကို နှစ်ခါပြင်ပေးပြီး မှန်သွားတော့မှ သူ့အမေဆီ သွားပေးခိုင်းရတယ်။ သူ ပြေးထွက်သွားတော့ ကျွန်တော်တို့ ကူးရမယ့်ဇက်က ရေလယ်ကို ရောက်နေပါပြီ။

ဇက်ပေါ်ကားရောက်တော့ ထုံးစံအတိုင်း ဆူဆူညံညံပေါ့လေ။ ကျွန်တော်ကတော့ နောက်ကျိနေတဲ့ငဝန်မြစ်ရေကို ဇက်လက်တန်းကိုကိုင်ရင်း ငေးကြည့်နေမိတယ်။
သတိရလို့ ကျောပိုးအိတ်ထဲက ဆီးသီးကလေးတစ်လုံးထုတ်စားတော့ စားလို့ကောင်းသားခင်ဗျ။ ကြွပ်ကြွပ်နဲ့ချိုလို့ မချဉ်သလောက်ပါပဲ။ ဒါနဲ့ ကျွန်တော်လည်း ခံတွင်းတွေ့ပြီး ထုတ်စားနေမိတယ်။ ဆားလေးနဲ့တို့ စားတော့ အိုကေပဲ။

မြစ်လယ်ရောက်တော့ ကျွန်တော်လည်း ရှုတင်ကားပေါ်ထိုင်လိုက်ရင်း ဆီးသီးစားရင်းပေါ့လေ။ ကျွန်တော်ထင် တဲ့အတိုင်း ဟိုအငတ်တွေကလည်း တောင်းစားတာပါပဲ။ ကျွန်တော်က ဆီးသီးသည်ကလေးအကြောင်း ပြောပြတော့ သူတို့စိတ်ဝင်စားကြပါတယ်။ ကျွန်တော့်ဆီက ဆီးသီးစားကောင်းအောင်ဟန်ဆောင်တာလား၊ ဘာလားတော့ မသိဘူး ပေါ့လေ။

မြစ်လယ်ရောက်တော့ ကျွန်တော့်ဆီးသီးလည်း ကုန်ရောပေါ့လေ။ တစ်ယောက်တစ်လက်ဆိုတော့ ဘယ်ခံနိုင်မှာတုံး၊ အဲဒီအချိန်မှာပဲ “ဆီးသီးချိုချိုလေး”ဆိုတဲ့ ကောင်မလေးရဲ့အသံကို ကျွန်တော်ကြားရတော့ ဝမ်းသာသွားတယ်။ ခေါ်လိုက်ရင် ဒီကောင်မလေး ကျိန်းသေရောင်းရတော့မှာ မဟုတ်လား။
“ကြားလား၊ အဲဒါသူ့အသံပဲ ခဏနေဦး။”

စောင့်ကြည့်တော့ သူဖြစ်နေတာနဲ့ လှမ်းခေါ်ရတယ်။ ကားပေါ်က ဇာတ်ပို့တွေကလည်း ကျွန်တော်က ပူပူနွေး နွေးဇာတ်ပို့ထားတော့ ကောင်မလေးကို စိတ်ဝင်စားပြီးဝိုင်း ဟိုမေးဒီမေးပေါ့။ သူကလည်း ရုပ်ရှင်ထဲက အစ်မကြီးတွေဆိုပြီးပျော်လို့။
“ကဲ နင့်ဆီးသီးတွေကို ငါတို့ အကုန်ဝယ်မယ်။ ဟုတ်ပြီလား၊ ကဲ အားလုံးကို ငါးရာယူ”
“ဟင့်အင်း မရဘူးအစ်မ၊ အမေ ဆူလိမ့်မယ် မရဘူး။”
သူ့စကားကြောင့် ငတိမတွေ အံ့ဩသွားကြတယ်။ နို့ဆီဘူးတစ်ဘူးမှ နှစ်ဆယ် သူ့ဗန်းထဲကဆီးသီးက ဘယ်လိုမှ ငါးရာဖိုးမရှိဘူး။
“အံမယ်မရွှေစာ..ညည်းဟာက တစ်ဘူးမှနှစ်ဆယ်၊ ငါးရာဆိုတာ ငါတို့က နင့်ကိုပိုပေးထားတာ။”
“ဟင့်အင်း ခြင်ကြည့်မယ်လေ အစ်မရယ်... နော်။”
“ကဲ.. ကဲ ခြင်မယ်ဆိုလည်း ခြင်ခြင်။”

သူက ဇက်ပေါ်မှာ ထုံးစံအတိုင်း ဒူးကလေးထောင်ပြီး ထိုင်ပါတယ်။ ပြီးတော့ နို့ဆီခွက်ထဲ ဆီးသီးတွေထည့်၊ လွတ်တဲ့နေရာမှာပုံ၊ နောက်တစ်ခါထပ်ထည့်တုန်း ပထမဆီးသီးတွေကရောကုန်နဲ့ ဒုက္ခများနေရှာ တယ်။ ဇက်ကလှုပ်နေတော့ ဟိုဘက်ဒီဘက် ပုံထားတဲ့ဆီးသီးတွေက ဘယ်ငြိမ်ပါ့မလဲ။

နောက်ဆုံးတော့ ကောင်မလေး စိတ်တိုလာပုံရတယ်။ ဒူးခေါင်းထောင်ထားတဲ့ သူ့စကတ်ထဲ ဗန်းထဲက ဆီးသီးတွေ အကုန်လောင်းထည့်ပစ်လိုက် တော့ ရှုတင်ကားပေါ်က ငတိမတွေ အော်လိုက်ကြတာ ဆူညံကုန်တာပဲ။ သူ့စကတ်က ညစ်လည်းညစ်ပတ်ရ တဲ့ထဲ ဒူးခေါင်းထောင်ထားတဲ့ထဲ ထည့်တော့ဘယ်ဟုတ်တော့မှာလဲ။ ဒါပေမဲ့လည်း ဘာမှမတတ်နိုင်တော့ဘူးလေ။

အားလုံးခြင်ကြည့်တော့ တစ်ရာ့ လေးဆယ်ဖိုးပဲရှိတာပေါ့။ ဒါပေမဲ့ သူ့ကိုငါးရာပဲ ပေးလိုက်ပါတယ်။ဇာတ်ပို့ငတိမ တွေက ကျွန်တော့်ကို ဆီးသီးတစ်အိတ်ပြန်အစားပေးတယ်။ ဒါပေမဲ့ကျွန်တော်က ဘယ်စားမလဲ။အဲဒီအဖြစ်ကို မသိတဲ့လူလာရင် ဆီးသီးထုတ်ကျွေး။ စားရင်ဝိုင်းရယ်ကြနဲ့ ကျွန်တော်လုပ်တာထက်တောင်မှ ပျော်စရာကောင်းနေသေးတယ်။ ငှက်ပျောကြော်တို့ ၊ကင်းကောင်တို့လည်း အဲဒီဆီးသီးနဲ့ခံရပါတယ်။ဇက်ဆိပ်ရောက်လို့ ကားပေါ်တက်တော့ ကောင်မလေးက ဆီးသီးဗန်းကလေးကိုင်ပြီး ကျွန်တော်တို့ကို ငေးလို့..။

အိမ်ရောက်လို့ ၃၊ ၄ရက်ကြာ တော့ ကျွန်တော့်ဇနီးက ခရီးဆောင် အိတ်လျှော်ဖို့လုပ်တော့..။
“ဟင် ဒီမှာ ဆီးသီးထုပ်ကြီးပါလား။ ဘယ်တုန်းက ဆီးသီးလဲ”
“ချောင်းသာကအပြန်ဇက်ပေါ်က ဆီးသီးပါကွာ၊ မကောင်းတော့ပါဘူး။ လွှင့်ပစ်လိုက်ပါတော့..”
ကျွန်တော်တစ်ချက်သတိရမိသွားတယ်။ ဒီအချိန်ဆို ကောင်မလေးဆီးသီးရောင်းနေမှာပဲ။ သူ့အမေရော နေကောင်းသွားပြီလားလို့ပါ။

နီကိုရဲ
ဆရာနီကိုရဲကို ဤစာမူဖြင့် နှုတ်ဆက်ပါသည်။
PDF နဲ့ဖတ်ချင်သူများအတွက် ဒီမှာ ဖတ်ပါ။



Friday, October 23, 2009

မေတ္တာပဓာန

အလျားအနံတော့မရှိပေမယ့် အသွားအပြန်တော့ ရှိတယ်ဆိုတဲ့ စကားလေးက လူတိုင်းလူတိုင်း ကြားဖူးနေကြပါ။မေတ္တာတရားအကြောင်းကို ပုံနှိုင်းပြကြတဲ့ စကားလေးပါ။လူသားတွေဟာ တစ်ဦးပေါ်ကို တစ်ဦးက မေတ္တာသက်ရောက်မှုရှိမယ်ဆိုရင် မှန်သားပြဒါးပြင်ပေါ် အလင်းကျရောက်လာလို့ တဖန်အလင်းပြန်တဲ့ သဘောတရားလိုပေါ့ မေတ္တာတရားဟာလဲ အမြဲတမ်း စတင်ပို့လွှတ်တဲ့သူဆီကို တနည်းတဖုံ ပြန်လည်ရောက်ရှိလာတတ်စမြဲပါ။ ဒီလိုအကြောင်းကျိုးတရားတွေကြောင့် လူသားတွေ တစ်ဦးပေါ်တစ်ဦး မနာလိုဝန်တိုစိတ်၊ ခိုက်ရန်ဒေါသ ဖြစ်လိုစိတ် အရှင်းနဲ့ မေတ္တာထားခဲ့ကြလို့ ငြိမ်းချမ်းတဲ့ သာယာကြည်နူးဖွယ်ကောင်းသော အခြေအနေတွေ ဖြစ်ပေါ်လာခဲ့ကြဖူးပါတယ်။ ဒီလိုအကြောင်းတရားတွေဟာ အခုလဲ ရှိနေဦးမှာပဲ။နောင်လဲ လာကြဦးမှာပါပဲ။
မေတ္တာတရားရဲ့ အင်အားကြီးမားပုံကိုတော့ လူတွေအတော်များများ သိရှိခံစားနားလည်ဖူး ကြပါလိမ့်မည်။မေတ္တာတရားဟာ လူသားတွေတင်ပဲလား၊ ဒီသတ္တလောကကြီးပေါ်မှ အခြားခြားသော သက်ရှိသတ္တဝါတွေ အပေါ်မှာလဲ တစ်ဦးနှင့်တစ်ဦး၊ တစ်ကောင်နှင့် တစ်ကောင် အပြန်အလှန်သက်ရောက်မှုတွေကို ဖြစ်ရပ်မှန်သတင်းတွေ၊ ရုပ်ရှင်တွေ၊ မျက်မြင်ကိုယ်တွေ့တွေ စသည်ဖြင့် အမျိုးမျိုး အဖုံဖုံ မြင်ကြ၊ တွေ့ကြ၊ သိမြင်ခံစားဖူးကြမှာပါ။

+++++++++++++++++++++++++++++++++++++++++++++++++++++++

အချိန်ဆိုတဲ့ကာလတွေဟာ သက်တမ်းနှင့် အမျှကို ဝေးကွာသွားတတ်ကြပေမယ့်လဲ ဖြစ်ပျက်ခဲ့ကြတဲ့ အမှတ်တရ ရှိမှုလေးတွေကတော့ စိတ်နှလုံးသားသဏ္ဍာန်ကနေ ဘယ်နည်းဘယ်ပုံနည်းနှင့်မျှ ရွှေ့ရှားပျောက်ကွယ် သွားလေ့မရှိကြပါဘူး။တခါတရံမှာသာ မေ့ပျောက်ကောင်း မေ့ပျောက်သွားတတ် ကြပေမယ့်လည်း အလားတူ ဖြစ်ပျက်မှု၊ တိုက်ဆိုင်မှုလေးတွေကို ပြန်လည်တွေ့ရှိရတိုင်း မိမိတို့ခံစားဖူး၊ ဖြစ်ပျက်ခဲ့ဖူးသော အဖြစ်အပျက်ကလေးတွေဟာ ပြန်လည်မှတ်မိလာတတ် စမြဲပါပဲ။

တနေ့ ရေချမ်း ရုံးထဲမှာ အလုပ်ပါးလို့ နက်ထဲဝင်ကြည့်ရင်း ကိုပီတာတင်ပြထားတဲ့ လူသားသခင်က အလွန်တရာမှ ဆိုးရွားလွန်းလို့ သေဒဏ်ပေးထားတဲ့ သူရဲ့ခွေးကြီးကို ကာကွယ်လိုတဲ့ မေတ္တာအကြောင်းလေးဖတ်ရတော့ ရေချမ်းတစ်ယောက် ဟိုးအတိတ်ငယ်စဉ်က သူနှင့် ကောက်ရတို့ ပုံရိပ်လွှာလေးကို မြင်မိရင်း……………………………………………………………။

+++++++++++++++++++++++++++++++++++++++++++++++++++++++++

“တယ် ဒီခွေးမ သတိထားဟေ့ ….လူတွေကိုလဲ လိုက်ကိုက်နေတယ်။ဟဲ့ကလေးတွေ အနားမကပ်ကြနဲ့နော်။ဒီခွေးမကြီးက သားကျထားတာ၊ သူ့ကလေးတွေနားကပ်မှာဆိုးလို့ လမ်းသွားလမ်းလာ လူတကာကို လိုက်ဟပ်နေတာ။”
အထက်ပါ မအေးသန်းရဲ့ ခုနှစ်အိမ်ကြား သူ့အသံပြဲကြီးနဲ့ လမ်းသွားလမ်းလာများ၊ ကလေးများကို အော်ပြောပြီး သားကျပြီးကာစ ခွေးမကြီးရဲ့ လူတကာကို ရန်လိုနေမှုကို အော်ပြောရှင်းပြနေတာကို ရေချမ်းတစ်ယောက် အိမ်ပေါ်မှ အတိုင်းသားကြားနေရသည်။ဒီခွေးမကြီးကလဲ သူအရင်စံပျော်ရာ ရေချမ်းအိမ် မျက်စောင်းထိုးလောက်က ညောင်ပင်ကြီးအောက်မှာပင် သူ့ကလေးတွေကို မွေးခဲ့တာ ရက်ပိုင်းလေးပဲ ရှိဦးမည်ထင်သည်။

ဒီညောင်ပင်ကြီးက လမ်းနှစ်ခွဆုံထိပ်လေးတွင်ရှိပြီး ထိုနှစ်လမ်းလုံးမှလဲ ဈေးဘက်ကို သွားလို့ရ၍ ဒီလမ်းဆုံလေးသည် ဘယ်အချိန်ကြည့်ကြည့် ဈေးသွားဈေးလာဖြင့် ကင်းလှသည်မရှိလှပေ။ နောက်ပြီး တစ်ချို့ဈေးသွားသူတွေကလဲ ဈေးအသွားကို ဈေးထိပ်အမှိုက်ပုံကြီးမှာ ပြစ်ရန် အမှိုက်ထုပ်လေးတွေကို ဈေးခြင်းထဲထည့်လာတတ်ကြသည်။သူတို့တွေက ညောင်ပင်ကြီးအောက်နားက ဖြတ်သွားတိုင်း ဒီခွေးမကြီးက သူတို့ရဲ့ စားကျွင်းစားကျန် အနံအသက်ကြောင့် သူတို့နောက်က ကောက်ကောက်လိုက်ပြီး အစာတောင်းလေ့ရှိသည်။ဒါကို တချို့ ခွေးကြောက်သူ၊ သူတို့နောက်ခွေးလိုက်တာ မကြိုက်သူတချို့ကတော့ ခွေးမကြီးကို ဟိန်းလွှတ်ကြ၊ ခြောက်လွှတ်ကြသည်။ သနားဓာတ်ခံရှိသူတွေကတော့ ညက ဟင်းကျန်ကျွေးကျန်လေးများကို ကျွတ်ကျွတ်အိတ်လေးတွေနှင့် ထုတ်လာပြီးချကျွေးတတ်ကြသည်။

ရေချမ်းကတော့ ညဘက် ဒီခွေးမကြီးအတွက် ထမင်းကြမ်းအချို့နဲ့ ဟင်းကျန်ကလေးများ နယ်ဖတ်ပြီး ခြံထောင့်မှာ သူအတွက် စာခွက်လုပ်ပေးထားသည်။ဒါကြောင့်လဲ ဒီခွေးမက ညနေပိုင်းဆို ရေချမ်းတို့ အိမ်ဝန်းကျင်မှာ တဝဲလည်လည်ရှိနေတတ်သည်။ရေချမ်းက ဒီခွေးမကြီးကို “ကောက်ရ”လို့ သူ့ဘာသာ အမည်ပေးထားသည်။ ခွေးမကြီးကလဲ သူ့နာမည်ကိုသိသည်။အစာကျွေးခါးနီး “ကောက်ရရေ” ဟုခေါ်လိုက်ရုံဖြင့် အမြီးလေးတနှံနှံဖြင့် ပြေးလာတတ်ပြီး သူ့အစာကို မစားသေးမှီလဲ ရေချမ်းကို ကျေးဇူးတင်ကြောင်း သူ့မျက်လုံးတွေဖြင့် ကြည့်ပြောတတ်သည်။

တခါတုန်းကလဲ ကောက်ရကြောင့် ရေချမ်းတို့အိမ်ကို သူခိုးကပ်တာမိသွားခဲ့ရဘူးသည်။ မနက်လင်းအားကြီး လူတွေအိပ်ကောင်းချိန်ပေါ့ ကောက်ရတစ်ကောင် တခါဘူးမျှ အူသံရှည်ရှည်မဆွဲဘူး။ ဟောင်လဲ တစ်ချက်နှစ်ချက်လောက်ဟောင်ပြီး တိတ်သွားတတ်သည်။အဲဒီနေ့မှ ရေချမ်းအဖေကလဲ “ဒီခွေးမ သူ့လလဲမဟုတ်သေးပဲ ဘာကြောင့်အူနေတာလဲမသိဘူး”ဟု သတိထားပြောသည်။နောက်သူ့အသံက အူယုံတင် မဟုတ်သေး တစ်ချက်တစ်ချက် ရေချမ်းတို့အိမ်ရှေ့တဲ့တဲ့ကြီးမှာ လာဟောင်သေးတယ်။အဖေလဲ ထူးခြားတယ်ဆိုပြီးထကြည့်တာ ကိုရွှေငတက်ပြားက ခြံထောင့်က စံပယ်ရုံကြီးထဲမှာ ရှေ့ထွက်မရ နောက်ထွက်မရပဲ ဖြစ်နေတာ အဖေကတွေ့သွားပြီးမိသွားသည်။သူက ဘယ်ရှေ့တိုးထွက်နိုင်မလဲ ကောက်ရမက သူအရှေ့က ပိတ်ပြီးဟောင်နေတာ။သူခိုးက အဲဒီမှာ ဂိမ်တာပဲ ရှေ့တိုးရင်လဲ ခွေးမပါးစပ်က ဖြဲဖြဲကြီးနဲ့အဆင်သင့်၊ နောက်ဆုတ်ရင်လဲ ရေချမ်းအဖေက ကိုးသင်းချိုင်းဓားကြီး တဝင့်ဝင့်နဲ့ မတတ်သာတဲ့အဆုံး စံပါယ်ရုံထဲမှာပဲ တဟင့်ဟင့်နဲ့ ရှိုက်ငိုရတဲ့ အဆင့်ရောက်သွားပါတယ်။ (ကိုးသင်းချိုင်းဓားဆိုတာက ရေချမ်းတို့ရပ်ကွက်က ချိုင်းရောင်တဲ့ကိုသင်း လာအပေါင်ခံထားတဲ့ ကိုသင်း(ချိုင်း)ရဲ့ဓားမပါ။အခုတော့ သူလဲ လာမရွေးနိုင်တော့လို့ ရေချမ်းအဖေလက်ထဲ ရောက်လာတာပါ။:P)

ကောက်ရနဲ့ ရေချမ်းတုိ့အဖေ မျက်လုံးချင်းဆုံပြီး အပြန်အလှန် ကျေးဇူးသက်ကာရတွေ တင်လိုက်ကြသည်။

+++++++++++++++++++++++++++++++++++++++++++++++++++++++++

အဲဒီနောက်ပိုင်းမှာ ကောက်ရလဲ သူ့ညောင်ပင်အောက်ကနေ အတော်လေးကြာအောင် ပြောက်သွားသည်။ရေချမ်းတို့မိသားစုလဲ သူလာနေကြ ညနေတိုင်းအစာလာမစားတော့လဲ သူကိုမေ့မေ့ပျောက်ပျောက် ဖြစ်ကုန်ကြသည်။အစာခွက်ထဲမှာတော့ အစာတွေထည့်မြဲတိုင်းတော့ ထည့်ထားပေးသည်။ကောက်ရကြီး ပြန်ရောက်လာလို့ ဗိုက်ဆာရင်စားလို့ရအောင်တဲ့ သူမဟုတ်လဲ အခြားကောင်တွေ စားကြစေဆိုတဲ့ သဘောနဲ့ ညတိုင်းရေချမ်းကို အဖေက ကောက်ရရဲ့အစာခွက်ကို သွားဖြေ့ခိုင်းလေ့ရှိသည်။

တနေ့ ရေချမ်းအစာခွက်ဖြည့်နေရင်း ဟဲဟဲနဲ့ မောဟိုက်တဲ့ အသံကြားလို့ နောက်လှည့်ကြည့်လိုက်တော့ ကောက်ရပြန်ရောက်လာသည်။လျာတန်းလန်းနဲ့ အဝေးကြီးက လာပုံလဲရသည်။သူကြည့်ရတာ အစာလည်း ဝဝလင်လင် မစားရခဲ့ဟန် ပိန်လှီခြောက်သွေ့နေသည်။ရေချမ်းလဲ “ကောက်ရ လာ…လာ”လို့ လက်ယက်ခေါ်လိုက်တော့ ထိုင်နေရာမှ ရေချမ်းနားထလာသည်။ရေချမ်းက သူနားခေါင်းလေးပွတ်ပြီး ဘယ်ပျောက်နေတာလဲမေးတော့ နားလည်ဟန်ဖြင့် မေးငေါ့ရင် မျက်လုံးအဝိုင်းသားဖြင့် ရေချမ်းကို မော့ကြည်နေသည်။နောက်ရေချမ်း သူ့အတွက် အစာကို အစာခွက်ထဲတည့်ပေးတာ ပြီးအောင်ထိုင်စောင့်နေသည်။ အစာထည့်ပြီးပြီဆိုမှ အစာခွက်နားလာပြီးစားသည်။

နောင်လအတန်ကြာတော့ ရေချမ်းအဖေက “ကောက်ရမမှာ ဇီးရှိလာပြီ ဧကန်န ဒီကောက်ရမ အရင်ပျောက်သွားတာ ချစ်သူအသစ်တွေ့သွားလို့ လိုက်သွားတာထင်တယ်”လို့ ရေချမ်းအဖေက ကဗျာဆန်ဆန် ကောက်ချက်ချလိုက်သည်။မကြာပါဘူး ကောက်ရမမှာ ခွေးပေါက်ကလေး လေးကောင် ပေါက်လာပြီး လမ်းပေါ်က ဈေးသွားဈေးလာတွေ သူ့ကလေးတွေ လာကြည့်မှာစိုးလို့ထင်တယ် တွေ့သမျှလူကို လိုက်ဟောင်နေသည်။ရေချမ်းတို့သွားကြည့်တော့ သူက ဘာမှမပြောဘူး ခပ်လှမ်းလှမ်းလေးမှာ သူရှေ့ခြေနှစ်ချောင်းကိုဆင်းပြီး မေးလေးတင်ကာ ဝပ်တွားပြီးကြည့်နေလိုက်သေးတယ်။ရေချမ်းအမေက
“သားရေ ကောက်ရတို့မိသားစု ညကြရင်အေးနေမှာ နွေးသွားအောင် ခွေးလေးတွေအောက်ကနေ ဂုံနီအိတ်ခွံတွေ ခင်းပေးမှထင်တယ်။နောက်ပြီး သူတို့မိသားစုအတွက် လမ်းထိပ်ထမင်းဆိုင်က ထမင်းဟင်းအကျန်တွေ အမေသွားတောင်းလိုက်ဦးမယ်”။
ဒါကိုကောက်ရက ရေချမ်းအမေပြောသွားတာ သူနားလည်တယ်ထင်တယ် “အူ”ဆိုပြီး ကျေးဇူးစကား တိုးတိုးလေးပြောလိုက်သည်။
+++++++++++++++++++++++++++++++++++++++++++++++++++++++++

ရက်အတန်ကြာလာတော့ ကောက်ရရဲ့ကလေးတွေ လမ်းစလျောက်တတ်လာပါပြီ။ဟိုစမ်းတဝါး ဒီစမ်းတဝါးနဲ့ သူတို့ကလေးတွေ ဒယိမ်းဒယိုင် လမ်းလျောက်နေတာကိုကြည့်ရင်း ကောက်ရမကြီးရဲ့ မိခင်မေတ္တာအပြည့်ဖြင့် သူ့ကလေးတွေ ကာကွယ်စောင့်ရှောက်နေတဲ့ မြင်ကွင်းဟာ ရေချမ်းစိတ်ထဲ ဝမ်းသာကြည်းနူးနေမိတယ်။ ကောက်ရမချစ်သူက အကောင်လှတယ်ထင်တယ်။လေးကောင်လုံးက သူတို့အမေလိုမဟုတ်ပဲ အမွေးနုရှည်ရှည်လေးတွေ ရှိတယ်။ဈေးသွားဈေးလာတွေက ခွေးကလေးတွေကိုချစ်လို့ ကိုင်ရင်တောင် ကောက်ရမက သူ့ကလေးတွေကို ခေါ်သွားမှာဆိုးလို့နဲ့တူတယ် ဂီးဂီးနဲ့ မာန်ဖီလိုက်ရော ကိုင်ထားတဲ့သူတွေက ခွေးလေးတွေချပြီး လန့်ပြေးသွားကြတယ်။

ညနေ အစာစာဖို့သူတို့မိသားစုကို လှမ်းခေါ်လိုက်ရင် ဒီကောင်လေးလေးကောင်က လုံးလုံး လုံးလုံးနဲ့ သူအမေရှေ့ကနေ အပြေးလေးတွေလာကြပုံက ချစ်စဖွယ်လေးတွေ။ပြီးတော့ ရေချမ်းထည့်ပေးတဲ့ အစာခွက်ထဲက အစာတွေကို လေးကောင်သားအလုအယက်နဲ့ကို စားနေလိုက်ကြသေးတယ်။ရံဖန်ရံခါများ သူတို့အသံသေးသေးလေးတွေနဲ့ အစာမာန်ဖီနေလိုက်ကြသေးတယ်။ကောက်ရမကြီးကတော့ သူကလေးတွေ အစာဝလင်အောင်စားနေတာကိုပဲ အနောက်ကနေ ထိုင်ကြည့်နေတယ်။သူကလေးတွေ ဝသွားပြီဆိုတော့မှ သူကကျန်ခဲ့တဲ့အစာကိုဆက်စားတယ်။

တနေ့နံနက်စောစော အိမ်ရှေ့တံခါးမှာ တဂျစ်ဂျစ်နဲ့ တစ်ခုခုခြစ်သံကြားလိုက်ရတော့ ဘုရားရှိခိုးနေတဲ့ ရေချမ်းအမေက ထပြီးတံခါးသွားဖွင့်ကြည့်လိုက်တော့ ကောက်ရလေ သူ့ကလေးတွေကို ဂုတ်ကနေကိုက်ချီပြီး တကောင်ချင်းစီ တံခါးရှေ့လာချနေတာကို တွေ့လိုက်ရတယ်။နောက်ပြီး သူတစ်ကိုယ်လုံးလဲ သွေးတွေပေကြံလို ဒဏ်ရာတွေကလည်း ဗလပွနဲ့။နောက်ပြီး သူပါးစပ်မှာလဲ အမြုပ်တွေတစီစီနဲ့ အပြင်ကိုလျှံကြနေတာကို ရေချမ်းအမေကတွေလိုက်ရတော့ “လာကြပါဦး၊ ဒီမှာကောက်ရမ ဘယ်လိုဖြစ်နေလဲမသိဘူး။” ဟု လှမ်းအော်လိုက်တော့ ရေချမ်းနဲ့ သူ့အဖေ အပြေးလေး ထွက်လာကြည့်ကြတယ်။

“ဟာ ဒီပုံအတိုင်းဆို ကောက်ရမ အဆိပ်တုံးမိသွားပြီထင်တယ်။သူ့ကို ဘယ်သူတွေက ရိုက်လွှတ်လိုက်လဲမသိဘူး၊ ဒဏ်ရာတွေနဲ့”ဆိုပြီး ရေချမ်းအဖေက အိမ်အောက်ဆင်းသွားပြီး ကောက်ရမကို သွားကြည့်လိုက်တယ်။ကောက်ရမခမြာလည်း ဘယ်လောက်တောင်မှ အားတင်းပြီးထားရလဲ မသိဘူး သူ့ကလေးတွေ အားလုံးကို အိမ်ရှေ့လှေကားခြေရင်းနားမှာချထားပြီးတာနဲ့ သူလဲ ဘုန်းဘုန်းလဲကျသွားတယ်။နောက်ပြီး သူ့ဆီကို ပြေးဆင်းလာတဲ့ ရေချမ်းအဖေကို အားကိုးတဲ့ မျက်လုံးတွေနဲ့ ကြည့်ပြီး နောက်ဆုံးနှုတ်ဆက်သွားရှာတယ်။ခွေးကလေးတွေကတော့ သူတိုမိခင်ကြီး ဘာဖြစ်မှန်းတောင်မသိရှာကြဘူး ခွေးကလေးတို့ ဘာသာဘာဝ သူတို့အမေ အလောင်းဘေးမှာ လှည့်ပတ်ပြေးဆော့နေကြတယ်။

ရေချမ်းတို့သားအဖလဲ ကောက်ရရဲ့နောက်ဆုံးခရီးအတွက် သူနေခဲ့တဲ့ ညောင်ပင်အောက်မှာပဲ မြုပ်နှံသင်္ဂြိုလ်လိုက်ကြတယ်။ခွေးကလေးတွေကိုတော့ ရေချမ်းတို့ အိမ်အောက်မှာပဲ သူတို့အတွက် နွေးထွေးအောင် နေရာလေးတစ်နေရာလုပ်ပေးထားလိုက်တယ်။ညဘက်ညဘက်ဆိုရင်တော့ ရေချမ်းတို့အိမ်အောက်က ခွေးကလေးတွေ သူတို့စို့နေကြ ကောက်ရမနို့ကို တောင်းတလို့ ညီးနေသံတွေကိုကြားရတိုင်း ရေချမ်းတစ်ယောက် သူတို့လေးတွေရဲ့ ဖြစ်အင်ကို သနားနေမိတယ်။

ကောက်ရမဟာ သာမာန်ခွေးမတစ်ကောင်ဖြစ်ပေမယ့်လဲ သူ့အပေါ် ကျေးဇူးရှိတဲ့သူတွေ၊ မေတ္တာထားတဲ့သူအတွက် ကျေးဇူးတုံ့ပြန်မှုရှိတယ်မိခင်ပီသတဲ့မေတ္တာစိတ်နဲ့ အရင်းခံ၍ သူကလေးတွေရဲ့ အသက်ကို ကာကွယ်စောင့်ရှောင့်မှုလဲရှိတယ်သူသေဆုံးခါးနီးတိုင်အောင်တောင် သူ့ဝေဒနာကို လှစ်လျုပြုပြီး သူ့ကလေးတွေ နောင်ရေးအတွက် နားခိုစရာစီစဉ်သွားပေးသေးတယ်။ အခုဆိုရင် သူကလေးလေးကောင်ဟာ ရေချမ်းတို့အိမ်မှာ လုံခြုံရေးအတွက် အရမ်းကို အားကိုးရတဲ့ ခွေးကြီးလေးကောင် ဖြစ်နေပါပြီ။သူတို့အမေ ကောက်ရမတစ်ကောင် ကောင်းရာသုဂတိလားပါစေ။

ဆက်လက်ကြိုးစားပါဦးမည်။

Monday, October 19, 2009

Go Back Home



အိမ်အပြန်

ကျင်လည်ခဲ့တာ များလာပြန်တော့
ရောက်တဲ့နေရာ ရင်းနှီးလာပြီ။

ငါ့ရဲ့စိတ်တွေ ရွေ့ရာကိုတော့
ငါ့ခြေလှမ်းတွေ ကပ်မလိုက်ချင်ပြီ။

ငါ့နှလုံးသား ဦးတည်ရာတော့
အပြေးလှမ်းပြီး သွားချင်မိပြီ။

အိမ်ပြန်ဖို့အရေး မျော်ကာငေးတော့
သုံးလေးရက်သာ ကျန်ပါတော့ပြီ။

ရောက်ချင်လိုဇော ဖန်လာများတော့
သူ့အလိုလို ရက်ကပ်လာပြီ။

ရောက်ချင်လွန်းလို့ စောင့်ရပြန်တော့
ငါ့ရင်ဘတ်တွေ လေးလွန်းလှပြီ။

စောင့်တဲ့ရက်ကို ရောက်လာပြန်တော့
ပြန်ရမည့်အရေး တွေးပူမိပြီ။

ဘာဖြစ်ဖြစ်ပါ ပြန်ရမည်မို့
ငါ့မြေ ငါ့ရေ ရောက်ချင်လှပြီ။

စောင့်မျော်ကြသူ ဇနီးနဲ့သား
အမျိုးများကို မြင်ချင်လှပြီ။

တကယ်ရောက်တော့ ဒုံရင်းဒုံရင်း
င့ါမြင်ကွင်းကြောင့် ပြန်ပြေးချင်သည်။

(ခရာလင်း)